PË MƐƐNˈˈ ˗SÜ ˈˈSLÖ ˈBHA ˗NU

ˈNën ˗nu kë ˗yö ˗nu

ˈNën ˗nu ꞊klaŋkë ˗sü kö ˗wo Zoova dɔ bhë, yö ˈˈgbɩɩ˗ ˗mü ˗an ˗mɛn ˗nu ˗bha ˈka. (Efɛ. 6:4) Zoova ˗bha ˗kɔlokota ˗ya ˈwɔn ˗gɔ, video waa ˈˈtan ꞊va ˗nu pëkë kö ˗wo ˈnënmɛn ˗nu ˗takun. ˈNënmɛn ˗nu, ka ˗dho yökë ˗an ˈka ˗kɔ kë ꞊dhɛ?

• ˈKa ˈdho jw org ˗ta. Pë ˈˈpɛpɛ ˈö yö ˈˈkpɛnŋ ꞊dhɛ video waa ˈsëëdhɛ ˗nu ˈdhö ˈnën ˗nu ˗bha ˈka, ˗wo mü.a ˈKa˗ pö ˈka ˗kpan ˗an ˗bha, ˈka ˈdho ˈˈpian ˈö ˗kë «ˈNën ˈsɛɛn- -nu» ɛɛnˈˈ «Wlüünën ˗nu» ˈka bhë, ˗a ˗ta.

• ˗Ka ka ˗kɔ ꞊nënŋ pë ˈka˗ ˈˈpiʋ̈ kö ˈka˗ ˗zɔn ka ˗bha ˈnën ˗dhɛ, ˗a ˗ta. ˗Ka ˈdho «ˈNën ˈsɛɛn˗ ˗nu» ꞊löö kö ˈka pë ˗nu ˈwo dan ka ˗bha ˈnën ˗nu ˗kwɛ ˈka, ˗an ˈsü.

• ˗Ka ˈˈtʋ̈ŋ ˈsü kö ˈka ˈnën ˗nu ˗takun. ˈKa ˗dho bɔ ˗an ˗ta kö ˈka ka ˗bha ˈnën ˗nu bho ka ˗bha. ˗Ka bɔ ˗an ˗ta ꞊ʒiaan kö kaa˗ ˗nu ˈka ˈˈdoodɔ, ˈka ˗an ˗takun kö waa Zoova ˗an ˗bha ˈˈtɔŋdhɛ kë ˈˈgbɩɩ˗.