Kwa ˗zo ˗yö ˈto ˈwɔn ga ˗nu ˈˈpiʋ̈

ˈˈTʋ̈ŋ ˈbha ˗nu ˈka, ka ˗zo ˗bha ˗to pë ˗nu ˈö ˈka ˗an ꞊draan ˗an ˈˈpiʋ̈ ˗sü ˗kë ka ˗kɔa ˈˈgbɩɩ ˗ee? ˗Yö ˗kë ˈˈdhʋ̈ ˈpö mɛn ˈˈpɛpɛ kwa ˈka. ˈMën ꞊mɔɔn˗ ˗bha kö ˗yö ka ˗takun? ˗Ka ka ˗zota ˈwɔn ga ˗nu ˈö ˈka ˗an ꞊draan ˗an ˈgü.

Kwa pë draanˈˈ ˗ni ˈgü, ˗yö ˗dho kë ˗së kö ˈkwa ˈduannu ˈkwa kwa ˗zota pë ˈö ˈkwa˗ ꞊draan ˗a ˈgü. Bɔmɛn Pɔdhö ˗ya ˗pö ö ꞊dhegblü ˗nu ˗dhɛ ꞊dhɛ ˈsëëdhɛ ˈö˗ bɔ ˗an ˗dhɛ bhë ˗wa draanˈˈ ˗ni ˈgü, ˗wa kë ˈˈdhʋ̈ ˈpö. ˗A ˗wɔn ˈgü, ˗ya ˗pö: «ˈWɔn ˈˈpɛpɛ ˈa˗ pö sië bha˗ ˗gɔ ˈö˗ ˈgü yö ˗mü ꞊dhɛ [ . . . ]» (Ebl. 8:1) ˗Wo ˈö bhë ˗yö ˗an ˗takun kö ˈpë ˈwo˗ ˗wo pö, ˗wa ˈgüman kë ˈˈdhʋ̈ kö ˈwɔn ˗nu ˈö kun ˗an blɛɛˈˈ ˗ni ˈgü bhë, ˗wo ˗an ˗gbankwëëdhɛ yö.

˗A ˈbha ˗ya kë ˈkwa kwa bo pë draanˈˈ ˗sü ˈka, kwa ꞊mɔɔn˗ ˗bha ˈö ˈkwa minitö ˗kɔŋ do sü ˈkwa kwa ˗zota ˗a ˈwɔn ga ˗nu ˈgü. ˗Ya kë ꞊dhɛ kwa ˗zo ˈti ˈto ˗an ˈˈpiʋ̈ ˗së ˈka, ˗kwaa ˈwɔn ˗gɔ ˈsɛɛn˗ ˗nu ɛɛnˈˈ ˗wo ˗blɛɛsü ˗nu ˈö ˈwo ˗wo ˗bhüöö kpö ˗nu ˈgü bhë ˗an ˗wo pö kö kwa ˗zo ˗yö ˗bo ˗an ˈka. ˈKwa pë ˗dɛɛ ˗nu draanˈˈ, ˗kwa kwa ˈgü dɔ ˈˈgbɩɩ˗ ˈkwa ˗an ˈgü ˈˈpʋ kwa ˗de ˗bha ˈwɔn blɛɛˈˈ ˗kɔ ˈgü. ˈKwa kwa ˗zota pë ˈö ˈkwa˗ ꞊draan ˗a ˈgü, ˗zoto ˗a ˈˈpiʋ̈ ˗sü ˗dho kë kwa ˗kɔa ˈˈplëëplë ˈö ˈkwa˗ ˗ya ꞊bhlëë ˈgü ˗kɔ dɔ.