Ka Biblö ˗sü ꞊dhɛ ˗mën ˈdhö?

BIBLÖ ˗YA ˗PÖ:

“˗Wʋ ˈˈpɛpɛ kö ˗bɛn zë ˗sü ˈka ˗zlan ˗bha ˈsëëdhɛ ˈˈslʋ̈ʋ̈slʋ̈ bha˗ ˈgü [...], yö ꞊në˗ ˗ya mɛ ˈˈbhɩɩ˗ ˗nu zuëˈˈ ˈˈpiʋ̈ ˈyö ˈwo˗ ˗ya ˈsëëdhɛ ˈgü.”—2 Timote 3:16, naɔ ˗së ˈsëëdhɛ.

˗A ꞊TRƆƆN ˈTƆ˗ ˗MËN KA ˗BHA ˈKA?

˗Yö dhɛɛˈˈ ˈˈgblʋ̈gblʋ̈ ˗nu ˗yɔ ˗së ˗bɔ.—Proverbes 2:1-5.

Mɛn dɔɔˈˈ ˗pë ˈkpëdhö ˈö ˈˈtʋ̈ŋ ꞊gban ˈgü yö ˗mü.—Psaume 119:105.

˗Yö mɛn zuʋ̈ˈˈ ˗kë ˗saa ꞊dedewo ˗dhɛkpaɔ dhiaˈˈ ˗wɔn ˈgü.—Wlɔmö 15:4.

PË ˈÖ BIBLÖ ˗YA PÖ, KWA ꞊MƆƆN˗ ˗BHA ˈKWA KWA ˗ZO YÖ ˗A ˗DHƐ ˗EE?

꞊Ii, kwa ꞊mɔɔn˗ ˗bha. ˗A ˗gɛn ˗yö ꞊va, ˈˈkɛɛ ˗a ˗gɛn ˗yaaga ˗wɔn ˈgü:

• Biblö ˗wo ˈyaa ˈkun ˈˈkwëë. Mɛn ˗gode ˗gode 40 ꞊nën ˈwo Biblö ˗bɛn zë, ˗kwɛ ˈö ˗ziö ˗kwɛ 1.600 ˗ta ˗an ˈˈpiʋ̈. ˗An ꞊vadhɛ wo ˈti wo ˈko dɔ, ˈˈkɛɛ ˈsëëdhɛ ˗nu ˈwo˗ ˗bɛn zë bhë, ˗wo ˗dho wo ˈko ˗gɔ ˈwɔn ˗gɔ do ˈdhi ˈˈpʋ ˗sü ˈka.

• Biblö ˗bɛnzëmɛn ˗nu ˗wo gagade ˗pö. ˗Kwɛzlanbhomɛn ˗nu ˗wo ˈˈdhɛkpa wo ˗gɔ ˈˈsɛgümɛn ˗nu ˗bha ˈwɔnyaa ˗nu ˗ta. ˈˈKɛɛ Biblö ˗bɛnzëmɛn ˗nu ˗zë, ˗wo ˈˈdhɛbho waa wo ˗gɔ ˈˈsɛgümɛn ˗nu wo ˗bhaa ˗ta.—2 Chroniques 36:15, 16; Psaume 51:1-4.

• Pë ˈö Biblö ˗ya to ˈˈdhiʋ̈ ˈö˗ pö ˗yö ˗kë. Biblö ˗yö ˗kwɛ ˈö ˗ziö ˗kwɛ 700 ˗ta, ˗to ˈˈdhiʋ̈, ˈö˗ pö mɛn ˈö ˗dho kë˗ ˗Zlan ˗bha ˗Yamɛn ˈka bhë, ˗yö ˗dho bhɔ˗ Betedhɛmö, ˈpö˗ ˈdɛdɛnën ˈö Zuda ˈˈsɛ ˈgü bhë ˗a ˈgü. (Mika 5:2) ˗Dhɛ ˈö ˗kë ˈˈdhʋ̈ Yesu ˗bhɔ ˈˈmɛn? ˗Yö ˗bhɔ ˈpö˗ ꞊dede bhë ˗a ˈgü.—Matiö 2:1, 3-9.

  ꞊Ya ˈgo ˗a ˈdhɛ bhë ˗a ˈgü, ˈwɔn ꞊vadhɛ ˈbhaa ˈö Biblö ˗ya to ˈˈdhiʋ̈ ˈö˗ ꞊blɛɛ, ˗an ˈgü ˗wɔn ꞊gban ˗kë. ˗Zlan ˗Wo kë ˗kɔ ˗dede ˈnën bhë.—2 Piɛdhö 1:21.