˗Kwa kë ˗zlanwopömɛn ˗nu ˗tiaandhö ˈka: Mɛn ˗nu ꞊klaŋ ˗kë video ˗nu ˈka ˗sü ˈka

˗MËN ˈÖ ˗KË ˈÖ˗ ˗WƆN ˈDHÖ ˈˈGBƖƖ˗:

Pë ˗nu ˈö mɛn ˗nu ˗wa yö, waa ˗wo ˗nu ˈö ˈwo ˗an man video ˗nu ˈgü, ꞊mɔɔn˗ ˗bha kö ˗yö ˈpa ˗an zuʋ̈ˈˈ ˈka. Video ˗nu ˗wa ˗kë ˈö mɛn ˗bha ˗zotadhe ˈyaa ˈdho ˗dhɛ ˈˈwɛɛ ˈgü, ˈyö pë ˈö mɛn ˗ya ˗ga bhë, mɛn ˗zo ˈyaa bhɔ ˗a ˈka ˈpë˗. Mɛn ꞊klaŋ kë ˗sü ˈö pë ˈbin ˗nu ˈka bhë, Zoova ˗ya ˈwɔnzuan ˗së ꞊dede ˈka. Kë 10:9-16; ˗Dh 1:1.

Video ˗nu Dieu a˗t˗il un nom ?, Qui est l’Auteur de la Bible ?, waa Comment être sûrs que la Bible vient de Dieu ? ˈnën ˈwo ˈtɔ˗ ˈsëëdhɛ ˗be ˈnën Nɔɔn˗ ˗së ˗nu ˈwɔn ˗gɔ 2 waa 3 ˗naan taa ˗nu. Video ˗nu ˗Mën ˈö ˗kë ˈkwa ˗dho Biblö draanˈˈ?, ˗Wo mɛn ˗nu ꞊draan Biblö ˈka ˗kɔ ˗kë ꞊dhɛ?, waa ˗Mën ˈwo˗ ˗kë ˗Bhɔkwëëkëgükɔ ˗nu ˈgü? ˗wo mɛn ˗nu ˗blü kö ˗wo Biblö draanˈˈ kwa ˈˈpiʋ̈, kö ˗wo nu ˗bhɔkwëë ˗nu ˗ta. Kwa ꞊mɔɔn˗ ˗bha ˈkwa kwa ˗bha video ˗nu ˗zɔn ˈpö kwa ˗bha Biblö ꞊klaŋ ˗nu ˗dhɛ kö ˈkwa ˗an draanˈˈ​—km˗F 5/13 3.

KWA ˗DHO ˗A KË ˗KƆ ˗KË ꞊DHƐ?

• Video ˗nu ˈö ˈkwa˗ ˈˈpiʋ̈ ˈkwa˗ ˗zɔn mɛn ˗nu ˗dhɛ bhë, ˗kwaa ˈto ˈˈdhiʋ̈ ˈkwa ˗an ˈsü.

• ˗Bhö ü ˗zota dhɛɛˈˈ do ɛɛnˈˈ ꞊plɛ ˈö video bhë ˗dho ˗an ˗yɔ bɔ, ˗an ˈgü.

• ˗Ka video bhë˗ ˗ga ka ˈkwëë˗.

• ˗Kaa ˈwɔn ˗gaga ˗nu ˈˈdoo ˗dɔ.

˗KA PË YÖ˗ ˈGÜDAN:

• ˈSëëdhɛ ˈˈpɛn do ˗taadhɛ ˗zɔn kö pë ˈˈbin ˈö dho mɛn ˈka vɛɛdhö video ˗Mën ˈö ˗kë ˈkwa ˗dho Biblö draanˈˈ? ˈsü ˗dhɛ ˗bha bhë, ˈü˗ ˗zɔn ˗a ˗dhɛ.

• ˗Bhö video Comment être sûrs que la Bible vient de Dieu ? ˗zɔn ˗a ˗dhɛ. ˈBha ü bo ˗bhö ˈsëëdhɛ ˗be ˈnën Nɔɔn˗ ˗së ˗nu nu ˗a ˗dhɛ kö ˈü˗ ˈwɔn ˗gɔ 3 ˗naan ˗wɔn blɛɛˈˈ.