ˈMën ˈö Zoova ˗zo ˈˈpiʋ̈ kwa ˗bha ˈka?

Biblö ˗ya ˗pö gagade ˈka ꞊dhɛ mɛnbhɩɩdhe ˗nu ‹˗bha ˗tosɛta ˗yö ꞊klöö˗, ˈö ˈwɔn ˈˈgbɩɩ˗ ꞊va ˈdhö ˗an ˗bha.› (Job 14:1) ˗Tosɛta ˈö ˗Zlan ˈdhö˗ ˈˈpiʋ̈ kö ˈkwa˗ kë ˈyö bhë ˗ee? ꞊Ya kë ꞊dhɛ pë ˈö˗ ˈˈpiʋ̈ ˈyaa ˈnën ˈö bhë, kö ˗mën ˈö˗ ˗zo ˈˈpiʋ̈ kwa ˗bha ˈka? Pë ˈö˗ ˈˈpiʋ̈ kwa ˗bha ˈka, ˗yö ˗dho kë yi do ˈka ˗ee? Dhɛɛˈˈ ˗nu ˈwo bhë ˗an ˗yɔ ˗nu ˈwo Biblö ˈgü ˈö ˈwo mɛn ˗zogban, ˗kwaa ˗an ˗ga.

1. ˗Tosɛta suu ˗mɛɛn ˈö ˗Zlan ˈdhö˗ ˈˈpiʋ̈ kö ˈkwa˗ kë?

Zoova ˗ya ˈˈpiʋ̈ kö kwa ˗bha ˗tosɛta ˗yö kë ˗së ꞊dedewo. ˈDhɛ ˈö mɛnbhɩɩdhe ˗blɛɛsü Adan waa Ɛvö ˗an ˗da, ˗yö ˗an ˗ya ˗dhɛ ˗së ˈwo˗ ˗dhɛ Edɛnö ˈˈdhüdhɛɛdhɛ bhë ˗a ˈgü. ˈYö ˗Zlan ˗yö ˈdhuëë˗ kpɔ ˗an ˗bha ˈö˗ pö: «˗Ka pa, ˈka ꞊bhɛɛ, ˈka ˈkpongtaadhɛ bho, ˈka ˗a ˗yuökë.» (ˈWunzüdɔdhɛ 1:28) ˗Yö ˗kun Zoova ˈˈpiʋ̈ ꞊dhɛ ˗wo ˈnën ˗nu ˈkpɔ, kö ˗wo ˈˈkpɔnŋtaadhɛ ˗todhʋ̈sü kë ꞊bhɔɔ ˈˈsɛ ˈka, kö ˗wo wo ˗zokë wü ˗nu ˈˈpiʋ̈. ˗Yö ˗kun ˗a ˈˈpiʋ̈ ˈzü ꞊dhɛ mɛn ꞊gban ˈˈpɛpɛ ˗wo kë wo ˈflëëgü, kö ˗wo ˗tosɛta kë ˗toëpö ˈka.

ˈKö ˗kë ꞊dhɛ kwa ˗bha ˗tosɛta ˈyaa ˈˈdhʋ̈ ꞊dɛɛ,a Zoova ˗ya ˈˈpiʋ̈ ˗kplawo kö pë ˈö˗ ˗zo ˈˈpiʋ̈ bhë ˗yö kë kwa ˗dhɛ. (Isaïe 46:10, 11) ˗Ya ˈˈpiʋ̈ kö mɛn ˗nu ˈwo ˈwɔn man ˗a ˗ta ˗wo ˗tosɛta kë ꞊bhɔɔ ˈˈsɛ ˗ta ˗toëpö ˈka.—˗Dhɛkpaɔ dhiaˈˈ ˈsëëdhɛ 21:3, 4 ˗wo pö.

2. Kwa ˗dho ˗a kë ꞊dhɛ kö kwa ˗bha ˗tosɛta ˗yö kë ˗së ꞊dɛɛ?

ˈDhɛ ˈö Zoova ˗yö kwa ˗da, ˗yö ‹ˈˈtʋ ˗to ˗a ˗wʋ ˗bha ˗sü ˈö ˈwo˗ ˈgü ˗ta sü› bhë ˗a ˈˈse ˗nu kwa ˗dhɛ. ˗A ˗wɔn ˈgü, ˗a dɔ ˗sü waa˗ ˗dhɔkësü ˗dhɔ ˗yö kwa ˈgü. (Dhukö 11:28 ˗wo pö.) ˗Ya ˈˈpiʋ̈ kö ˈkwa kë ö ˈˈtɔŋdë ˗nu ˈka, kö ˈkwa ‹ˈto ˗a ˗bha ʒiaan ꞊gban ˈˈpɛpɛ ˗ta, kö ˗a ˗dhɔ ˗yö kwa kë› kö ˈkwa˗ ˗dhɔkë kwa ‹zuʋ̈ga ꞊gban ˈˈpɛpɛ ˈka.› (Deutéronome 10:12; Psaume 25:14) ˈKwa˗ kë ˈˈdhʋ̈, ˈkö ˗kë ꞊dhɛ ˈwɔn ˈˈgbɩɩ˗ ˗nu ˗wo kwa ˗bha, zuʋ̈gblüdhi ꞊dede ˗yö ˗kë kwa ˗gɔ. Zoova ˗dhɔkësü ˗yö kwa ˗bha ˗tosɛta ˗kë ˗së ꞊dedewo, ˈyö ˗tɔ ꞊dhɛ ˗kɔ ˈö kwa ˗da kö ˈkwa ˗tosɛta kë ˗a ˈka ˈyö bhë.

