˗Kwa ˈˈta ˈsü Zoova ˈˈpiʋ̈ yi ˈsaadhö ˈka

1. ˗Kwa ˗klu kwa Dë ˗Zlan Zoova ˗bha

꞊Kpɔɔdhɛ ˈgü, ˈkwa ˈto ˗a ˗bha ʒiaan ˗ta.

Mɛn ˗nu ˈkwa ˗kë ˗a ˗bha mɛn ˈka,

˗Yö ˈwɔn ˗së ꞊va ˗kë kwa ˗dhɛ ˗kplawo.

ˈˈTʋ̈ŋ ˈˈplɛ ˈka ˗yö ˗dhɔ ꞊dede ˗zɔn,

ˈYö ö ˗kɔ ꞊plɛ ˗pʋ kwa ˗gɔ.

˗Kwa kwa ˗de ˗wɔn ꞊gban ˗lo ˗a ꞊kwɛɛ˗,

Kö ˗yö ʒiaan ˗zɔn kwa ˗dhɛ ˗kplawo.

2. ˈKwa ˗da ˈˈkpɔnŋtaadhɛ ɲën ˈˈtʋ̈ŋ ˈgü.

˗A ꞊bhlɔ ˈmën ˗sü ˈka Dügɔmɛn ˈgü.

˗Yö ˗bɔ ˈpö ˈˈkpɔnŋtaamɛn ˗nu ˗ta,

ˈYö ˈwo ˈˈsuʋ̈ ˗da kwa ˈgü ˗wɔn ˗nu ˗kë.

ˈˈKɛɛ kwa Dë ˗Zlan ˗yö kwa ˗takun

Kö ˈkwa ˈto ˗a ˗bha ʒiaan ˗ta.

˗Kwa ˗klu ˗a ˗bha yi ˈsaadhö ˈka,

Kö ˈkwa˗ ˗dhɔkë kwa ꞊faan ꞊gban ˈka.

3. Kwa ˗takunmɛn ˈtɔ Zoova.

˗Yö ꞊faan ˗nu kwa ˗dhɛ ˈˈtʋ̈ŋ ˈsaadhö ˈka.

˗Yö ˗bɔ kwa ꞊dhegblü ꞊vadhɛ ˗ta,

ˈÖ bɔ ˈpö ö ˈˈdhiwo Biblö ˗ta.

˗Yö kwa ˗zogban ˗zuu ˈˈslʋ̈ʋ̈slʋ̈ ˈka,

ˈö kwa bhɛɛwo ˗nu ˗daa ˗kë.

ˈMɛn ˈwo to ˗a ꞊kee˗ ˈˈtʋ̈ŋ ˈˈplɛ ˈka,

˗Wo ˗dho ˗toëpö ˗këdhösü ꞊slɔɔ.