Pë draansü ˈˈslö ˈbha ˗nu

Pë ˗nu ˈkwa dho ˗an draanˈˈ ˗blɛɛsü

Mɛn ˈˈpɛpɛ ˈˈtʋ̈ŋ ˈkwa dho Biblö draanˈˈ ˗a ˈka kwa ˗de ˈˈpiʋ̈, ˈyaa ꞊va. ˈMën ˈkwa dho ˗a kë kö ˈkwa ˈwɔn ˗së ꞊dede ꞊slɔɔ ˈˈtʋ̈ŋ ˈö ˈˈdhʋ̈ ˗a ˈka? ˗A ˗blɛɛsü ˈnën ˗tɔ ˗kwa pë ˗wo pö piŋdhö. ˈKwa pë ˈdɛdɛ ˗wo pö ˗së ˈka, kwa˗ ꞊trɔɔn ˗slɔɔ ˈö ˗ʒiö ˗a ˈka pë ꞊va ˗wopösü ˈö ˗bia ˈka ˗a ˗ta.

ˈDhɛ ˈˈdhʋ̈ pë ˗nu ˈkwa dho ˗an draanˈˈ ˗blɛɛsü, ˗kwa ˗an dɔ. (Efɛ. 5:15, 16) ˗A ˈbha ˗nu ꞊nɛn:

• ˗Kwa Biblö ˗wo pö yi ꞊gban ˈka. (Ps. 1:2) Biblö ˈˈɲan ˗nu ˈwo ˈˈdhoogɔ ꞊zinŋgü ˗bhɔkwëë ˗bha ˈka bhë, ˗kwa ˗an ˗wo pö.

• ˗Kwa kwa ˗de baaˈˈ ˈˈGlaadhiʋ̈ ˗tɔn waa ˈˈdhoogɔ ꞊zinŋgü ˗bhɔkwëë ˗bha ˗së ˈka, kö ˈkwa ˈwɔn ˗daa ˗nu kë.—Ps. 22:22.

• ˗Kwa dɔ ˈˈgbɩɩ˗ ˈpö kö ˗zuu ˈgü ˗bhöpë ˈˈwɛɛ ˗nu ˈwo to ˈkwa ˗an ˗wo pö ɛɛnˈˈ ˈkwa ˗an video ˗nu ˗ga. ˗A ˈbha ˗nu ˈnën ˈwo ˗tɔ ˈˈsu ˗bha ˈsëëdhɛ ˗nu ˈkwa ˗zlanwopö ˗an ˈka, video ˗nu waa ˈwɔn ˗gɔ ˈbha ˗nu ˈwo jw.org ˗ta.

• ˈWɔn ˗gɔ ˈö kwa ˗dhɛ ˗së, ˗kwaa mɛɛnˈˈ. ˈWɔn ˗gɔ ˗nu ˈwo ˗gban ˈwɔn ˈˈgbɩɩ˗ ˈkwa˗ ˈgü ˗a ˗bha, dhɛɛˈˈ ˈbha ˗nu ˗yɔ ɛɛnˈˈ ˈwɔn ˗gɔ ˈbha ˈö Biblö ˈgü ˈkwa˗ ˈˈpiʋ̈ ˈkwa˗ dɔ ˗së ˈka, kwa ꞊mɔɔn˗ ˗bha ˈkwa ˗an ꞊mɛɛn. ˈPë ˈkwa˗ ˈˈpiʋ̈ ˈkwa draanˈˈ ˈkwa˗ pö ˈkwa˗ ˈbha dɔ, ˗kwa ˈdho ˈwɔn ˗gɔ ˈö ˗kë «ˈPë Biblö ˗ya pö» ˈka jw.org ˗ta bhë ˗a ˈgü.