3. Zoova ˗ya ˈˈpiʋ̈ kö kwa ˗bha ˗tosɛta ˗yö kë ˗së ꞊dedewo.

˗Kaa VIDEO ˗ga, kö dhɛɛˈˈ ˈö ˈˈshia bhë ˈka˗ ˗yɔ mɛɛnˈˈ.

VIDEO: ˗Mën ˈö ˗kë ˈö ˗Zlan ˗yö ˈˈsɛ ˗da? (˗A ˈˈklu) (1:41)

• ˈMën ˗kë ˈö ˗Zlan ˗yö ˈˈsɛ ˈö ˈkwa˗ ˗ta yö ˗a ˗da ˗së?

˗Ka Ecclésiaste 3:11 ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:

• Biblö ˈˈɲan ˈö bhë ˗mën ˈö˗ ˗zɔn ü ˗dhɛ ˈö ˗gban Zoova ˗bha?

4. Pë ˈö Zoova ˗zo ˈˈpiʋ̈ yö ˈti ˈgo ˈˈgblʋʋ.

˗Ka Psaume 37:11, 29 waa Isaïe 55:11 ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:

• Kwa˗ ˈwɔn ˗dɔ ˗kɔ ˗kë ꞊dhɛ ꞊dhɛ pë ˈö Zoova ˗zo ˈˈpiʋ̈ kwa ˗bha ˈka bhë yö ˈti ˈgo ˈˈgblʋʋ?

5. Zoova ˗dhɔkësü ˗yö kwa ˗bha ˗tosɛta ˗kë ˗së ꞊dedewo.

VIDEO: ˈMan ˗tosɛta kë ˗sü ˗gɛn ꞊dede dɔ (5:03)

• ˈDhɛ ˈö Terumi ˗yö ˗tosɛta kë ˗sü ˗gɛn ꞊dede dɔ, ˈwɔn ˗së ˗mɛɛn ˈö˗ ˗kë ˗a ˗dhɛ?

˗Ka Ecclésiaste 12:13 ˗wo pö, kö ˈka dhɛɛˈˈ ˈö yö ˗a ˗yɔ mɛɛnˈˈ:

• ˈKwa kwa ˗zota pë ˈˈpɛpɛ ˈö Zoova ˗yö ˗an ˗kë kwa ˗dhɛ ˗an ˈgü, kwa ˗dho ˗a ˈˈnuɛ bho ˗kɔ ˗kë ꞊dhɛ?

˗A ˈDHƐ TO KWA ˈˈƝAAN

Zoova ˗ya ˈˈpiʋ̈ kö ˈkwa ˗tosɛta kë ˗toëpö ˈka ˈˈsɛ ˗ta zuʋ̈gblüdhi ˈgü. Kö ˈkwa˗ ˗dhɔkë kwa zuʋ̈ˈˈ ꞊gban ˈka, kwa ˗bha ˗tosɛta ˗dho kë ˗së ꞊dɛɛ ˈö ˗kë ˗së ˈpö ˗dhɛkpɔa dhiʋ̈ˈˈ ˈgü.

˗Zobuödhe

• ˗Mën ˈö kun Zoova ˗zo ˈˈpiʋ̈ Adan waa Ɛvö ˗an ˗bha ˈka?

• Kwa˗ ˈwɔn ˗dɔ ˗kɔ ˗kë ꞊dhɛ ꞊dhɛ ˈpë Zoova ˈdhö˗ ˈˈpiʋ̈ mɛnbhɩɩdhe ˗nu ˗bha ˈka ˗be bhë, ˗yö ꞊kun ˗a ˗zo ˈˈpiʋ̈ ˗kplawo?

• Kwa ˗dho ˗a kë ꞊dhɛ kö kwa ˗bha ˗tosɛta ˗yö kë ˗së?

˗AN ˗GA ˈPÖ

Pë ˈö˗ ˗zɔn ꞊dhɛ Edɛnö ˈˈdhüdhɛɛdhɛ ˗yö ˗kun ˗dhö ꞊dedewo ˗a ˗ga.

«Edɛnö ˈˈdhüdhɛɛdhɛ ˗yö ˗kë ˗dhö ˗ee ɛɛnˈˈ ꞊suawɔn ˗mü ˗ee?» (˗Kwɛ 2011 Zanvie 1 ˗bha ˈˈGlaadhiʋ̈ ˗tɔn)

Pë ˈö˗ ˗zɔn kwa ˗dhɛ ꞊dhɛ ˈˈkpɔnŋtaadhɛ ˗dho ˈto ˗toëpö ˈka, ˗a ˗ga.

«ˈˈKpɔnŋtaadhɛ ˈgü ˗dho shiʋ̈ˈˈ yi ˈbhaa ˈka ˗ee?» (ˈWɔn ˗gɔ ˈö jw.org ˗ta)

Pë ˈö Biblö ˗ya pö ˈö ˗gban ˗tosɛta kë ˗sü ˗gɛn ˗bha, ˗a ˗ga.

«ˈMën ˈkwa nu ˗a kë ˈˈkpɔnŋ ꞊taa?» (ˈWɔn ˗gɔ ˈö jw.org ˗ta)

꞊Nɔɔnmɛn do ˗ya ˗yö ꞊dhɛ ö ˗bhawɔn ˗yö pë ˈˈwɛɛ ˈbhaa ˗bha kö ˈö zuʋ̈gblüdhi ꞊slɔɔ. ˗Kɔ ˈö ˗kë ˗a ˈka ˗a ˗ga.

N ˗man ˗tosɛta ˗ya kë ˗së ꞊dɛɛ (3:55)