«Ü ˗bha ˗Gblüdëdhɛ ˗yö nu»

Zoova ˗ya ˗pö: ‹ˈˈGbʋ, pë ˈˈdhiʋ̈˗, ˈˈyua ɛɛnˈˈ ga ˗dho ɲën. A ˗dho n ˗kɔ ʒiö˗ ˗nu ˈˈɲan ˈˈdhiʋ̈, ˈa˗ ˗nu ˈˈɲanyi ꞊gban bho mü ˈˈpɛɛpɛdhö. ˈWɔn yaa ˈˈpɛpɛ ˈdhɛ ˈkö kun kë ˗ni ˈgü zii ˗blɛɛsü bhë, ˗a ꞊gban ˗dho ʒiö.›

Zoova ˗yö Adan waa Ɛvö ˗an ˗ya Edɛnö ˈˈdhüdhɛɛdhö kö ˗wo ˗tosɛta kë mü ꞊niidadhe ˈgü, wo ˈflëëgü. ˗Wo ˗dho wo Dë ˈö dhaŋ˗ ˈgü ˗a ˗dhɔkë ˗be, ˈö ˗an ˗bha ˈnën ˗nu ˗wo ˈˈsɛtadhɛ pa. Adan waa Ɛvö ˗wo Zoova ˗bha ˈtɔŋ˗ ꞊lögü, ˈˈkɛɛ Zoova ˗zopiʋ̈wɔn ˈyii go ˈˈgblʋʋ. Kwa˗ yö ˈsëëdhɛ ˗be ˈö yö ˗a ˈgü ꞊dhɛ pë ˈˈpɛpɛ ˈö Zoova ˗ya pö, ˗ya ˗kë. ˗A ˗bha ˗Gblüdëdhɛ ˗dho nu ˈwɔn ˗së ꞊dede ˈka ˈˈsɛ ˗ta, ꞊dhɛ ˗kɔ ˈö˗ ˈˈplüün bho˗ ˈka Ablaamö ˗dhɛ bhë, ˗a ˈdhö.

˗A ˈˈtʋ̈ŋ ˈyaa ꞊gblɛɛn ˈzü kö Sɔtraan, ˗zuu yaa ˗nu waa ˈwɔnyaakëmɛn ˗nu ˗wo ˈgo ˈˈshia˗. Mɛn ˗nu ˈwo ˗dho to, ˗wo ˗dho Zoova ˗dhɔkë. ˈˈYua ˈyii ˈdho ˗an kë ɛɛnˈˈ ˈwii dho ga. ˗Wo ˗dho ꞊bo yi ꞊gban ˈka wo ˈflëëgü, zuʋ̈gblüdhi waa ꞊faan ꞊dede ˈka. ˈˈSɛ ˗dho kë ꞊bhɔɔpö ˈka. ˗Bhöpë waa ˈkɔ ˗së ˗nu ˗dho kë mɛn ꞊gban ˗gɔ. Mɛn ˗nu ˈˈgblü ˗dho kë ˗së. ˈWii ˈdho pë ˈˈdhiʋ̈˗ ˗kë wo ˈko ˈka. ˈˈBlü ˗wü ˗nu ˈwii ˈdho ˈˈsuʋ̈ kwa ˗gɔ, ˈyö kwa ˗de ˈpö ˈkwii ˈdho ˈˈsuʋ̈ ˗an ˗gɔ.

Zoova ˗ya ˗ya mɛn ˗nu ˗bho ga ˈgü ˗sü ˗bha, ˗yö ˗dho kë ˈwɔn ˈˈdhiaasü ꞊dede ˈka. Kwa ˗dho kwa ˗kɔ ˗ya mɛn ˗nu ˈö ˈwo kun ˈkpa, ˈö ˈwo ˗kë ꞊dhɛ Abɛlö, Noe, Ablaamö, Saadha, Moizö, Lutö, Estɛɛ waa Davidö ˗nu ˈdhö bhë, ˗an ˗gɔ. ˗Wo ˗dho yö kë kwa ˈˈpiʋ̈ ˈö ˈkwa ˈˈsɛ ˗kë ꞊bhɔɔ ˗pö ˈka. ꞊Ii, yö ˗së ꞊va ꞊dede ˗dho kë.

Zoova ˗ya ˈˈpiʋ̈ ˈü kë mü. ˈWɔn ˈbha ˗nu ˈö ˈbhaa ˗an dɔ ˗a ˗bha, ü ˗dho ˗an dɔ. ˗Kwa ˈwɔn ꞊gban kë kö ˈkwa ꞊ɲɔɔn ˗kplawo Zoova ˗bha ꞊dɛɛ, kö ˈkwa ꞊ɲɔɔn ˗a ˗bha ˈˈtʋ̈ŋ ꞊gban ˗tʋ̈ŋ ꞊gban ˈka.