˗Mën ˈö Adan waa Ɛvö ˈwo˗ ꞊slɔɔ ˈˈtʋ ˗to Sɔtraan ˗wo ˗bha ˗sü ˈgü?

Adan waa Ɛvö wo ˈti wo ˈˈtʋ ˈto ˗Zlan ˗wo ˗bha, ˗a ˗wɔn ˈgü ˈyö ˈwo ga. ˈWunzüdɔdhɛ 3:6, 23; 2 Kodhɛngtö 11:3.

Ɛvö ˗yö ö ˈˈtʋ ˗to ꞊mlɛɛn ˗wo ˗bha ˈö ˈˈdhü bhɛ ˈö bhë ˈö˗ ˗bhö. ˈYö go mü ˈzü ˈyö˗ ˈbhaa nu Adan ˗dhɛ ˈyö Adan ˗ya ˗bhö.

Pë ˈwo˗ ˗kë bhë ˈwii ˗Zlan ꞊bhlëë ˗ya. ˗A ˗kë ˈˈdhʋ̈ ˗sü ˈnën ˈö ˗tɔ ˈwɔn yaa kë ˗sü. ˗A ˗wɔn ˈgü ˈyö ˗Zlan ˗yö ˗an ˗kë ˗dhɛ ˗së ˈö bhë˗ ˈgü.

˗Dhɛ ˈö ˗kë ˈˈdhʋ̈ ˈyö ˗tosɛta ˗kë waa wo ˗bha ˈnën ˗nu ˗an ˗gɔ ˈˈgbɩɩ˗. ˈYö ˈwo ˗kë zii, ˈö ˈwo ga. Wo ˈti ˈdho ꞊geebɔɔ. ˗An ˗bha ˗tosɛta ˈnën ɲën.

Mɛn ˈö ꞊wa ga ꞊wa kë ˈˈsɛ ˗bi ˈka. ˈWunzüdɔdhɛ 3:19.

Adan waa Ɛvö ˗an ˈgü ˈnën ˗nu ˗mü kwa ˈka. Yö ˈnën ˈö˗ ˗wɔn ˈgü ˈö ˈkwa ga ˈpö. ˈMɛn ꞊wa ga waa ꞊mɔɔn˗ ˗bha kö ˗wo ˗dhɛ yö, kö ˗wo ˈwɔn man ɛɛnˈˈ kö ˗wo pë ˈbha kë. ˗Wo ꞊dhɛ ˈmɛn ˈwo yi ˈgü ˗an ˈdhö.—Zan 11:11-14.

Zoova ˈyi mɛn ˗da kö mɛn ga. ˗A ˈˈtʋ̈ŋ ˈyaa ꞊gblɛɛn ˈzü kö ˈmɛn ꞊wa ga, ˗yö ˗an ˗bo kö ˗wo ˈgo ga ˈgü. ˈPë ˈö Zoova ˗ya pö kö ˗wa kë, ˗wo ˗dho ˗tosɛta kë˗ yi ꞊gban ˈka.