Zoova kwa ˈˈklʋ ˗bho ˈyö ˗tɔ kwa ˗dhɔ ˗ya ˗kë

Mɛn ˈˈklʋ bho ˗sü ˗gɛn ˈnën ˗tɔ ˗dhioo ˗dɔ mɛn ˗ta ˗sü, mɛn ꞊klaŋ kë ˗sü. ˈˈKɛɛ ˗yö ˗gban ˈpö ˈwɔn ˗bho mɛn ˈgü ˗sü ˗bha. Zoova ˗yö kwa ˈˈklʋ ˗bho kö ˈkwa˗ ˗dhɔkë ˗së ˈka. (Wlɔ 12:1; Eb 12:10, 11) Yi ˈbhaa ˗nu ˈka kwa ˈˈklʋbhosü ꞊mɔɔn˗ ˗bha ˈö mën kwa ˈka. ˈˈKɛɛ ˗a ˈˈdhiʋ̈todhɛ ˗yö ˗së. (Pr 10:7) ˗Mën ˈö mɛn ˈˈklʋ bho ˗mɛn ˗nu waa mɛn ˗nu ˈwo ˗an ˈˈklʋ bho ˗wo ˗dho ˗a ˈto wo ˈˈɲaan?

Mɛnˈˈklʋ bho ˗mɛn ˗nu: Mɛn zii ˗nu, ˈnënmɛn ˗nu waa mɛn ˈˈwɛɛ ˗nu ˗wo wo ˈgü ˗dɔ ˈˈgbɩɩ˗ kö ˗wo mɛn ˗nu ˈˈklʋ bho ˗dhɔ ˈgü ꞊dhɛ ˗kɔ ˈö Zoova ˗ya ˗kë ˗a ˈka ˗a ˈdhö. (Jr 46:28) ˈWo ˗dhioo dɔ ˗ni ˈgü mɛn ˈbha ˗ta, ˗an dua ˗mü kö ˗wa dɔ ˗dhɔ ˈgü. ꞊Ya ˈgo mü, ˗yö ˗bɛ ˈwɔn yaa ˈö˗ ˗mɛn ˗ya ˗kë bhë ˗a ˗bha.​—Tit 1:13.

Mɛn ˗nu ˈwo ˗an ˈˈklʋ bho: ˗Yö ˗kë ˗dhioo suu ˈˈʋʋ ˗sü ˈka ˈwo˗ dɔ kwa ˗ta, ˈkwa ˈdho kwa ꞊kwaa˗ ˗zü. ˗Kwa ˈto ˈˈshia˗ mü ˈkwa˗ ˗ya ꞊bhlëë ˈgü. (Pr 3:11, 12) ˗Dhɛ ˈö ˗kë ꞊dhɛ ˈwɔn yaa ˗dhii ˗yö kwa ˗bha bhë, mɛn ꞊gban kwa ˗bhawɔn ˗yö ˗dhioo ˗bha. ˗Wo ꞊mɔɔn˗ ˗bha ˈwo kwa ˈˈklʋ bho ˗kɔ ꞊va ˈgü. ˈPë ˈkwa˗ ˗wo pö Biblö ˈgü, ɛɛnˈˈ ˈkwa˗ man ˗bhɔkwëë ˗ta ꞊mɔɔn˗ ˗bha ˈö kwa ꞊klaŋ ˗kë. ꞊Ya kë ꞊shiöŋ ˈpö mɛn ˈbha ˗nu ˗bhawɔn ˗yö ˗yö mɛn zii ˗nu ˗bha ˗takundhe ˗bha. ˗Wa kwa ˈˈklʋ bho ˈkwa˗ ˈsü ˗së, ˈyö ˗dhioo ˈwo˗ dɔ kwa ˗ta ˈkwa˗ man, kwa ˗dho kë kwa ˈflëë˗ ˈgü ˈö ˗tosɛta ˈö ˈyaa ɲën ˈkwa˗ ꞊slɔɔ.​—Pr 10:17.

˗BHÖ VIDEO «ˈMƐ ˈÖ˗ ˗DHƆ ˗YÖ ZOOVA ˗KË, [...] ˈYÖ˗ ꞊DƆƆ» ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• 

  Kanɔn ˗bha ˗tosɛta ˗kun ˗kɔ ˗kë ꞊dhɛ ˗a zübhosü ˈka? ˈˈKɛɛ ˗yö ꞊slëë˗ ˈgü ˗kɔ ˗kë ꞊dhɛ?

• 

  Zoova ˗ya ˈˈklʋ ˗bho ˗kɔ ˗kë ꞊dhɛ ˗dhɔ ˈgü?

• 

  ˗Gleŋ ˗mɛɛn ˈkwa˗ sü ˈwɔn ˈö bɔ ˗a ˈgü bhë, ˗a ˗bha?