Watchtower ˗bha 'SËËDHƐ ˗LO ˗DHƐ 'Ö ƐNTƐNƐTÖ ˗TA
Watchtower
'SËËDHƐ ˗LO ˗DHƐ 'Ö ƐNTƐNƐTÖ ˗TA
Yaoba
Ʋ̈
  • Ɛ
  • ɛ
  • Ɩ
  • ɩ
  • Ɲ
  • ɲ
  • Ŋ
  • ŋ
  • Ɔ
  • ɔ
  • Ʋ
  • ʋ
  • Ʋ̈
  • ʋ̈
  • Ӡ
  • ӡ
  • BIBLÖ
  • ˈSËËDHƐ ˗NU
  • ˗BHƆKWËË ˗NU
  • th ˈwg. 14 ˈˈp. 17
  • ˗Bhö ˈwɔn gaga ˗nu ˈwo ü ˗bha dhiaŋ ˈgü, ˗an ˗zɔn

˗A video ˈyaa ˈdhö.

Yi ˗bhawɔn 'to, 'wɔn 'bhaa ˗ya ˗da video 'sü ˗sü 'gü.

  • ˗Bhö ˈwɔn gaga ˗nu ˈwo ü ˗bha dhiaŋ ˈgü, ˗an ˗zɔn
  • ˗Bhö kë pëwopömɛn waa mɛn ꞊klaŋkëmɛn ˗së ˈka
  • ˗A ˈˈwɛɛ ˈö bhɔ ˗a ˗bha
  • Kwa ˗zo ˗yö ˈto ˈwɔn ga ˗nu ˈˈpiʋ̈
    ˈˈGlaadhiʋ̈ ˗Tɔn ˈö Zoova ˗bha ˗gblüdëdhɛ ˗wɔn ꞊blɛɛ (˗Bhɔkwëë ˗bha)—2024
  • Dhiaŋ ˈˈdhiʋ̈ ta ˗kɔ ˗së
    ˗Bhö kë pëwopömɛn waa mɛn ꞊klaŋkëmɛn ˗së ˈka
˗Bhö kë pëwopömɛn waa mɛn ꞊klaŋkëmɛn ˗së ˈka
th ˈwg. 14 ˈˈp. 17

ˈWƆN ˗GƆ 14

˗Bhö ˈwɔn gaga ˗nu ˈwo ü ˗bha dhiaŋ ˈgü, ˗an ˗zɔn

Biblö ˈˈɲan

Eblö 8:1

ˈPË ˈÜ DHO ˗A KË: ˗Bhö mɛn ˗nu ˗takun kö ˗wo wo ˈˈtʋ ˈto ˗së ˈka ü ˗bha ˈˈdhɛɛtadhiaŋ˗ ˗bha. ˗Kɔ ˈö ˗a ˈwɔn gaga ˗dhɛ ˈö ˈdhö ˈö ˗gban ˗a ˈka ü ˗bha ˈwɔn ˗gɔ ˗bha, ˗bhö ˗a ˗zɔn.

Ü ˗DHO ˗A KË ˗KƆ ˗KË ꞊DHƐ?:

  • Pë ˈü˗ piʋ̈, ˗yö kë ˗dhö. ˗Bhö ˗a ˗ga ꞊ya kë ꞊dhɛ ü ˗bha ˈˈdhɛɛtadhiaŋ˗ dua ˗mü kö ˗yö ˈwɔn ˈbha ˗zɔn ˈˈtʋtomɛn ˗nu ˗dhɛ, ɛɛnˈˈ kö ˗yö ˗an ˗takun kö ˗wo wo ˗zoyö pë ˈbha ˗dhɛ, ɛɛnˈˈ ˈzü kö ˗yö ˗an ˗blü ˈwɔn ˈbha kë ˗sü ˗bha, kö ˈü˗ dɔ. ꞊Ya kë ꞊dhɛ ˈbha˗ dɔ, ˗bhö ü ˗bha ˈˈdhɛɛtadhiaŋ˗ ˈgü ˈˈpʋ ˗a ˗kɔ ˗bha. ˗Bhö ü ˈgü dɔ ˈˈgbɩɩ˗ kö ü ˗bha ˈwɔn gaga ꞊gban ˈˈpɛpɛ ˈgü ˈˈpʋ ˗kɔ ˗wo ü ˗takun pë ˈü˗ ˈˈpiʋ̈, ˗a kë ˗sü ˗bha.

