˗Ya ˈnëngɔn do ꞊slɔɔ!

ˈDhɛ Ablaamö waa Saadha ˈwo wo ˈko sü, ˗a yi ꞊dede ˗ya ꞊gwëë. ˗Wo ˗go wo ˗bha ˈkɔ ˗tiaandhö ˈgü ˈUu˗ ˈwo ˗wɔ sɔ ˈkɔ ˗nu ꞊wlöö. ˈˈKɛɛ Saadha yö ˈti˗ ˈsü ˈya˗ ˈö sü ꞊dhɛ ˗yö ˗kun ö ˗zoyö ˗ni ˈgü Zoova ˗dhɛ.

ˈDhɛ ˗kë ꞊dhɛ Saadha ˗kun ˗a ˈˈpiʋ̈ ꞊dedewo ˈö ˈnën ꞊slɔɔ bhë, ˗ya ˗pö Ablaamö ˗dhɛ: ‹N man ꞊dhuëngdhe Aga ˗ya ˈnën ꞊slɔɔ kö man ˈnën˗ ˈa˗ ꞊slɔɔ bhë.› ˈDhɛ ˈˈtʋ̈ŋ ˈbha ˗yö ˗ʒiö, ˈö Aga ˗yö ˈnën kpɔ. ˈNën bhë ˗wa ˗dhɛ Isümaɛlö.

ˈDhɛ ˗kwɛ ꞊va ˈbha ˗yö ˗ʒiö, kö Ablaamö ˗kwɛ ˗yö 99, kö Saadha ˗zë ˗a ˗bha ˗yö 89, mɛn ˗yaaga ˗wo ˗dhɛŋ ˗bhɔ ˗an ˗ta. Ablaamö ˗ya ˗pö ˗an ˗dhɛ ˗wo wo ˈˈtɛɛpa ˈˈdhü do ˈbhaa ꞊lö. ˈDhɛ go mü, ˈö nu ˗bhöpë ˈka ˗an ˗dhɛ kö ˗wa ˗bhö. Mɛn ˗nu ˈwo nu ü ˗an ˗dɔ ˗ee? ˈˈKië ˗nu mü. ˗Wa ˗pö Ablaamö ˗dhɛ: ‹˗Kwɛ ˈö nu ˗ni gü yö ˈˈtʋ̈ŋ do yö˗ ˈgü, ka dho ˈnëngɔɔn˗ do ꞊slɔɔ.› ˈÖ gun ˈˈdhʋ̈ kö Saadha ˗yö sɔ ˈkɔ ꞊lö ˗yö ˈˈyɩɩ ˈto ˗ni ˈgü ö zuʋ̈ˈˈ ˈˈpiʋ̈ ˗a pö ˗sü ˈka: ‹ˈMan ˈö man kë zii ꞊ya, a ˗dho ꞊mɔɔn ˈnën ˈkpɔ ˗sü ˗bha ˗ee?›

˗Kwɛ ˈdhɛ dɔ˗ ˈˈpiʋ̈, ˈyö Saadha ˗yö ˈnëngɔɔn˗ do kpɔ ꞊dhɛ ˗kɔ ˈö Zoova ˗bha ˈˈkië ˗ya pö˗ ˈka bhë˗ ˈdhö. ˈYö Ablaamö ˗ya ˗dhɛ Izaakö. ˈTɔ ˈö bhë ˗a ˈklɔɔ˗ ˈnën˗ ˗tɔ «ˈˈyɩɩtosü.»

ˈDhɛ Izaakö ˗kwɛ ˗yö ꞊mɔɔn ˈˈsoodhu ˗bha, ˈyö Saadha ˗ya ˈsuaan˗ bho ꞊dhɛ Isümaɛlö ˗yö ꞊wɛɛ dɔ ˗ni ˈgü ö gbö ˗bha. ˗Yö kun ˗a ˈˈpiʋ̈ kö ˈö ö gbö ˗takpa, ˗a ˗wɔn ˈgü ˗ya ˗pö Ablaamö ˗dhɛ ˗yö Aga waa Isümaɛlö ˗an ˈˈpiʋ̈ kë. ˗A züdɔ ˗sü ˈka, Ablaamö ˈti ˈˈwɩ˗ ˗bha. ˗Dhɛ ˈö ˗kë ꞊dhɛ Zoova ˗kun ˗a ˈˈpiʋ̈ kö ˈö Izaakö ˗takpa bhë, ˗ya ˗pö Ablaamö ˗dhɛ: ‹I ˈˈtʋ ˈto Saadha ˗wo ˗bha. ˗A dho n ˗zokë Isümaɛlö ˈˈpiʋ̈. ˈˈKɛɛ ˗a dho bɔ Izaakö ˈnën˗ ˗ta kö pë ˗nu ˈa ˗an ˈˈplüün bho bhë, ˈa ˗an ˈgüwɔn ˗nu kë ꞊dedewo.›