ˈˈTAN 108
˗Zlan ˗yö ˗dhɔ ꞊dede ˗kë kwa ˈka
(Isaïe 55:1-3)
1. Kwa Dë ˗Zlan ꞊nën ˈtɔ˗ ˗dhɔ.
Yö ˈnën kwa ˗takun yi ꞊gban ˈka.
˗Yö ö ˗de Gbö ˗kë ˈˈsaapë ˈka,
ˈÖ ga kwa ˗bha ꞊sɔnŋ yaa ˗wɔn ˈgü,
Kö ˈkwa ˗toëpö ˗këdhösü yö,
Kö ˈkwa zuʋ̈gblüdhi ꞊dede kë.
(˗A ˈKUN ˗KƆ)
ˈMɛn ˈˈyi mü ˗dhɔ ˈdhö ka ˗bha,
˗Këdhösü ˈˈyi ˈö mɛn dha,
ˈˈYi ˗së bhë, ˗ka ka ˗bha mü,
Kö ˈka ˗Zlan ˗bha ˗dhɔ yö.
2. Kwa Dë ˗Zlan ꞊nën ˈtɔ˗ ˗dhɔ.
˗Yö ˗dhɔ ˗zɔn ö këwɔn ꞊gban ˈgü.
˗Ya Yesu kë kwa ꞊kɔɔnmɛn ˈka,
Kö ˗ya dhɔɔbhaawɔn kë kwa ˗dhɛ.
˗A ˗bha ˗Gblüdëdhɛ bhë ꞊ya nu,
˗Yö ˗dho ˈwɔn yaa ˗nu bho kwa ˗bha.
(˗A ˈKUN ˗KƆ)
ˈMɛn ˈˈyi mü ˗dhɔ ˈdhö ka ˗bha,
˗Këdhösü ˈˈyi ˈö mɛn dha,
ˈˈYi ˗së bhë, ˗ka ka ˗bha mü,
Kö ˈka ˗Zlan ˗bha ˗dhɔ yö.
3. Kwa Dë ˗Zlan ꞊nën ˈtɔ˗ ˗dhɔ.
˗Yö ˈwɔn ˗së kë ˗sü ˗zɔn kwa ˗dhɛ.
˗Këdhösü ˗ʒian ˈö ˗Zlan ˗Wo ˈgü,
˗Kwaa ˗zɔn ˗dekëtɩɩmɛn ˗nu ˗dhɛ.
˗Kwa dɔ ˈˈgbɩɩ˗ kö ˈkwa ˗zlanwopö,
Kö zuʋ̈puumɛn ˗nu ꞊gban ˗wo dha.
(˗A ˈKUN ˗KƆ)
ˈMɛn ˈˈyi mü ˗dhɔ ˈdhö ka ˗bha,
˗Këdhösü ˈˈyi ˈö mɛn dha,
ˈˈYi ˗së bhë, ˗ka ka ˗bha mü,
Kö ˈka ˗Zlan ˗bha ˗dhɔ yö.
(Kpɔɔˈˈ Ps. 33:5; 57:10; Efɛ. 1:7 ˗bha.)