Zo ˗bo ˈwlaan˗ ˈˈtʋ̈ŋ ˈgü, ü ˗dho yö kë ü ꞊faan ˈka ꞊dhɛ Zoova waa Yesu ˗an ˈdhö ˗ee?

1. −Mën ˈö Zoova ˗bha ꞊Gbɛkiö ˗nu wo ˈgü dɔ ˈˈgbɩɩ˗ ˈwo˗ kë ˗zo ˗bo ˈwlaan˗ ˈˈtʋ̈ŋ ˈgü?

¹ Zoova ˗yö ö ꞊dhɔɔbhaawɔn ˗kë ö ꞊faan ˈka. ˈDhɛ ˈö kun ˗Zlan ˗bha ꞊Gblüdëdhɛ ˗bha ˈdhuëë˗ ˈbhaa ˗nu ˗wɔn blɛɛˈˈ ˗ni ˈgü, Isaïe 9:7 ˗ya ˗pö: “Zoova ꞊Gblüdë ꞊faan ˈnën ˗dhö ˗a kë.” ˗Kɔ do ˈö bhë˗ ˈka, ˈˈtʋ̈ŋ ˈö kun ˗Zlanwopö ˗ni ˈka ˈˈkpɔnŋ ꞊taa, ˗Zlan Gbö ˗yö ˗Zlan ˗dhɔkësü ꞊dede ˗zɔn ö ꞊faan ˈka. (Zan 2:13-17; 4:34) ˗Kwɛ ˈˈpɛpɛ ˈka, ˗zo ˗bo ˈwlaan˗ ˈˈtʋ̈ŋ ˈgü, ˗zlanwopömɛn ˈˈmliɲɔn ꞊va ˈwo ˈˈkpɔnŋtaadhɛ ˗todhʋ̈sü ˈgü, ˗wo ˗to Zoova waa Yesu ˗an ˗bha yö ˗kë ꞊faan ˈka ˗sü ˈˈpiʋ̈, ˈwo wo ˗bha ˗zlanwopösü ˗dadhiʋ̈ˈˈ. Ü ˗dho kë ˗an kpö ˈgü ˗ee?

2. −Mën ˈö ˈgüdɔgbɩɩsü ˈdhö˗ kwa ˗blü kö ˈkwa˗ kë ˗sü züdɔ Masö 7 ˈka?

² Mɛn ˗dhɛ ˗zo ˗bo ˈwlaan˗ ˗ta ˗sü: ˗Kwɛ ˈö yö˗ ˈka, mɛn ˗dhɛ ˗zo ˗bo ˈwlaan˗ ˗ta ˗sü zü ˗dho dɔ ˈˈsɩyi ˈö ˗kë Masö 7 ˈka bhë, ˗a ˈka. Ü ˗de baaˈˈ ˈˈtʋ̈ŋ ˈö yö˗ ˈgü kö ˈü ˗zlanwopö ü ꞊faan ˈka. ˗Zlanwokɔdhi ˗nu ˗dho kë ꞊niidadhe ˈgü ˗an ˗bha ˈgüdɔgbɩɩsü ˈka, kö ˈwo ꞊gbɛkiödhɛ kë ˗dhɛ ˗nu ˈö ˗an ˗kɔ ˈdhö˗ ꞊mɔɔn˗ ˗bha ˗an ˈgü. ˗Bhö ü ˈgü dɔ ˈˈgbɩɩ˗ kö ˈü ü ˗bha ꞊klaŋ ˗nu, mɛn ˗nu ˈü ˗wo ˗an ˗dhɛ, ü yökëyoo ˗nu, ü ˗mɛn ˗nu, ü ˗bha ꞊klaŋplöö ˗mɛn ˗nu ˗dhɛ, mɛn ˗dhɛ ˈsëëdhɛ ˗nu ˗an ˗dhɛ ˗sü ɛɛnˈˈ ˗bɔ jw.org ˗ta ˗sü ˈka.

3. Kwa ˗dho kwa ˗bha ˗zlanwopö ˗yö ˗dadhiʋ̈ˈˈ ˗kɔ ˗kë ꞊dhɛ Masö waa Avlidhö ˈgü?

³ ˗Yödhiʋ̈ˈˈ ˗kɔlöö: Yö ˗kë ꞊faan ˈka ˗sü ˗dho kwa ˗blü ˈö ˈkwa kwa ˗bha ˗zlanwopösü ˗dadhiʋ̈ˈˈ. ˈYaa za ˈgü ꞊dhɛ mɛn ꞊vadhɛ ˗dhö kë ˗yödhiʋ̈ˈˈ ˗kɔlöö ˈka Masö waa Avlidhö ˈˈsu ˈgü, ˈyö ˗tɔ ꞊dhɛ kwa ꞊mɔɔn˗ ˗bha ˈkwa kwa ˗kɔ ꞊yɛ ˈˈlɛlɛ 30 kë ˗sü ˗bha. Ka ˗bha ˗Zlan ˗dhɔkë ˈkɔdhigü ˗sü ɛɛnˈˈ ka ˗de draanˈˈ ˈˈtʋ̈ŋ ˈka, ˗kɔ ˈö ˈka ˗dho ka ˗bha ˗zlanwopösü ˗dadhiʋ̈ˈˈ ˗a ˈka ˈˈdhʋ̈, ˗kaa ˗da bhɛɛwo ˈgü. (Prov. 15:22) Ü ˗bha ˗zlanwopö ˈˈwowosü ˈka ˗sü ˈö mɛndhɛsü ˈˈtʋ̈ŋ ˈgü, ˗yö ꞊mɔɔn˗ ˗bha ˈö mɛn ˈˈwɛɛ ˗nu ˗blü ˗zlanwopö wo ꞊faan ˈka ˗sü ˗bha. ꞊Ya kë ꞊dhɛ ˈbha baaˈˈ ü ˗de ˗bha kö ˈü ü ˗bha yö ˗dadhiʋ̈ˈˈ, kö ü ˈto ˗ni ˈgü Yesu ˗bha yö ˗kë ꞊faan ˈka ˗sü ˈˈpiʋ̈.—Makö 6:31-34.

4. Kö ˈkwa ˈto Zoova waa Yesu ˗an ˗bha yö ˗kë ꞊faan ˈka ˗sü ˈˈpiʋ̈, ˗mën ˈö ˈkwa ˗dho ꞊slɔɔ˗ ˈgü?

⁴ Kö ˈkwa ˈto Zoova waa Yesu ˗an ˗bha yö ˗kë ꞊faan ˈka ˗sü ˈˈpiʋ̈ ˗zo ˗bo ˈwlaan˗ ˈˈtʋ̈ŋ ˈgü, kwa ˗dho ˈdhuëë˗ ꞊va ꞊slɔɔ˗. Mɛn ꞊vadhɛ ˈwo kwa ˗bha ˗zlanwopödhɛ ˈgü, ˗wo ˗dho nɔɔn˗ ˗së man. Zuʋ̈gblüdhi ˈö go ˗Zlan ˗dhɔkësü waa pë ˗nu mɛn ˈˈwɛɛ ˗nu ˗dhɛ ˗sü ˈgü, kwa ˗dho ˗a din ˗ga. (Këw. 20:35) ˈˈKɛɛ ˗a ˈdhɛ ˈö˗ ˗wɔn ˈdhö ˈˈgbɩɩ˗ ˈö ˗ʒiö mü, ˈyö ˗tɔ kwa ˗dho kë Zoova waa ö Gbö, ˈwo yö ˗kë wo ꞊faan ˈka bhë, ˗an ˗dhɛ ˗së.