Тӗрӗс пуҫҫапнине эсир мӗншӗн хаклатӑр?

Иезекииль храм ҫинчен курнӑ курӑну тыткӑнра пулнӑ иудейсене хавхалантарнӑ, мӗншӗн тесен ҫак курӑну вӗсем Турра каллех тӗрӗс пуҫҫапма пуҫлӗҫ тесе шантарнӑ. Ҫак юлашки кунсенче «Ҫӳлхуҫа Ҫурчӗн тӑвӗ», е тӗрӗс пуҫҫапасси, «ытти тусенчен» асла тухнӑ. Халӑхсем пурте ун патне пуҫтарӑнаҫҫӗ, вӗсем хушшинче эсир те (Ис 2:2). Иеговӑна пӗлесси тата уншӑн ӗҫлесси мӗн тери пысӑк чыс пулни ҫинчен эсир яланах шухӑшлатӑр-и?

ТӖРӖС ПУҪҪАПНИ ПИЛЛӖХСЕМ ПАРАТЬ:

• 

  Питӗ нумай сӑнарлӑ апат; вӑл пире пурнӑҫри пӗлтерӗшлӗ ыйтусем ҫине хуравсем, усӑллӑ канашсем тата ҫирӗп шанчӑк парать (Ис 48:17, 18; 65:13; Рм 15:4).

• Пӗр-пӗрне юратакан пӗтӗм тӗнчери тӑванлӑх (Пс 132:1; Ин 13:35).

• Савӑнӑҫ паракан ӗҫре Турӑпа пӗрле ӗҫлени (Ап ӗҫ 20:35; 1Кр 3:9).

• Турӑ паракан канӑҫлӑх; вӑл пире йывӑрлӑхсенче вӑй парса тӑрать (Фп 4:6, 7).

• Таса совесть (2Тм 1:3).

• Иеговӑпа ҫывӑх хутшӑнусем (Пс 24:14).

Тӗрӗс пуҫҫапнине хакланине эпӗ мӗнле кӑтартма пултаратӑп?