KWA ˗BHA ˗KË KLETIƐN ˈKA ˗SÜ
Wlüünën ˗nu: Zoova ˗yö ka ˈˈtɔŋdë ˈˈgbɩɩ˗ ˈka ˗ee?
ˈˈKlʋʋsë ˗mɛɛn ˈö˗ ˗dhɔ ˗yö ka ˗kë ka ˈˈtɔŋdë ˗nu ˈˈpiʋ̈? ˗Wa ˈto wo ˗wo ˗ta, ˗an ˈˈgblü ꞊ya kë ˗së, ˗a ˗dhɔ ˗yö ka ˗kë. ˈˈKɛɛ ˈˈklʋʋsë ˗nu ˈwo bhë, ˗a ꞊gban ˗yö Zoova ˗gɔ. (Ex 34:6; Kë 14:17) ˈKwa bhɛɛˈˈ ˗a ˗dhɛ, ˗yö ö ˈˈtʋ ˗to kwa ˗wo ˗bha. Kwa ˗bhawɔn ˗ya yö ˗takundhe ˗bha, ˗ya ˗nu kwa ˗dhɛ. (Ps 18:19, 35) ˗Yö kwaa ˈwɔn yaa ˗nu ˗bhawɔn ˗to. (1Zn 1:9) Zoova ˗yö ˈˈtɔŋdë ˗së ꞊dede ˈka.
Ka dho kë Zoova ˈˈtɔŋdë ˈka ˗kɔ ˗kë ꞊dhɛ? ˗Kaa ˈˈDhiwo pö kö ˈka˗ dɔ. ˗Ka ka zuʋ̈ˈˈ ˈˈpʋ ˗a ˗dhɛ. (Ps 62:8; 142:2) ˗Kaa ˗zɔn ꞊dhɛ pë ˗nu ˈö ˗an ˗wɔn ˈdhö Zoova ˗gɔ ˈˈgbɩɩ˗ ˈö ˗an ˈbha ˗nu ˗kë ꞊dhɛ ˗a Gbö, ˗a ˗bha ˗Gblüdëdhɛ waa pë ˗nu ˈö ˗an ˈˈplüün bho ˗dhɛkpɔɔ dhiʋ̈ˈˈ ˈgü ˗an ˈdhö bhë, ˗an ˗dhɔ ka ˗kë. ˗Kaa ˗wɔn blɛɛˈˈ mɛn ˈˈwɛɛ ˗nu ˗dhɛ. (Dt 32:3) ˈKa ꞊ɲɔɔn Zoova ˗bha ˗sü ˗ʒiaan mɛɛnˈˈ, ˗yö ˗dho kë ka ˈˈtɔŋdë ˈka ˗tokpa ˈka.—Ps 73:25, 26, 28.
˗BHÖ VIDEO JEUNES, « GOÛTEZ ET VOYEZ QUE JÉHOVAH EST BON » ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:
Ka ˗dho ˗a kë ꞊dhɛ kö ˈka ꞊mɔɔn ka ˗de ˗nu Zoova ˗dhɛ ˗sü ˗bha kö ˈka bɔ ˈˈyi ꞊bhaa?
˗Zlanwokɔdhigümɛn ˗nu ꞊mɔɔn˗ ˗bha ˈwo ka ˗takun Zoova ˗dhɔkësü ˗bha ˗kɔ ˗kë ꞊dhɛ?
˗Zlanwopösü ˗yö ˗mlɛɛn ö kaa Zoova ka ꞊zinŋ ˈgü ˗a ˗gɛn ˗gban ˗kɔ ˗kë ꞊dhɛ?
Kaa ˈˈtɔŋdëdhɛ ˈö Zoova ˈka ˗yö ꞊mɔɔn˗ ˗bha ˈö ˗gwëë ˗tokpa ˈka.
Zoova ˗bha yö ˗mɛɛn ˈö ka ꞊mɔɔn˗ ˗bha ˈka˗ ˗kë?
˗Mën ˈö ˗dhɔ ˈdhö ka ˗kë Zoova ˈˈpiʋ̈?