Ырӑ ӗҫсем манӑҫа тухмаҫҫӗ

Иегова хӑйӗн ӗҫлекенӗсен ырӑ ӗҫӗсене нихӑҫан та манмӗ. Юратакан ашшӗ хӑйӗн ачин ҫитӗнӗвӗсене асра тытнӑ пек, Иегова та эпир тӑвакан ӗҫе тата унӑн ятне юратнӑран ыттисемшӗн тӑрӑшнине манмасть (Матф. 6:20; Евр. 6:10). Паллах, пирӗн кашнин тӗрлӗрен пултарулӑх, пурнӑҫри лару-тӑру та пӗр пек мар. Ҫапах та Иеговӑшӑн чунтан-вартан ӗҫлетпӗр пулсан, эпир савӑнӑҫлӑ пулӑпӑр (Гал. 6:4; Кол. 3:23). Нумай ҫул хушши ӗнтӗ Вефильте пин-пин тӑван ӗҫлет. Эсӗ вара Вефильте ӗҫлеме пултаратӑн-и? Пултараймастӑн пулсан та, эсӗ ыттисене Вефильте ӗҫлеме хавхалантарма е унта ӗҫлекен тӑвана малалла та хӑйӗн ӗҫне туса тӑма пулӑшма пултаратӑн.

«ВЕФИЛЬТЕ ӖҪЛЕМЕШКӖН САНӐН МӖН ТУМАЛЛА?» ВИДЕОРОЛИКА ПӐХ ТА ҪАК ЫЙТУСЕМ ҪИНЕ ХУРАВЛА:

• Вефильте ӗҫлес текенсен мӗнле шухӑш-кӑмӑл пулмалла?

• Вефилецсем хӑйсем илнӗ пиллӗхсем ҫинчен мӗн каласа панӑ?

• Вефильте ӗҫлемешкӗн мӗнле требованисемпе килӗшӳллӗн пурӑнмалла?

• Вефильте ӗҫлеме хатӗрленес тесен мӗн тумалла?