˗Kwa kë ˗zlanwopömɛn ˗tiaandhö ˈka: Biblö draansü züdɔ ˗sü ˈka ˈsëëdhɛ ˗be ˈnën De bonnes nouvelles de la part de Dieu ! ˈgü ˈkɔ ˈˈkpandhiʋ̈
˗Mën ˈö ˗kë ˈö˗ ˗wɔn ˈdhö ˈˈgbɩɩ˗?: ˈKwa˗ pö mɛn ˗nu kë Yesu ˗bha gwëëˈˈ ˗nu ˈka, kwa dua ˗mü kö ˈkwa ˗an ꞊klaŋ kë ˗Zlan ˗Wo ˈka. (Mat. 28:19, 20) Mɛn ꞊gban ˈˈpɛpɛ kwa ꞊mɔɔn˗ ˗bha ˈkwa yökë ˗a ˈka ꞊kwɛɛ˗ ˈö ˈwo˗ ˗nu kwa ˗dhɛ bhë˗ sü, ˈö ˈkwa gagade ˗zɔn mɛn ˗nu ˗dhɛ ˗tiaandhö ˈka. ˗Wo ˈsëëdhɛ ˗be ˈnën De bonnes nouvelles de la part de Dieu ! ˗yö ˗kë ˈgbaandhö kö ˗yö kwa ˗takun kö ˈkwa mɛn ˈˈwɛɛ ˗nu ꞊klaŋ kë gagade ˈka. ˗Dhɛkpaɔyi ˗blɛɛsü ˈö ˈkwa wo˗ ˈka mɛn ˗nu ˈˈpiʋ̈, kwa ꞊mɔɔn˗ ˗bha ˈö ˈkwa˗ ˗sü ˈö ˈkwa Biblö draansü züdɔ ˗a ˈka ˗a mɛn ˗bha ˈkɔ ˈˈkpandhiʋ̈.
Kwa ˗dho ˗a kë ˗kɔ ˗kë ꞊dhɛ?
• ˈSëëdhɛ nu ˗kɔ ˈˈslö ö ˈkɔnën bhë˗ ˈgü, ˗bhö ˗ʒiö ˗a ˈgü.—Kpɔɔˈˈ ˈzü ˗kwɛ 2013 Masö ˗bha Kwa ˗bha ˗Gblüdëdhɛ ˗yö ˈsëëdhɛ ˗bha.
• Ü ˗de ˗bhaa ˈsëëdhɛ ˗be ˈnën ˗yö kë ü ˗bha ˗zlanwopö ˗a ˈka ˈˈkpɔɔ ˈgü. ˗A ˗be ˗nu ü ˗dho ˗an nu mɛn ˗nu ˗dhɛ, ˗yö kë ü ˈˈɲaan ꞊dhɛ ˗wo ü ˗gɔ ꞊va.
• ˗Wo ˗bhuöö kpö do ɛɛnˈˈ ꞊plɛ ˈnën ˈü ˗dho ˗an kë. ˈBha ˈdho ʒiö minitö ˗kɔŋ do ˗ta ˗dhɛ bhë˗ ˈgü.
˗Ka pë ˈö yö˗ ˈgüdan ˈˈsu yö˗ ˈgü:
• Mɛn ꞊klaŋ ˗kë Biblö ˈka ˗sü ˗dhɔ ˗ya kë ˈü ˗bha, ˗bhö bhɛɛˈˈ ˗a ˗wɔn ˈgü. ˗Bhö ˗a pö Zoova ꞊dhɛ ˗yö ü ˗takun kö ˈmɛn kaa˗ ˗nu ˈka ˗dho Biblö draanˈˈ, ˈü˗ ˗mɛn ꞊slɔɔ, kö ˈü kë mɛn ꞊klaŋ ˗kë gagade ˈka ˗mɛn ˗tiaandhö ˈka.—Fdh. 2:13
• Ka ˗bha ˗Zlan ˗dhɔkë ˈkɔɔ ˗sü ɛɛnˈˈ pë ˗draan ka ˗de ˗ta ˗sü ˈˈtʋ̈ŋ ˈka, ˗ka ˈˈtʋ̈ŋ ˗sü kö ˈka ˈsëëdhɛ nu ˗kɔ ˈˈslö bhë˗ draanˈˈ. ˈKa˗ kë ˈˈdhʋ̈, ka ˗dho ˈwɔn blɛɛˈˈ ˈˈdhi ˈˈkan ˈka, ˈö kaa mɛn ˗nu ˈka Biblö ꞊draan ˗kɔ ˈˈkpandhiʋ̈ ˗zlanwopödhɛ ˈgü.
[ˈKɔnën, ˈˈpian 1]
˗Zlanwopö ˈkɔ ˈgü ˈkɔ ˈgü ˈˈtʋ̈ŋ ˈka:
“A ˈyö ꞊dɛɛ, ˈyö ˗tɔ ꞊dhɛ ˈˈkpɔnŋtaadhɛ ˈdho ˗kɔ ˈö ˈdho ˗ni ˈgü ˗a ˈka bhë ˗yö ˗yɛ mɛn ꞊gban ˈˈpɛpɛ kwa ˗bha. Ü ˗bhaa ˈgü ˈˈkpɔnŋtaawɔn ˗nu ˗dho baaˈˈ ˗ee? [Ü ˈˈtʋ ˈto ˗a ˗wo ˗bha.] Mɛn ꞊vadhɛ ꞊waa˗ man ꞊dhɛ nɔɔn˗ ˗së ˗nu ˈwo ꞊mɔɔn˗ ˗bha ˈwo ˗zoyödhe ˗nu kwa ˗dhɛ ˗wo Biblö ˈgü, ˗a ˈwɔn ˗yö ˗an ˗kun. Dhɛɛˈˈ ˗nu ˈö Biblö ꞊mɔɔn˗ ˗bha ˈö ˗an ˗yɔ bɔ, ˗an ˈbhaa ꞊nɛn.” ˗Bhö ˈsëëdhɛ ˗be ˈnën ˗zɔn ˗a ˗mɛn ˗dhɛ, kö dhɛɛˈˈ ˗nu ˈwo˗ kwi ꞊taa ˗yö ö ˗kɔ ˈˈyɛ ˗a do ˈö˗ ˗zo kun ˗a ˗bha. ˗Ka ˈdho ˗a ˈwɔn ˗gɔ ˈgü, kö ˈü˗ draanˈˈ ˗kɔ ˗zɔn ˗a ˗dhɛ. Ka˗ mɛn ka ˗wo ˗yö ˗mɔɔn ꞊dhɛ ˗yö ü ˈˈpiʋ̈ kö ˈü nu ꞊taabha kö ˗a dhɛɛˈˈ ˈö dɔ ˗a ˈˈpiʋ̈ bhë ˈka˗ ˗yɔ mɛɛnˈˈ.