˗Kwa kë ˗zlanwopömɛn ˗nu ˗tiaandhö ˈka: Dhɛɛˈˈ ˗së ˗nu ˈkpɔ ˗sü ˈka

˗MËN ˈÖ ˗KË ˗A ˗WƆN ˈDHÖ ˈˈGBƖƖ˗? ꞊Ya kë ꞊dhɛ “mɛn zuʋ̈piʋ̈wɔn ˗yö ꞊dhɛ ˈˈyi ꞊bhaadhɛ ꞊gblɛɛn ˈdhö”, kö dhɛɛˈˈ ˗nu ˗zë ˗wo ꞊dhɛ ˗a ˗tɔ ˗a ˈka pë ˗nu ˈdhö. (Pr 20:5) Dhɛɛˈˈ ˗nu ˗wo mɛn ˗nu ˈkwa dhiaŋ zë ˗ni ˈgü ˗an ˗dhɛ ˗an ˈˈtʋ̈ŋ ˗pʋ. ꞊Wa kwa ˗bha dhɛɛˈˈ ˗nu ˗yɔ bɔ, ˗yö kwa ˗takun ˗an zuʋ̈piʋ̈wɔn dɔ ˗sü ˗bha. Dhɛɛˈˈ ˗së ˈkpɔ ˗sü ˗dhɔ ˗kun Yesu kë ˗ni ˈgü. Kwa ˗dho ʒiö ˗a ˗bha ˈwɔnzuan ˈˈpiʋ̈ ˗kɔ ˗kë ꞊dhɛ?

KWA ˗DHO ˗A KË ˗KƆ ˗KË ꞊DHƐ?

• Dhɛɛˈˈ ˗nu ˈwo ˗dho mɛn ˗nu zuʋ̈piʋ̈wɔn wo ꞊zaŋ ˗ta, ˗kwa ˗an ˈkpɔ. Yesu ˗kun dhɛɛˈˈ ˗së ˈkpɔ ˗ni ˈgü ö ˗bha gwëëˈˈ ˗nu ˗gɔ kö ˗yö ˗an zuʋ̈piʋ̈wɔn dɔ. (Mt 16:13-16; be˗F 238 § 3-5) Dhɛɛˈˈ suu ˗nu ˈwo ˈˈdhʋ̈, ˗a ˗mɛɛn ˈü ˗dho ˗a ˈkpɔ?

• Dhɛɛˈˈ ˗nu ˈwo ˗dho mɛn ˗nu ˗takun, ˗kwa ˗an ˈkpɔ. Yesu ˗yö dhɛɛˈˈ ˗nu ˈwo ˗dho Piɛdhö ˗takun kö yöö ꞊dede, ˗yö ˈwɔn ˈwo˗ ꞊blɛɛ ˗ni ˈgü, ˗a ˗yɔ ꞊slɔɔ bhë, ˗an ˈkpɔ ˗a ˗gɔ. (Mt 17:24-26) Dhɛɛˈˈ suu ˗nu ˈwo ˈˈdhʋ̈, ˗a ˗mɛɛn ˈü ˗dho ˗a ˈkpɔ kö ˈü mɛn ˈbha ˗takun?

• ˗A ˗mɛn ˗ya ˗yɔ bɔ, ˗kwaa ˈˈnuɛ bho. ˗Dhɛ ˈö ˈtɔŋgɔmɛn do ˗yö Yesu ˗bha dhɛɛˈˈ “˗yɔ bɔ ꞊kpaɔdhɛ ˗bha”, Yesu ˗ya ˈˈnuɛ ˗bho. (Mk 12:34) Mɛn ˈbha ˗ya dhɛɛˈˈ ˗yɔ bɔ ü ˗gɔ, ü ˗dho ˗a ˈˈnuɛ bho ˗kɔ ˗kë ꞊dhɛ?

˗BHÖ VIDEO ACCOMPLISSONS LA MÊME ŒUVRE QUE JÉSUS : EN ENSEIGNANT ˈˈPIAN ꞊BLƐƐSÜ ˗GA, KÖ ˈÜ DHƐƐˈˈ ˗NU ˈWO YÖ ˗AN ˗YƆ BƆ:

• ˈKö kë ꞊dhɛ ˈwɔn ˈö˗ blɛɛˈˈ ˗ni ˈgü bhë gagade ˗mü, ˈmën ˗kë ˈö mɛn ꞊klaŋ kë ˗kɔ suu ˈö bhë ˈyaa ˗së?

• ˈMën ˗kë ˈö ˈwɔn ˗nu ˈgü ˈˈpʋ ˗sü dosɛnŋ yaa ꞊mɔɔn?

˗BHÖ VIDEO BHË˗ ˈˈPIAN ꞊PLƐ ˗NAAN ˗GA, KÖ ˈÜ DHƐƐˈˈ ˗NU ˈWO YÖ ˗AN ˗YƆ BƆ:

• Kwa ꞊dhegblü bhë, ˗yö yö ˗kë ˗së ˈka dhɛɛˈˈ ˗nu ˈka ˗kɔ ˗kë ꞊dhɛ?

• ˗Mën ˈˈwɛɛ ˈbha ˈkwa ꞊mɔɔn˗ ˗bha ˈkwa ˗ʒiö ˗a ˈˈpiʋ̈ ˗a ˗bha mɛn ꞊klaŋ kë ˗kɔ ˈgü?