˗Wo ˈsëëdhɛ ˗be ˈnën ˈö yö ˗a ˗draan ˗kɔ ˗kë ꞊dhɛ?

ˈSëëdhɛ ˗be ˈnën ˈö yö ˗a ˈgü, ü ˗dho ˗kpan ˗dhɛkpaɔyi ˗dhɛ ˈö ˈdhö ˗a ˗bha Biblö ˈˈɲan waa dhiaŋ ˈdɛdɛ ˈö ˗gban ˗a ˗bha, ˗an ˗bha. ˗A ˗wo pö ˈˈtʋ̈ŋ do kpɛnŋdhö ˈyaa ˈdhö. ˈˈKɛɛ mɛn ꞊vadhɛ ˗wa ˗wo ˗pö dhiapiʋ̈. ꞊Ya kë ˈˈdhʋ̈ pë ˈwo˗ ꞊draan bhë ˗wo wo ˗zota ˈgü ˗dhɛkpaɔyi ˈö bhë ˗a ˈgü. ˈKɔdhigümɛn ˗nu ꞊waa˗ draanˈˈ wo ˈkwëë˗, ˗wa ꞊trɔɔn ˗së ˗yö. ˗Kɔ ˈwo˗ ˗kë ˗a ˈka Betɛdhö ˗nu ˈwo ˈˈkpɔnŋ ꞊taa ˗an ˈgü dhiapiʋ̈ ˈˈpɛpɛ ˈka, ˈyö bhë.

Dhiaŋ ˗nu ˈwo ˈsëëdhɛ ˈö yö ˗a ˈgü bhë, ˗wo ˗go ˈˈGlaadhiʋ̈ ˗tɔn (w) ˗nu ˈwo yö ˈˈkpɛnŋ ˈö sü ˗kwɛ 2022 Avlidhö ˈˈsu ˗bha ˈö yö˗ ˈka ˗kwɛ 2023 Masö ˈˈsu ˗bha, ˗an ˈgü. ˗Ya ˈgo ˗a ˈˈGlaadhiʋ̈ ˗tɔn ˗yö ˈˈkpɛnŋ ˗kwɛ ˗bha, pë dhʋŋˈˈ ˗wo ˗nu ˈwo dɔ ˗a ˈˈpiʋ̈ ˈyö ˈwo ˗tɔ ˈˈpian ˈwo dhiaŋ ˗nu sü ˗a ˈka waa˗ ˗wo ˗bhüöö kpö ˈˈnimlɔɔn ˗nu. (˗A ˈwɔnzuan ˈö ˈˈshiaŋ bhë ˗a ˗ga.) ˈBha˗ pö ˈü˗ Biblö ˈˈɲan ˗nu ˈˈpiʋ̈ ˈpɔn ˈzü ˗së ˈka, ü ꞊mɔɔn˗ ˗bha ˈü dho ˈwɔn ˗gɔ ˈö ˈwo˗ dhiaŋ sü ˗a ˈgü bhë, ˗a ˈgü.