KWA ˗BHA ˗KË KLETIƐN ˈKA ˗SÜ
«Pɔdhö ˗yö ˗Zlan ˈˈnuɛ ˗bho, ˈyö ꞊faan ꞊slɔɔ»
˗Dhɛ ˈö ˗zlanwokɔdhigümɛn ˗nu ˈwo Wlɔmö ˈwo˗ man ꞊dhɛ Pɔdhö ˗yö nu ˗ni ˈgü, ˗a mɛn kpö ꞊va ꞊dede ˗wo ˈˈta ˗sü ˈˈkidhʋŋ 64 ˈˈpiʋ̈ kö ˗wo dɔ ˗a ˗gɔ ʒian. Pë ˈˈgbɩɩ˗ ˈwo˗ kë bhë, ˗yö ˗pa Pɔdhö zuʋ̈ˈˈ ˈka ˗kɔ ˗kë ꞊dhɛ? «꞊Dhɛ ˈö Pɔdhö ꞊ya ˗kpan mɛ ˈˈpɛpɛ ˈwo nu ˗dɔ [˗a] ˗gɔ zian bha˗ ˗nu ˗bha, ˈyö ˗Zlan nuɛˈˈ bho, ˈyö faan ꞊slɔɔ.» (Kë 28:15) ˈKö kë ꞊dhɛ ˗zlanwokɔdhi ˈˈpɛpɛ ˈö Pɔdhö ˗yö bɔ ˗an ˈgü, yö ꞊nën ˈö kun ˗a ˈgümɛn ˗nu ꞊faan dɔ ˗ni ˈgü, ˈˈtʋ̈ŋ ˈö kun ˗a ˈka ˗kasho ˈgü bhë, yö ꞊nën ˈwo˗ ꞊faan dɔ.—2Ko 13:10.
꞊Dɛɛ ˈˈpian do ˈˈpiʋ̈ ˗maankëmɛn ˗nu ˗wo ˗ʒiö ˗zlanwokɔdhi ˗nu ˈgü kö ˗wo wo ꞊dhegblü ˗nu ꞊faan dɔ. ˈˈKɛɛ wo ꞊dee ˗an ˈgü ˗yö ˗ga, ˈyö zuʋ̈dhiʋ̈tɛɛ ˗yö ˗ya ˗an ˗bha ˈˈtʋ̈ŋ ˈbha ˗nu ˈka ꞊dhɛ ˗Zlan ˗dhɔkëmɛn ꞊gban ˈˈpɛpɛ ˗dhö. ꞊Ya kë ꞊dhɛ ˈˈpian do ˈˈpiʋ̈ ˗maankëmɛn waa ö ˗bha dhebɔ ˗wa nu ü ˗bha ˗zlanwokɔdhi ˈgü, ˗mën ˈü ꞊mɔɔn˗ ˗bha ˈü˗ ˗kë kö ˗wo ꞊faan ꞊slɔɔ, kö ‹ˈka ka ˈko ˗nu faan dɔ˗›?—Wlɔ 1:11, 12.
˗Bhö ü ˗kɔ ˗ya ˗zlanwopö ˗yö ˗bha ˗bhɔkwëë ˗nu ˗gɔ. ˗Zlanwopömɛn ˗nu ˗wa pë ˈˈpɛpɛ kë kö ˗wo wo ˗kɔ da ˗zlanwopösü ˈö ˗kë ˈˈdhoogɔ ˗ya ˗detasü ˈˈtʋ̈ŋ ˈka bhë ˗a ˈgü, ˗yö ˗maankëmɛn ˗nu ꞊faan ˗dɔ. (1Te 1:2, 3; 2:20) ˈˈSu ˈö ˗dho nu wo ˗a ˈka ka ˗dhɛ, ü ꞊mɔɔn˗ ˗bha ˈü ˗kë ˗yödhiʋ̈ ˗kɔ ꞊wlöö ˈka. ˗Bhö ü ˈtɔ ˗ya kö ˈü ˗zlanwopö yö ɛɛnˈˈ ˗a ˗bha dhebɔ ˈˈpiʋ̈. Ɛɛnˈˈ ˈzü ü ꞊mɔɔn˗ ˗bha ˈü ˗an sü ˈö ˈwo dho ü dɔ ü ˗bha Biblö ꞊klaŋ do ˈˈpiʋ̈. ˗Zlanwopösü ˈö mɛn ˈö ˈdhö ˗a ˈˈpiʋ̈, ɛɛnˈˈ mɛn ˗dɛɛ ˗nu ɛɛnˈˈ ˈzü mɛn ˗nu ˈwii ˗kian ꞊klöŋ ˗an ˈˈpiʋ̈ ˗dhɔ ˗yö ˗an ˗kë ꞊dedewo.
˗Bhö ˗an ꞊dhɛŋ bun. Ü ꞊mɔɔn˗ ˗bha ˈü wɔdhɛ ɛɛnˈˈ ˗bhöpë nu ˗an ˗dhɛ. ˗A kë ˈˈdhʋ̈ ˗sü ˗dho ˗a ˗zɔn ˗maankëmɛn waa˗ ˗bha dhebɔ ˗an ˗dhɛ ꞊dhɛ ˗an ˗dhɔ ˗yö ü ˗kë. ˗An ˗bhawɔn ˈyaa pë ˈˈgblʋ̈gblʋ̈ ˗nu ˗bha.—Dk 10:38-42.
˗Dhioo ˗nu ˈö ˗dho ˗an dɔ ü ˗ta bhë, ˗bhö ü ˈˈtʋ ˈto ˗an ˗bha, ˈü ˗an ˗ya ꞊bhlëë ˈgü. ˈˈPian do ˈˈpiʋ̈ ˗maankëmɛn ˗ya ˈˈpiʋ̈ kö ˗yö kwa ˗takun kö ˗dhɛ ˈö kwa ˗bhawɔn ˈdhö ˗takundhe ˗bha Zoova ˗bha yö ˈgü, ˈkwa˗ dɔ. ˗A ˗wɔn ˈgü ˈˈtʋ̈ŋ ˈbhaa ˗nu ˈka ˗yö ꞊mɔɔn˗ ˗bha ˈö ˗dhioo dɔ kwa ˗ta. (1Ko 5:1-5) ˈKwa ˈwɔn man ˗a ˗ta, ˈkwa kwa ˗gɔ ˗dho ˗a ˗dhɛ ˈˈshia˗, ˗a zuʋ̈ˈˈ ˈˈgblü ˗yo dhi ꞊dedewo.—Eb 13:17.
˗Bhö ˗an ˈˈnuɛ bho. ˗Bhö a pö ˗maankëmɛn waa ö bɔɔ ˗an ˗dhɛ ꞊dhɛ ˗an ˗bha wo ka ˗dhɛ ˗sü ya ü ˗takun. Ü ꞊mɔɔn˗ ˗bha ˈü˗ pö ˗an ˗dhɛ vɛɛdhö, ɛɛnˈˈ ˈü ˈsëëdhɛ bɔ ˗an ˗dhɛ.—Ko 3:15.