ХРИСТИАНСЕН ПУРНӐҪӖ
Интернетра санӑн тусусем камсем вӗсем?
Туссем пӗр-пӗрне юратаҫҫӗ тата хисеплеҫҫӗ. Тӗслӗхрен, Давид Голиафа ҫӗнтерсен, Ионафанпа Давид ҫывӑх туссем пулса тӑнӑ (1Патш 18:1). Вӗсене пӗр-пӗрин лайӑх енӗсем килӗшнӗ. Пӗр-пӗрне пӗлсе пынӑҫемӗн туслӑх ҫирӗпленсе пырать, ҫакӑн валли вара вӑхӑтпа вӑй хуни кирлӗ. Анчах социаллӑ сетьсенче пӗр кнопкӑна пуссанах «туслашса кайма» пулать. Интернет урлӑ ҫынсем чӑннипе мӗнлерех пулнине ӑнланма йывӑр, мӗншӗн тесен вӗсем мӗн каламаллине маларах шухӑшласа хума пултараҫҫӗ тата хӑйсене урӑх ҫын пек тытма пултараҫҫӗ. Ҫавӑнпа хӑвӑн валли интернетра туссене тӗрӗс суйласа илме пулӑшакан правилӑсем палӑртса хур. Палламан ҫын туслашма сӗнет пулсан, ӑна кӳрентерме пултаратӑп тесе унӑн сӗнӗвне сирсе яма ан хӑра. Хӑрушлӑхсем пуррине пула хӑш-пӗрисем социаллӑ сетьсемпе пачах усӑ курмаҫҫӗ. Анчах та эсӗ социаллӑ сетьсемпе усӑ куратӑн пулсан, санӑн мӗн асра тытмалла?
«СОЦИАЛЛӐ СЕТЬСЕМПЕ ТӖРӖС УСӐ КУРӐР» ВИДЕОРОЛИКА ПӐХ ТА ҪАК ЫЙТУСЕМ ҪИНЕ ХУРАВЛА:
Сӑнӳкерчӗксене кӑларса хуриччен тата комментарисене ҫырса хуриччен мӗн асра тытмалла?
Мӗншӗн интернетра туссене тӗрӗс суйласа илмелле?
Мӗншӗн соцсетьсенче мӗн чухлӗ вӑхӑт ирттермеллине палӑртса хумалла? (Эф 5:15, 16).