˗Kwa kë ˗zlanwopömɛn ˗nu ˗tiaandhö ˈka: ˗zlanwopö ˈˈɲɛɛntiimɛn ˗nu ˗dhɛ ˗sü ˈka

˗MËN ˈÖ ˗KË ˈÖ˗ ˗WƆN ˈDHÖ ˈˈGBƖƖ˗?: ˈWɔn ˗blɛɛ mɛn ˗nu ˈö ˈwaa ˗an dɔ ˗an ˗dhɛ ˗sü ˗dhɔ ˈyaa ˈˈɲɛɛntiimɛn ˗nu kë. ˗A ˗wɔn ˈgü, ˈkwa˗ ˈˈpiʋ̈ ˈkwa ˗zlanwopö ˗an ˗dhɛ, kwa dua ˗mü kö ˈkwa˗ kë ˗gleŋ ˈka. Zoova ˈˈtʋ̈ŋ ꞊dede ˗yö ˈˈɲɛɛntiimɛn ˗nu ˈgü. (Lv 19:14) Kwa ꞊mɔɔn˗ ˗bha ˈkwa ˗ʒiö ˗a ˗bha ˈwɔnzuan ˈˈpiʋ̈ ˗an ˗takun ˗sü ˈka kö ˗wo kë Zoova ˈˈtɔŋdë ˗nu ˈka.

KWA ˗DHO ˗A KË ˗KƆ ˗KË ꞊DHƐ?:

• ˗Kwa ˈˈɲɛɛntiimɛn ˗nu «mɔɔ˗.» (Mt 10:11) Kwa mɛn ˈbha ˗dɔ ˈö ˈˈɲɛɛntiimɛn ˈbha ˈö˗ ˗bha ˈkɔdhi ˈgü ˗ee? ꞊Klaŋplöödhɛ ɛɛnˈˈ ˗dhɛ ˈˈwɛɛ ˈbha ˗nu ˈö ˈˈɲɛɛntiimɛn ˗nu ˈwo mü, ˈö ˈwo dho ˈˈwɩ kwa ˗bha ˈsëëdhɛ ˗nu ˗bha ˗wo ˈdhö kwa ˗bha ˈˈyasa ˈgü ˗ee?

• ˗Kwa kwa ˈˈtʋ̈ŋ kë ˗an ˈgü. ˈKwa kë ˈˈyɩɩ ˈka ˈˈɲɛɛntiimɛn ˗nu ˈˈpiʋ̈, ˈkwa˗ ˗zɔn ꞊dhɛ kwa ˈˈtʋ̈ŋ ˗yö ˗an ˈgü, ˗wo ˗dho kë wo ˗de ˈgü ˗së. ˗Kwa ˈˈdoo ˗dɔ ˗an ˈˈpiʋ̈ ˗sü züdɔ pë ˈbha ˈö˗ ˗dhɔ dho ˗an kë, ˗a ˗ta.

• ˗Kwa ˗an ˗takun kö ˗wo ꞊ɲɔɔn Zoova ˈˈsɔɔ. Kwa ˗bha ˗kɔlokota ˗yö ˈsëëdhɛ suu ꞊va kë ˗sü ˈka kö ˈkwa mɛn ˗nu ˈö ˈwaa ˗dhɛ yö ˗së ˈka ɛɛnˈˈ ˈö ˈwo ˈˈɲɛɛntiimɛn ˗nu ˈka ˗an takun. ˗Kwa ˈˈɲɛɛntiimɛn ˗dhɛ ˈö ˈdhö ˗a dhɛɛˈˈ ˈkpɔ kö ˗a ˗dhɛ ˈö˗ ˗dhɛ ˗së ˗ya pö. ˗Zlanwopö ˗yö ˗bha ˈwɔnyëë˗ dua ˗mü kö ˗ya ˗ga ꞊ya kë ꞊dhɛ ˈsëëdhɛ ˗nu ˗bha ˈwɔnyëë˗ ˗ya ˈsëëdhɛ bɔ kö ˗wo nu ˈsëëdhɛ suu ˈö˗ ˗dhɔ ˗yö ˈˈɲɛɛntiimɛn ˗nu kë ˗a ˈka, kö ˗ya ˈwɔn dɔ.