    ˗Dhioo ˗sɛŋbɔ ˗nu

    Ü ˗de dhɛɛˈˈ ˈkpɔ: ‹Dhɛɛˈˈ ˗mɛɛn ˈö ˈˈtʋtomɛn ˗nu ꞊mɔɔn˗ ˗bha kö ˗wa ˈkpɔ wo ˗de ˗gɔ ˈö ˗gban ˈwɔn ˗gɔ bhë ˗a ˗bha? ˈMan˗ ˗yɔ bɔ, dhɛɛˈˈ ˈˈwɛɛ ˈbha ˗mɛɛn ˈwo ˗dho ˗a ˈkpɔ ˈzü?› ꞊Ya ˈgo mü, ˈwɔn ˗nu ˈü dho ˗an blɛɛˈˈ bhë, ˗bhö ˗an yökodhiʋ̈ ˗së ˈka kö ˈˈtʋtomɛn ˗nu ˗wo wo ˈˈtʋ̈ŋ kë ü ˈgü, kö dhiaŋ ˈü˗ zë ˗ni ˈgü ˗wa ˈgüman, kö ˗yö ˗an ˗zokun.

  • ˗Bhö ꞊gbɔɔn ü ˗bha dhiaŋ ˗gɔ ˗ta. ˈÜ ü ˗bha ˈˈdhɛɛtadhiaŋ˗ zë ˗ni ˈgü, ˗bhö ˗a kë kö ˈˈtʋtomɛn ˗nu ˗zo ˗yö ˗bo ˗a ˈwɔn ˗gɔ ˈka, ˗ʒiö ˗a ˗wo kpö ꞊bhlëësü ˈbha ˗nu ˈˈpiʋ̈ ˗sü ˈka.

  • Ü ˗bha ˈwɔn gaga ˗nu ˈgü ˈˈpʋ ˗së ˈka kö mɛn ꞊gban ˗wa ˈgüman. ˈWɔn gaga ˗nu ˈwo ˗gban ü ˗bha ˈˈdhɛɛtadhiaŋ˗ ˗gɔ ˗bha ˈö ˈwo dho ü ˗takun kö ˈü mɛn ˗nu ꞊klaŋ kë ˗së ˈka ˈˈtʋ̈ŋ ˈwo˗ nu ü ˗dhɛ ˗a ˈgü, ˗bhö ü ˗kɔ ˈˈyɛ woo ˈnën ˗an ˗bha. ˈBha ˈdho ˈwɔn gaga ꞊gban ˈgü ˈˈpʋ. ˈÜ˗ do ˈgü ˈˈpʋ ˗ni ˈgü, ˗bhö ˗a ˈgü ˈˈpʋ ˗së ˈka. ˗Bhö ü ˗foo ꞊lo ˗an ꞊zinŋ ˈgü. ˗Bhö yö ˗a ˗dhɛ ˈö ˈdhö ˗a ˗bha ˗së ˈka.

    ˗Dhioo ˗sɛŋbɔ ˗nu

    Ü ꞊mɔɔn˗ ˗bha ˈü ˈwɔn gaga ˗nu ˈwo ü ˗bha ˈˈdhɛɛtadhiaŋ˗ ˈgü ˗an ꞊blɛɛ ü ˗bha dhiaŋ züdɔdhɛ ˈgü kë ˈˈdhʋ̈ kö ˗yö ˈˈtʋtomɛn ˗nu ˗takun kö ˗wo wo ˈˈtʋ̈ŋ kë ü ˈgü ˗së ˈka. Ü ꞊mɔɔn˗ ˗bha ˈü ˗an pö ˈpö ˗a ˈˈdhiʋ̈tadhɛ ˈgü kö ˗wo ˈto ˗an ˈˈɲaan.

    Yacouba ˈsëëdhɛ ˗nu (2012-2025)
    Yö ˈˈkpɛɛn
    ˗Dadhɛ
    • Yaoba
    • ˗A ˗gblü
    • ˗A ˈdhɛ ˈü ˗an ˈˈpiʋ̈
    • Copyright © 2025 Watch Tower Bible and Tract Society of Pennsylvania
    • Yökëtamɛn ˗zoto ˗a ˈˈpiʋ̈ ˈtɔŋ˗
    • "Dhɛ ˗to 'wɔn ˗ta 'tɔŋ˗
    • ˈˈDhɛ ˗to ˈwɔn ˗ta ˗sü ˈˈslö ˗nu
    • JW.ORG
    • ˗Dadhɛ
    ˗A ˗gblü