˗Bhö ˈˈta ˈsü ˗Zlan ˈˈpiʋ̈!

1. ˗Bhö ˗Zlan ˗dhɔkë, ˈü ˈto ˗a ꞊kee˗.

˗De ˗kë ˈˈtɩɩ ˗sü kë ü ˗gɔ.

˗Bhö ˈto ˗Zlan ˗gɔ ˈkɔɔ, ü ˗zo yö ˗a ˗dhɛ.

ˈBha ˗dho ˗a ˗dhɔkë ˈˈsuʋ̈ ˈka.

˗Bhö ˈto ʒiaan ˈö˗ ˗zɔn ü ˗dhɛ ˗a ˗ta,

ˈBha ˗dho ʒiaanga ˈˈwɛɛ ˈsü.

Ü ˈˈtʋ ˈto kwa Dë ˗Zlan ˗Wo ˗bha,

ˈBha ˗dho ü ˗kɔ bho ˗a ꞊kwɛɛ˗.

2. ˗Bhö ˗Zlan ˗dhɔkë ü zuʋ̈ˈˈ ꞊gban ˈka.

˗Bhö ˈgo ˈwɔn yaa ˗nu ˗ʒian ˗ta.

Kö mɛn ˈgü dan ˗wɔn ˗nu ˗wo nu ü ˗ta,

Kwa Dë ˗dho ꞊faan nu ü ˗dhɛ.

Pë ˈö kwa Dë ˗Zlan ˗dhɛ ˈwɔn ˗së ˈka,

ˈÖ˗ ˈtɔ bhɔ ˗wɔn ˗nu ˈka,

˗Bhö ü ˗zota ˗an ˈgü ˗kplawo,

Kö ˗Zlan ˗yö ˈdhuëë˗ ˈkpɔ ü ˗bha.

3. ˗Bhö ˗Zlan ˗dhɔkë zuʋ̈gblüdhi ˈka.

˗Yö ü ˗dɔ, ü zuʋ̈ˈˈ ꞊nii ˗da.

˗Yö gbɔɔdhe ˗së ꞊va ˗kë ˈˈtʋ̈ŋ ˈsaadhö ˈgü.

˗A ˈˈnuɛ bho ü zuʋ̈ˈˈ ˈˈplɛ ˈka.

˗Bhö ˗Zlan ˗dhɔkë zuʋ̈niidadhe ˈka,

˗Bhö ꞊niidadhe ˈˈtan bho.

Mɛn ˗nu ˗wa ˗dhɛ yö ü ˗bha ꞊dhɛ,

Ü ˗bha ˗Zlan ˈnën ˗tɔ Zoova.