ˈKwa kwa ˗kɔ ˗ya Zoova ˗bha mɛn ˈˈklʋ bho ˗sü ˗gɔ kwa˗ ˗zɔn ꞊dhɛ ˗dhɔ kwa ˈgü

Mɛn ˈbhaa ˈö ˈwɔn yaa ˗kë ˗a ˗bho kwa kpö ˈgü ˗sü ˗yö ˗zlanwokɔdhi ˗takun ˈö ˗gleŋ ˗da ˗a ˗mɛn ˗bha. (1Ko 5:6, 11) Zoova ˗bha mɛn ˈˈklʋ bho ˗kɔ ˈö bhë, ˈkwa kwa ˗kɔ ˗ya ˗a ˗gɔ, kwa˗ ˗zɔn ꞊dhɛ ˗dhɔ ˗yö kwa ˈgü. ˗Yö ꞊mɔɔn˗ ˗bha kö ˗yö kë ˈˈdhʋ̈ ˗kɔ ˗kë ꞊dhɛ ˈˈkɛɛ ˈkö mɛn ˈbha ˗bho kwa kpö ˈgü ˗sü ˗yö ˗yua ˗a ꞊dhegblü ˗nu, ˗a ˗mɛn ˗nu waa mɛn ˗nu ˈwo˗ ˗bha ˗wɔn ˈˈɲan bhɔ ˗an ꞊gban ˗bha?

ˈKwa kwa ˗kɔ ˗ya ˗gɔ, kwa˗ ˗zɔn ꞊dhɛ Zoova ˈtɔ waa˗ ˗bha ˈtɔŋ˗ ˗nu ˈwo ˗gban ˗kë ˈˈslʋ̈ʋ̈slʋ̈ ˗sü ˗bha bhë, ˗an ˗dhɔ kwa ˗kë. (1P 1:14-16) Kwa˗ ˗zɔn ˈpö ꞊dhɛ mɛn ˈwo˗ bho kwa kpö ˈgü bhë, ˗a ˗dhɔ kwa ˗kë. Mɛn ˈˈklʋ bho ˗sü ˈö ꞊dhɛ ˈwɔn ˗wɔ mɛn ˗ta ˗sü ˈdhö bhë ꞊mɔɔn˗ ˗bha ˈö «꞊trɔɔn ˈö ˗kë zuëyagblʋ̈ʋ̈˗ waa˗ ˗tosɛa ˈö pö ˈaa˗ ˗bha» ˈka bhë ˗an nu mɛn ˗dhɛ. (Eb 12:5, 6, 11) ˈKwa ꞊nënŋ mɛn ˈbha ˈwo˗ bho kwa kpö ˈgü ɛɛnˈˈ ˈö ˗kan Zoova ˗bha ö ˗de ˈka ˗a ˗bha, kwa˗ ˗zɔn ꞊dhɛ kwa ˗gban ˗sü ˈka Zoova ˗bha ˈwɔn kë ˗kɔ ˗nu ˗gɔ. Kwa ˗zo ˈya ˈdho bhɔ ꞊dhɛ Zoova ˗yö ö ˗dhɔkëmɛn ˗nu ˈˈklʋ ˗bho «ö ˗naan ˈka.» (Jr 30:11) ˈKwa kwa ˗kɔ ˗ya Zoova ˗bha mɛn ˈˈklʋ bho ˗sü ˗gɔ, ˈkwa kwa ˗kɔ ˗klu ˗a ˗bha yö ˗bha, yö ꞊mɔɔn˗ ˗bha ˈö˗ ˗kë ˈö mɛn ˈö ˈwɔn yaa ˗kë bhë ˈö ö ˗yee ˗kë kwa Dë ˈö mɛnbhɩɩdhe ˗nu ˗bhawɔnto bhë ˗a ˈˈpiʋ̈.​—Is 1:16-18; 55:7.

˗BHÖ VIDEO RESTONS FIDÈLES D’UN CŒUR COMPLET ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• 

  ˈNënmɛn ˗nu ˈwo Zoova ˗bha ꞊Gbɛkiö ˈka, ˗an ˗bha ˈnën do ˗ya ˈˈkan Zoova ˗bha ˗wo ˗kë wo ˗de ˈgü mü ꞊dhɛ?

• 

  ˗Zlanwokɔdhigümɛn ˗nu ꞊mɔɔn˗ ˗bha kö ˗wo ˈnënmɛn ˗nu ˈwo ˈˈdhʋ̈ ˗an ˗takun ˗kɔ ˗kë ꞊dhɛ?

• 

  ˗Kwɛzlan ˗mɛɛn ˈö Biblö ˈgü ˈö˗ ˗zɔn ꞊dhɛ kwa ˗bha ˗klu Zoova ˗bha ˗sü dua ˗mü kö ˗yö kë ˈˈgbɩɩ˗ ˗yö ˗ʒiö ˗a ˈka kwa ˗bha ˗klu kwaa ˈkɔdhigümɛn ˗nu ˗bha ˗sü ˗ta?

• 

  Kwa ˗dho ˗a ˗zɔn ˗kɔ ˗kë ꞊dhɛ ꞊dhɛ kwa ˗bha ˗klu Zoova ˗bha ˗sü ˗yö ˈˈgbɩɩ˗ ˈö ˗ʒiö ˗a ˈka kwa ˗bha ˗klu kwaa ˈkɔdhigümɛn ˗nu ˗bha ˗sü ˗ta?