Эсӗ Турӑ Сӑмахне мӗн таран хаклатӑн?

Библире Иегова Туррӑн, ҫак сӑваплӑ кӗнекен Авторӗн, сӑмахӗсемпе шухӑшӗсене ҫырса хунӑ (2Пт 1:20, 21). Ҫӳлти Патшалӑх Туррӑн аслӑ влаҫне тӳрре кӑларӗ тенипе Библи ҫынсене лайӑх пурнӑҫ пуласси пирки шантарать. Унсӑр пуҫне, вӑл Иегова, пирӗн юратакан пӗлӗтри Атте, мӗнлерех Турӑ пулнине уҫса парать (Пс 85:15).

Иеговӑн Сӑмахне хаклама пирӗн кашнин хӑйӗн сӑлтавӗ пур. Анчах сан ӗҫӳсенче эсӗ ҫак парнене хаклани курӑнать-и? Эсӗ Библие кашни кун вулатӑн-и тата унти канашсемпе усӑ куратӑн-и? Сан ӗҫӳсенче сан туйӑмсем псалом юрлаканӑн туйӑмӗсем пек пулни курӑнтӑр. Вӑл ҫапла каланӑ: «Санӑн саккунна эпӗ епле юрататӑп!» (Пс 118:97.)

«ВӖСЕМ БИБЛИЕ ХАКЛАНӐ. ФРАГМЕНТ (УИЛЬЯМ ТИНДАЛ)» ВИДЕОРОЛИКА ПӐХ ТА ҪАК ЫЙТУСЕМ ҪИНЕ ХУРАВЛА:

• 

  Мӗншӗн Уильям Тиндал Библин хӑш-пӗр пайӗсене куҫарнӑ?

• Библие куҫарас тесе унӑн мӗн чул вӑй хума тивнӗ тата мӗншӗн вӑл тунӑ ӗҫ питӗ пӗлтерӗшлӗ пулнӑ?

• Вӑл куҫарнӑ Библин экземплярӗсене Англие мӗнле илсе ҫитернӗ?

• Турӑ Сӑмахне хакланине пирӗнтен кашни мӗнле кӑтартма пултарать?