Kwa ˗bha ˗bhɔkwëë ˈkpii˗ ˗nu ˗wo ˗dhɔ ˗zɔn ˈˈtʋ̈ŋ ˗së ˈka

ˈMën ˗kë ˈö kwa ˗bha ˗bhɔkwëë ˈkpii˗ ˗nu ˗dhɔ kwa ˗kë? ˗Bhɔkwëë ˈkpii˗ ˗nu ˈkwa ˗an ˗kë ꞊dɛɛ ˗wa ˗kë ˈö ˈkwa Zoova ˗dhɔkë mɛn këŋ ɛɛnˈˈ mɛn ˈˈgblü ꞊va ˈö ˈwo kwa ꞊dhegblü ˗nu ˈka ˗an ˈˈpiʋ̈ ꞊dhɛ ˗kɔ ˈö kun ˗a ˈka ꞊kwɛŋzü Izraɛdhö ˗a ˈdhö. Pë ˗nu ˈkwa ˗an man ˗an ˗ta kö ˈkwa ꞊ɲɔɔn ˗Zlan ˗bha ˗an ˗dhɔ kwa ˗kë ꞊dedewo. ˈˈTʋ̈ŋ ˗së ˈkwa˗ ˗kë kwa ˈˈtɛɛbɔ ˗nu waa kwa ˗mɛn ˗nu ˈˈpiʋ̈ ˗an ˗ta, ˗an ˗dhɔ kwa ˗kë ˈpö. ˗An ˗dhɔ ˗bha kwa kë ˗sü ˗ya ˗kë ˈö ˈkwa ˗kë ˗a ˗dhɛkpaɔyi ˗yaaga ꞊gban ˗ta.

ˈKwa ˗kë ˗bhɔkwëë ˗nu bhë ˗an ˗ta, kwa dua ˈyaa ˗mü kö ˈkwa kwa ˗zota ꞊trɔɔn ˈö kwaa dosɛnŋ kwa ˗dho ˗a ꞊slɔɔ ˗a ˈgü. ˗Abin, ˗kwa kwa ˗zota ˗zian ˗kɔ ˈö ˈkwa ˗dho ˗dhɔ ˗zɔn ˗a ˈka mɛn ˈˈwɛɛ ˗nu ˗dhɛ ˗a ˈgü. (Ga 6:10; Eb 10:24, 25) ꞊Ya kë ꞊dhɛ ˈkwa ˈˈkwɛɛ ˈˈdhi ˈˈpʋ kwa ꞊dhegblü do ˗gɔ, ɛɛnˈˈ ˗gbloo ˗nu ˈö ˈkwa ˗bhawɔn ˈdhö ˗an ˗bha ˈkwa woo dosɛnŋ ꞊nën ˗an ˈsü, kwa˗ ˗zɔn ꞊dhɛ kwa ˗ya mɛn ˈˈwɛɛ ˗nu ˗wɔn ꞊zɔɔn ˗ta. (Fdh 2:3, 4) Kwa ˗bha ˗bhɔkwëë ˈkpii˗ ˗nu ˗wa ˗kë ˈö ˈkwa ˈˈtɔŋdë ˗dɛɛ ˗nu ꞊slɔɔ˗. ˈˈSanni ˗a ˗bhɔkwëë zü ˗yö dɔ ɛɛnˈˈ ˗ya ɲën, ꞊ya ˈgo mü ˈzü ˗bhöpë ˈˈtʋ̈ŋ ˈka, kwa ꞊mɔɔn˗ ˗bha ˈkwa mɛn ˈbha dɔ ˗sü ˗ʒiaan ꞊mɛɛn. (2Ko 6:13) ˈˈTɔŋdëdhɛ ˈö ˈkwa dho ˗a ˈkun ˗bhɔkwëë ˗nu bhë ˗an ˗ta ˗wo ꞊mɔɔn˗ ˗bha ˈö ˈwo ꞊gwëë. ˈˈKɛɛ mɛn ˗nu ˈö ˗an ˈˈɲan ˗dho ˗da kwaa ˗dhɔ ˗zɔn ˗kɔ bhë ˗a ˈgü, ˗wo ꞊mɔɔn˗ ˗bha ˈö ˈwo Zoova ˗dhɔkë kwa ˈˈpiʋ̈.​—Zn 13:35.

˗BHÖ VIDEO LES ASSEMBLÉES INTERNATIONALES « L’AMOUR NE DISPARAÎT JAMAIS ! » ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• 

  ˗Dhɔ ˈwo˗ ˗zɔn kwa ꞊dhegblü ˗nu ˈwo ˗dho ˗kwɛ 2019 ˗bhɔkwëë ˈkpii˗ ˗ta ˈˈsɛ ˈˈwɛɛ ˈgü bhë ˗yö ˗kun ˗kɔ ˗kë ꞊dhɛ?

• 

  ˈMën ˗kë ˈö ˗kë do ˗sü waa ˗dhɔ ˈö Zoova ˗dhɔkëmɛn ˗nu ꞊zinŋ ˈgü ˗a ˗wɔn ˗yö mɛn ˗nu kun?

• 

  ˗Dhɔ ˈö kletiɛn ˗nu ꞊zinŋ ˈgü bhë, ˗a ˈˈpian ˗mɛɛn ˈö kwa ˈˈdhiʋ̈ʒiöwomɛn do ˗ya ˗wɔn ꞊blɛɛ?

• 

  ˗Dhɔ ˈö kletiɛn ˗nu ꞊zinŋ ˈgü ˗yö kwa ꞊dhegblü ˗nu ˈwo ˈˈDhüman waa Kodhe di Sidö ˗sɛ ˗nu ˈgü ˗an ˗takun ˗kɔ ˗kë ꞊dhɛ?

• ˗Mën ˈö˗ kë ˗sü ˗wɔn dua ˈdhö ˗mü kö ˗yö ga kwa ˈgü?