˗Bhö yö kë jw.org ˈka ü ˗bha ˗zlanwopödhɛ ˈgü​—“˗Bhö kë Zoova ˈˈtɔŋdë ˈka”

Biblö ˗bha ꞊klaŋwo ˗nu ˈˈpian ˈö jw.org ˗ta, ˗a ˗dhɛ ˈbhaa mü ˈnën ˗nu ˗bhaa ˈka ˈö ˈwo˗ ˗dhɛ “˗Bhö kë Zoova ˈˈtɔŋdë ˈka,” ö ˈˈtan ˗nu, video ˗nu waa ˈnën ˗nu këyö ˗nu ˈwo mü. ˈBha yö kë ˗a ˈka ˗zlanwopödhɛ ˈgü do ˗ee? ꞊Ya kë ꞊dhɛ kaa mɛn ˈbha ˈö ˈnën ˈsɛɛnnën ˗nu ˈdhö˗ ˗gɔ ˈka Biblö draanˈˈ ˗ni ˈgü, ˈmën ˈö ˗kë ˈö ˈbhaa ˗a ˗zɔn ˗a dhɛ? ˗A kë ˈˈdhʋ̈ ˗sü ꞊mɔɔn˗ ˗bha ˈö˗ ˗blü ˈˈglü ˗sü ˗bha kwa ˗bha ɛntɛnɛtö ˈˈpian ˈˈwɛɛ ˗nu ˗ta ˗sü ˗bha.

˗Dhɛ ö kun ꞊Gblüdëdhɛ ˗nɔɔn ˈsëëdhɛ No. 38 ˗gblü ˗ni ˈgü, kwa ꞊dhegblü do ˈbha ˗yö ˗kpan dhebɔnën do ˗bha. ˗Dhɛ ˈkö ˈsëëdhɛ ˈˈklu ˈö bhë ˗a ˗nu dhebɔnën ˈö bhë ˗a ˗dhɛ, ˈyo dhebɔ to ˈˈshia˗ bhë ö ˗ya ˗a ˗wo pö ˗sü ˗bha. ˈNën ˈsɛɛnnën ꞊va ˈö ˈwo kun ˗a ˈˈpiʋ̈ kö pë ˈö ˈsëëdhɛ ˈˈklu bhë ˈgü ˈwo˗ dɔ, ˗wo ˗kun dhebɔnën ˗gɔ. ˈYö kwa ꞊dhegblü ˗yö ˈsëëdhɛ ˈˈklu bhë ˗a ˈgü ˈwɔn ꞊blɛɛ ˈdɛdɛ ˈka. ˈYö kwa ˗bha ɛntɛnɛtö ˈˈnimlɔn ˈö ˗ya ˗sü ˈka ˈsëëdhɛ ˈˈklu bhë˗ ꞊taa bhë ˗a ˗zɔn dhebɔnën bhë ˗a ˗dhɛ. ˈDhɛ ˈö˗ ˈwɔn dɔ ꞊dhɛ ˗a ˈˈdhia ˗ya ˈmën dhebɔnën ˈgü, ˈyö ö ˗bha telefɔnö sü, ˈö Kalɛbö ˗bha video bhë ˗a do ˗zɔn dhebɔnën waa ö ˗bha ˈnën ˗nu ˗an ˗dhɛ.

Kwa ꞊dhegblü do ˈbha ˗yö kwa ˗bha ɛntɛnɛtö ˈˈnimlɔn waa ö ˈgü ˈwɔn ˗nu ˈwo ˗gban ˈkɔdhigümɛn ˗nu ˗bha ˗an ˗wɔn ˗blɛɛ ö yökëyoo do ˈö wlüüˈˈ ˗nën ˗nu ˈdhö˗ ˗gɔ ˗a ˗dhɛ. ˈYö dhebɔnën ˈö bhë waa ö ˗bha ˈnën ˗nu ˈwo ˗dhɛ ˗ga jw.org ˗ta. ˈDhɛ ˈö ˈˈtʋ̈ŋ ˈbhaa ˗ya ʒiö, ˈyö dhebɔnën bhë ˈö˗ pö kwa ꞊dhegblü ˗dhɛ ꞊dhɛ, ö ˗bha ˈnën ˗nu ˈwo ˗glü ˈˈtan “Prêche la Parole” ˈö kë “˗Bhö kë Zoova ˈˈtɔŋdë ˈka” ˗bha ˈˈtan do ˈka bhë, ˗a bho ˗sü ˈka ˈkɔɔ.

˗Ka ˈwɔn ꞊gban ˈˈpɛpɛ kë kö ˈka jw.org ˈˈpian ˈö bhë ˗a dɔ ˗së ˈka, kö ˈka video ˗nu, ˈˈtan ˗nu waa yö ˗nu ˈö ˈwo ˈˈpian bhë˗ ˗ta ˗an ˈsü ka ˗bha telefɔnö ˗ta. ˗Ya kë ˈˈdhʋ̈, ka ˗dho ꞊mɔɔn˗ bha ˈö ˈka yö ˗kë jw.og ˈˈpian ˈö bhë ˗a ˈka ˗zlanwopödhɛ ˈgü. Yö kë ˗a ˈka ˗pë ꞊bhlëësü ˈö ˗dho kwa ˗takun kö kwa yö kë kwa Dëmɛn ˗dhɛ yö ˗mü.​—Këw. 20:19.