Zoova ˗yö Edhi ˈgü kë ˈˈgbɩɩ˗

ˈPë ˈwo˗ ˗kë Baadhö ˗wodhiʋ̈lomɛn ˗nu ˈka bhë, ˗yö ˗shiö Ʒezabɛdhö ˗dhɛ ꞊dedewo. ˈYö nɔɔn˗ bɔ Edhi ˗dhɛ ˈö˗ pö: ‹Dhiʋ̈ˈˈ, ü ˈdhö ga ꞊dhɛ Baadhö ˗wodhiʋ̈lomɛn ˗nu ˈdhö.› Suʋ̈ˈˈ ˗yö ˗da Edhi ˈgü ˈö ꞊duëë ˈö dho ˈˈyɛɛta. ˗Yö ˗bhɛɛ ˈö˗ pö: ‹ˈAa Zoova, ˗a ˈˈse ˈyaa n ˗dhɛ ˈzü ˗bhö ꞊kwaa n zü ˈa ga.› ˈDhɛ ˈgü ˗yö ga, ˈö yi zë ˈˈdhü do ˈbha ꞊wlöö.

˗Zlan ˗bha ˈˈkië do ˗yö ˗pa ˗a ˗bha ˈö˗ pö ˗dhɛ ˈˈnɛɛnnɛn ˈka: ‹Luuˈˈ kö ˈü ˗pë ˗bhö.› Edhi ˗yö ˗luu ˈö ˗kpan ˈblu˗ bhɛ ˈˈpɛɛpɛ ˈö ˈˈdhʋ̈ʋ̈dhʋ̈ʋ̈ ˗a ˗bha ˗gwö ˈˈwowosü ˗ta kö ˈˈyi ˗ya ˈˈsuee. ˈYö˗ ˗bhö ˈö ˈˈyi mü ˗a ˈta ˈö ˈwaannu ˗dɛɛwo. ˈYö ˈˈkië bhë ˈö pa ˗a ˗bha ˈzü ˈö˗ pö ˗a ˗dhɛ: ‹Pë ˗bhö ˈyö ˗tɔ ꞊dhɛ ü ˗bhawɔn ˗dhö yö ꞊faan ˗bha ˈˈta ꞊gblɛɛn ˈü ˈdho ˗a ˈkpɔ bhë, ˗a ˗wɔn ˈgü.› ˈYö Edhi ˗yö pë ˈnën ˈbhaa ˗bhö ˈzü, ˈyö ˗dhɛkpaɔyi 40 waa ˗gbeŋ 40 ˈˈta sü ˈö dho ˈö ˗wo Odhɛbö ˗tɔn ˗ta. ˗Yö ˗da ˗gwö ꞊duudhɛ do ˈbha ˈgü ˈö ˈwaannu. ˈˈKɛɛ Zoova ˗yö dhiaŋzë Edhi ˗dhɛ ˈö˗ pö:‹˗Mën ˈü˗ kë ˗ni ˈgü yö?› ˈYö Edhi ˗ya pö: ‹Izraɛdhömɛn ˗nu ˗wa wo ˗taa yö ˗mlɛɛn ˈö kaa˗ ˗nu ka ꞊zinŋgü ˗a ˗bha. ˗Wa ü ˗bha ˈˈsaabhotapë ˗nu ꞊gban ˈwü, ˗wa ü ˗wodhiʋ̈lomɛn ˗nu zë ˗blaandhaa ˈka. ˈYö man dosɛnŋ ˈnën ˈman ˈto, ˈˈkɛɛ ˗wa ˈˈpiʋ̈ ꞊dhɛ ˗wo n zë ˈpö.›

ˈYö Zoova ˗ya pö: ‹˗Bhö ˈdho kö ˈü dɔ ˗tɔn ˗ta ˈˈdhuŋ.› ˗A züdɔdhɛ ˈgü, ˈˈtɛɛ ˈˈgbɩɩ˗ ˗yö ˗ya ˗ʒiö ˗sü ˗bha ˗gwö ꞊duudhɛ ˈö bhë ˗a ˈˈdhiʋ̈, ˈö ˈˈsɛ ˗yö ꞊zii, ˈgo mü ˈö ˈˈwo ˗yö ˗da. ˗A ˈˈdhiʋ̈tadhɛ ˈgü, Edhi ˈˈtʋ ˗yö ˗da ˗wo dhɔŋsü do ˈgü. ˈÖ sɔ kpa ˈö wëëdhö ˈö go ˗gwë ꞊duudhö ˈgü ˈö yö ˈˈkpɛnŋ. ˈYö Zoova ˗ya dhɛɛˈˈ kpɔ pë ˗kë ˈö ꞊duëë ˗a ˗wɔn ˈka. ˈYö Edhi ˗ya pö: ‹Man dosɛnŋ ˈnën ˈö ˈman ˈto ü ˗wodhiʋ̈lomɛn ˈka.› ˈYö Zoova ˗ya ˈpö ˗a ˗dhɛ: ‹ˈBhaa ü do ˈka, n ˗dhɔkëmɛn ˗nu ˈwo ˗ʒiö 7000 ˗ta ˗wo ˗kun Izraɛdhö. ˈDho kö ˈü Edhize kë n ˗wodhiʋ̈lomɛn ˈka ü ʒian ˈgü.› Edhi ˗to ˈˈshia mü ˈö ˈwɔn ˈö Zoova ˗ya pö bhë ˈö˗ ˗kë. Ü ˈbha ˈgü ˈpë ˈö Zoova ˗ya ˗dhɛ ü ˗gɔ ˈbha˗ kë ˗yö ˗dho ü ˗takun ˗ee? ꞊Ii, ˗yö ˗dho ˗a kë. ˗Kwa pë ˈbha ˈö ˗kë kö dha ˈyaa ban ˗ni ˈgü Edhi ˗bha ˈˈtʋ̈ŋ ˈgü ˗a ˗ga.