Zan ˈˈɲangü ˗yö ˗da

˗Dhɛ ˈö bɔmɛn Zan ˗yö kun ˗kaso ˈgü ˈˈsɛ ˈö ˈˈyi ꞊zinŋgü ˈö ˈwo˗ ˗dhɛ Patömɔsö bhë ˗a ˗ta, ˗yö ˈˈɲɛɛn 16 ˗bho, ˈö Yesu ˗yö ˈwɔn ˗nu ˈwo dho kë ˗dhɛkpaɔ dhiʋ̈ˈˈ ˈgü ˗an ˗zɔn ˗a ˗dhɛ. ˈˈƝɛɛn ˗nu ˈwo bhë ˗wo ˗kɔ ˈö Zoova ˈtɔ dho bhɔ ˗a ˈka, ˗kɔ ˈö˗ ˗bha ˗Gblüdëdhɛ dho ˗nu ˗a ˈka waa ˗kɔ ˈö˗ dhɔɔbhaawɔn dho kë ˗a ˈka ˈˈsɛ ˈta, ˗a ˗zɔn.

ˈˈƝɛɛn bhë ˗a do ˈgü, Zan ˗yö ˗kpan Zoova ˗bha kö ˗yö ˗ya ˗sü ˈka ö ˗bha ˈˈgɔ ˗gbloo ˈgü dhaŋ˗ ˈgü. Mɛn zizi ˗nu 24 ˈö sɔ ˈˈpuu ˈdhö kun ˗an ˗bha, ˈö ˈˈsënŋ ˈfaan˗ ˈdhö kun ˗an ˗gɔ ˗bha, ˈwo ˗kun ˗ya ˗sü ˈka ˗a ˗züzü. Dha ˗yö ˈˈɲan ˗kun, ˈö ˗gbla ˈˈgɔ ˗gbloo bhë ˗a ˗dhɛ ˈgü. Mɛn zizi ˗nu 24 ˈwo bhë ˗wo ˗yö wo kpɔn ˈgü Zoova ˗kuu ˈˈdhiʋ̈ ˈö ˈwo˗ ˗dhɔkë. ˈˈƝɛɛn ˈˈwɛɛ ˈbha ˈgü, Zan ˗yö ˗kpan mɛn kpö ˈkpii˗ ˈö ˈwo go ˈˈsɛgɔ do do ꞊gban ˈgü, mɛn suu ꞊gban ˈˈpɛpɛ do do, waa˗ ˗wo suu do do ꞊gban pö ˗mɛn ˗nu bha kö ˗wo Zoova ˗dhɔkë ˗ni ˈgü. Yesu ˈö ˗kë ˈˈbhlaanën ˈka bhë, ˗yö ˗an ˗maankë ˈö dho ˗an ˈka ˈˈyiga ˗nu ˈwo ˗këdhösü nu mɛn ˗dhɛ bhë ˗a ꞊bhaa. ˈˈƝɛɛn ˈˈwɛɛ ˈbha ˈgü ˈzü, Zan ˗yö ˗kpan Yesu ˗bha kö waa mɛn zizi ˗nu 24 ˈwo bhë ˗wa ˗gblüdëdhɛkësü züdɔ dhaŋ˗ ˈgü. ˈˈƝɛɛn ˗dhɛ ˈö dɔ˗ ˈˈpiʋ̈ ˗a ˈgü, Zan ˗yö ˗kpan Yesu ˗bha kö ˗yö ˈközë ˗ni ˈgü Sɔtraan waa ö ˗bha ˗zuu ˗yaa ˗an ˈka. ˗Yö ˗an ˈˈpiʋ̈ ˗kë dhaŋ˗ ˈgü ˈö ˗an ˗zuö ˈˈsɛ ˗ta.

ˈDhɛ ˈö ꞊ɲɔɔn mü ˈyö Zan ˗yö ˗kpan ˈˈbhlaanën bhë waa mɛn 144.000 ˗an ˗bha kö ˗wo dɔ ˗sü ˈka Siɔn ˗tɔn ˗ta. ˗Yö ˗kpan ˗Zlan ˗bha ˈˈkiö do ˗bha kö ˗yö ʒiö ˗ni ˈgü ˈtëŋ˗ ˗ta, kö ˗ya pö ˗ni ˈgü mɛnbhɩɩdhe ˗nu ˗dhɛ ˗wo ˈˈsuʋ̈ ˗Zlan ˗gɔ ˗wa ˈtɔ bhɔ.

ˈˈƝɛɛn ˗dhɛ ˈö dɔ ˗a ˈˈpiʋ̈ ˗a ˈgü, ˗yö ˗kpan Aamagedɔn ˗gblü ˗bha. ˗Gblü ˈö bhë ˗a ˈgü Yesu waa ö ˗bha ˈˈsɔdha ˗nu ˗kɔ ˗yö ˗ʒiö Sɔtraan waa ö ˗bha ˈˈkpɔnŋtaadhɛ yaa ˗an ˗gɔ. ˈˈƝɛɛn ˗totaabhasü ˈö Zan ˗ya bho ˗a ˈgü, ˗yö ˗kpan mɛn ˗nu ˈwo dhaŋ˗ ˈgü waa mɛn ˗nu ˈwo ˈˈsɛ ˗ta ˗an ˗bha kö ˗an ˗kɔ ˗yö ˈwɔn do ˗bha, ˗dhikodhɛ ˈgü. Sɔtraan waa ö suugünën ˗nu ˈgü ˗ya ˈˈshiʋ̈. ˈYö mɛn ˈˈpɛpɛ ˈwo dhaŋ˗ ˈgü waa mɛn ˈˈpɛpɛ ˈwo ˈˈsɛ ˗ta ˗wo Zoova ˈtɔ ˗sü ˈˈslʋ̈ʋ̈slʋ̈ ˈö ˈwo yöö dosɛnŋ ˗a ˗dhɔkë.