Zoova ˈyi ˈdho ˈˈkan mɛn ˗nu ˈö ˗an zuʋ̈ˈˈ ˗ya ꞊gi ˗an ˗bha

˗Dhɛ ˈö ˗zlanwodhiʋ̈lomɛn Natan ˗ya pö Davi ˗dhɛ ꞊dhɛ ˗ya ˈwɔn yaa kë Batö Sheba ˈka bhë, ˈyö Davi ˗yö ˗ya Psaume 51 ˗bɛn zë ˗sü ˗bha. Davi zuʋ̈ˈˈ ˗yö ˗za ˗dɔ ˗a ˗bha, ˈyö ˗we ˗wɔn bhë˗ ˗bha.​—2S 12:1-14.

Davi ˗yö ˈwɔn yaa ˗kë, ˈˈkɛɛ ˗yö ꞊mɔɔn˗ ˗bha kö ˗yö ꞊ɲɔɔn ˗Zlan ˈˈsuee ˗dɛɛwo

51:3, 4, 8-12, 17

• ˈˈSanni kö Davi ˗bha ˈwɔn yaa ˈö˗ ˗kë bhë ˗yö ö ˈˈdhi bho ˗a ˗ta, ˗yö ˗gun ö ˗de ˈgü yaa.

• Kë ˈö˗ wo Zoova ˗dhɛ yaa bhë, ˗ya ˈgü saanˈˈ ˗sü ꞊dedewo. Yö ˈnën˗ ˗wɔn ˈgü ˈyö ˗kë ö ˗de ˈgü ꞊dhɛ mɛn ˈö ꞊waa˗ ga ˗nu yɛɛˈˈ ˗a ˈdhö bhë.

• ˗Yö kun ˗a ˈˈpiʋ̈ ꞊dedewo ꞊dhɛ ˗Zlan ˗yö ö ˗bhawɔn ˈto, kö ˗yö ꞊ɲɔɔn ˗a ˈˈsuee kë ˈˈdhʋ̈ kö ˗yö zuʋ̈gblüdhi ꞊slɔɔ ˗dɛɛwo.

• ˗Yö ꞊bhɛɛ Zoova ˗dhɛ kö ˗yö ö gba ˈwɔn ˗man ˗a ˗ta ˗sü zuʋ̈ˈˈ ˈka.

• ˗Yö ˗kun ga ˗sü ˈka˗ ˈgü ꞊dhɛ ˗Zlan ˗dho ö ˗bhawɔn ˈto.