Yesu ˗bha ˗kë Mesi ˈka ˗sü

Zan ˗ya ˗pö: ‹Mɛn do ˈbhaa ˈö ˈkpii˗ ˈö ʒiö˗ ˈka n ˗ta ˗yö nu ˗ni ˈgü.› ˈDhɛ Yesu ˗kwɛ ˗yö ˗kë 30, ˗yö ˗go Galile ˈö nu Zuudɛn ga ꞊bhaa ˗dhɛ ˈö Zan kun mɛn ˗nu bɔ ˗ni ˈgü ˈˈyi ꞊bhaa bhë˗ ˈgü. Yesu ˗kun ˗a ˈˈpiʋ̈ kö Zan ˗yö ö bɔ ˈˈyi ꞊bhaa, ˈˈkɛɛ Zan ˗ya pö˗ ˗dhɛ: ‹N ˈti dho ü bɔ ˈyi ꞊bhaa.› ˈÖ Yesu ˗ya pö: ‹Zoova ˗ya ˈˈpiʋ̈ kö ˈü n bɔ ˈyi ꞊bhaa.› ˈYö ˈwo ˗da Zuudɛn ga ꞊bhaa ˈö Zan ˗yö Yesu ˗dhü ꞊gban ˈˈpɛpɛ man ˈˈyi ꞊wlöö.

ˈDhɛ Yesu ˗yö go ˈˈyi ꞊wlöö, ˈyö ꞊bhɛɛ ö Dë ˗dhɛ. Dhaŋgüdhɛ ˗yö ˗to mü ˈö˗ ˈˈdhi ˗yö ˈˈpʋ, ˈö ˗Zlan ˗bha ˗zuu ˈˈslʋ̈ʋ̈slʋ̈ ˗yö ꞊yɔɔ Yesu ˗ta ꞊dhɛ ˗toŋ ˈdhö. ˈYö Zoova ˗yö to dhaŋ˗ ˈgü ˈö˗ pö: ‹Bhi ˈnën ˈü ˗tɔ n Gbö dhɔɔbhaasü, ü n zuʋ̈ˈˈ ꞊nii ˗da ꞊dedewo.›

ˈDhɛ ˈö Zoova ˗bha ˗zuu ˈˈslʋ̈ʋ̈slʋ̈ ˗yö ꞊yɔɔ Yesu ˗ta ˈyö ˗kë Klito ɛɛnˈˈ Mesi ˈka. ˗A ˈˈtʋ̈ŋ ˗ya ˗wo kö yö ˈö Zoova ˗ya dɔ ˗a ˗kɔ ˈka ˈˈsɛ ta yö bhë, ˗ya züdɔ.

˗Dhɛ ˈö Yesu ˗yö bɔ ˈˈyi ꞊bhaa, ˗yö ˗to ˗mü ˈö dho ˗dhɛkpɔayi 40 kë ˈˈyɛɛta. ˗Dhɛ ˈö ö ꞊yɛɛkë, ˗yö ˗dho ˈö ˗kpan Zan ˗bha. ˈDhɛ ˈö ꞊ɲɔɔn ˗ni ˈgü ˗a ˈˈsuee, ˈö Zan ˗ya pö: ‹˗Ka ˗dhɛ ˗ga, ˗Zlan ˗bha ˈˈbhlaanën ˈö ˗dho ˈwɔn yaa kë ˗dhii bho ˈˈkpɔnŋtaamɛn ˗nu ˗bha, yö ˗ga ˈö ꞊nɛn.› ˗A pö ˈö Zan ˗ya wo ˈˈdhʋ̈ bhë, ˗yö ˗kun ˗a ˈˈpiʋ̈ kö ˈö˗ ˗zɔn ꞊dhɛ Yesu ˈnën˗ ˗tɔ Mesi. Pë ˈö ˗kë Yesu ˈka ˈˈyɛɛta ü˗ ˗dɔ ˗ee? ˗Kwaa ˗ga.