ˈWƆN ˗GƆ 2
ˈMën ˗kë ˈwo yi ˗dhɛ Zoova ˗bha ꞊Gbɛkiö ˗nu?
Noe
Ablaamö waa Saadha
Moizö
Yesu Klito
Kö ˗kwɛ 1931 ˈyii ꞊lo ꞊köŋ, ˗wo kun Zoova ˗bha ꞊Gbɛkiö ˗nu ˗dhɛ ˗ni ˈgü Biblö Draanmɛn ˗nu. ˈˈKɛɛ ˈö sü ˗kwɛ ˈö bhë˗ ˗bha, ˗wo yi ˗dhɛ ꞊zlöö Zoova ˗bha ꞊Gbɛkiö ˗nu. Mɛn ꞊vadhɛ ˗bhaa ˈgü ˗zlanwo ˗dɛɛ ˈtɔ ˗mü. ˈˈKɛɛ, ˗Zlan dosɛnŋ ˈö ˗dhö, ˗dhɛ ˈö ˗ya ö ˗dhɔkëmɛn ˗nu ˗dhɛ ˗sü ˗bha ö “˗bha ꞊gbɛkiö ˗nu”, ˗a ˗kwɛ ˗ya ʒiö ꞊dɛɛ ˗kwɛ 2700 ˗ta. (Isaïe 43:10-12) ˈMën ˗kë ˈwo yi ˗dhɛ Zoova ˗bha ꞊Gbɛkiö ˗nu?
Yi ˈtɔ ˗yö mɛn ˈö yi ˗bha ˗Zlan ˈka˗ ˗zɔn. ˗Zlan ˈtɔ ˈö ˗kë Zoova ˈka bhë, ˗yö ˗bɛn zë ˗sü ˈka ˈsëëdhɛ ˗be zii ˗nu ˈgü ˗gɛnɲan ˈka ˈˈgblü ꞊va. ˈˈKɛɛ ˗wodhiëëtamɛn ꞊vadhɛ ˗wo ˗zë ˈtɔ ˈka ˗nu ˈwo kë ꞊dhɛ Dëmɛn, Atanna ɛɛnˈˈ ˗Zlan ˗nu ˈdhö bhë, ˗an ˗ya ˗sü ˈka ˗a ˈtɔ ˈˈgblʋʋ ˈgü Biblö ꞊vadhɛ ˈwo ˗an ꞊dhiëëta, ˗an ˈgü. ˈˈKɛɛ ˈsa ˗Zlan ꞊dede ˗yö ö ˗de ˈtɔ ˈö ˗kë Zoova ˈka bhë, ˗a ˗zɔn Moizö ˗dhɛ. ˗Ya ˗pö ˗a ˗dhɛ ꞊dhɛ: “N ˈtɔ ˈnën bhë yi ꞊gban ˈˈpɛpɛ ˈka.” (Exode 3:15) ˗A kë ˈö˗ wo ˈˈdhʋ̈ bhë, ˗ya ˗zɔn ꞊dhɛ waa ꞊sua ˗zlan ˗nu ˈwo to ˈwaa do. ˗Zlan ˈtɔ ˗kë yi ˗bha ˗sü ˗yö yi ˗kë ˈˈgɔɔgɔ.
Yi ˈtɔ ˗yö yi ˗bha yö ˗zɔn: Mɛn ꞊vadhɛ ˈwo kun ꞊kwɛŋzü, ˈö ˗an zü ˗yö bho Abɛdhö ˗ta, ˗wo wo ˗zoyö ˗Zlan ˗dhɛ, ˈö ˈwɔn ˈö ˗gban ˗a ˗bha, ˈwo˗ ˗wɔn ꞊blɛɛ. ˗Dhɛ ˈö ˗kwɛ ꞊va ˗yö ˗ʒiö, Noe, Ablaamö, Saadha, Moizö, Davi waa mɛn ˈbhaa ˗nu ˗wo ˗kpa “˗Zlan ˗bha ˈˈsɛɛ˗, ɛɛnˈˈ ꞊gbɛkiö kpö ˈkpii˗” bhë, ˗an ˗bha. (Eblö 11:4-12:1) Zadɔdhɛ ˗nu ˈgü, ˈmɛn ˈwo ꞊sua ˗ya ˗a ˗bha, ˗a ˗bha ꞊gbɛkiö ˈnën ꞊sua bho ˗a ˗bha. ˗Kɔ do bhë˗ ˈka ˈpö, gagade ˈö ˗gban ˗Zlan ˗bha ˈnën ˈö yi ˗an ˗wɔn ꞊blɛɛ mɛn ˗nu ˗dhɛ.
Yesu ˗kun Zoova ˗bha ꞊Gbɛkiö ˈka. Biblö ˗yö Yesu ˗dhɛ ‘˗Zlan ˈˈsɛɛ˗, ɛɛnˈˈ ꞊gbɛkiö ˈö ˗tɛanwɔn ꞊në˗ pö, ˈö ˈyaa ˗wʋ ꞊plɛ pö.’ (˗Dhɛkpaɔ dhiaˈˈ ˈsëëdhɛ 3:14) Yesu yöö ꞊dede ˗ya ˗pö ꞊dhɛ ˗ya ‘˗Zlan ˗wɔn ˗ta ˈˈpʋ mɛn ˗nu ˗dhɛ’, ꞊ya ˈgo mü ˈzü ˗ya ‘˗tɛanwɔn ˗ta ˈˈpʋ mɛ ˈˈbhɩɩ˗ ˗nu ˗dhɛ.’ (Zan 17:26; 18:37) ˗Dhɛ ˈö ˈˈdhʋ̈ kö Klito ˗bha ˈˈgwëë ꞊dede ˗nu dua ˗mü kö Zoova ˈtɔ ˗yö kë ˗an ˗bha, kö ˗wa ˗zɔn mɛn ˗nu ˗dhɛ. Pë ˈö Zoova ˗bha ꞊Gbɛkiö ˗nu ˈwo wo ˈgü dɔ ˈˈgbɩɩ˗ kö ˗wa kë, ˈyö bhë.
ˈMën ˗kë ˈö ˈwo Biblö Draanmɛn ˗nu ˗dhɛ Zoova ˗bha ꞊Gbɛkiö ˗nu?
Zoova ˗bha ꞊Gbɛkiö ˗nu ˈwo ˈˈsɛ ˗ta, ˗a ˈˈtʋ̈ŋ ˗ya kë ˗dhɛ?
De ˈö ˗tɔ Zoova ˗bha ꞊Gbɛkiö ˈkpii˗ ꞊dede?