˗Kwa kwa ˗bha Biblö ꞊klaŋ ˗nu ˗takun kö ˗wo nu ˗bhɔkwëë ˗nu ˗ta

˗Zlanwokɔdhi ˗bha ˗bhɔkwëë ˗nu ˗wo ˗Zlan ˗dhɔkë ˗kɔ ꞊dede ˈˈpian ˈˈgbɩɩ˗ ˈbha ˈka. (Ps 22:22) Mɛn ˈˈpɛpɛ ˈö ˈwo ˗ya ˗dhɛ do ˈgü ˈö ˈwo Zoova ˗dhɔkë bhë, ˗wo zuʋ̈gblüdhi waa ˈwɔn ˗së ˗nu ˗slɔɔ. (Ps 65:4) Biblö ꞊klaŋ ˗nu ˗wa nu ˗bhɔkwëë ˗nu ˗ta ˈˈtʋ̈ŋ ꞊gban ˈka, ˗an ˗gɛn ˗dho ˈˈdhiʋ̈ ˈˈvaandhö ꞊shiöŋ.

Kwa ˗dho kwa ˗bha Biblö ꞊klaŋ ˗nu ˗takun ˗kɔ ˗kë ꞊dhɛ kö ˗wo nu ˗bhɔkwëë ˗nu ˗ta? ˗Kwa ˗an ˗dhɛ ˗an ˗ta ˈˈtʋ̈ŋ ꞊gban ˈka. ˗Kwa video ˗Mën ˈwo˗ ˗kë ˗Bhɔkwëëkëgükɔ ˗nu ˈgü? ˗zɔn ˗an ˗dhɛ. ˈWɔn ˗së ˈö ˗bhɔkwëë ˗nu ˗wa ˗kë kwa ˗dhɛ, ˗kwaa blɛɛˈˈ ˗an ˗dhɛ. (lff ˈwɔn ˗gɔ 10) ˈWɔn ˈbhaa ˈkwa˗ yö ˗bhɔkwëë ˗ta ɛɛnˈˈ ˈkwa dho ˗a draanˈˈ ˈˈdhiʋ̈, ˗kwaa ˗zɔn ˗an ˗dhɛ. ˈSëëdhɛ ˗nu ˈkwa ˗an ꞊draan, ˗kwa ˗an nu ˗an ˗dhɛ. ˗Kwa ˗an ˗takun ˗kɔ ꞊dede kë ˈpö. ˗An ˗bhawɔn ꞊mɔɔn˗ ˗bha ˈö yö ˗gɔ ꞊saa ˗bha. Kwa ˗bha Biblö ꞊klaŋ do ˗ya nu ˗bhɔkwëë ˗ta, kwa dho ˗a yö ꞊dhɛ ˈwɔn ˈˈpɛpɛ ˈkwa˗ ˗kë bhë ˈyaa ˈˈwɛɛwɛ.​—1Ko 14:24, 25.

˗BHÖ VIDEO ˗BHÖ Ü ˗BHA BIBLÖ ꞊KLAŊNËN ˗NU ˗TAKUN KÖ ˗WO NU ˗BHƆKWËË ˗NU ˗TA ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• 

  ˗Mën ˈö Nita ˗yö bɔ ˗ta ˈö ˈˈSënŋ ˗dhɛ ˗bhɔkwëë ˗ta?

• 

  ˈMën ˗kë ˈö kwa ˗bha Biblö ꞊klaŋ do ˗ya ˗ya nu ˗sü ˗bha ˗bhɔkwëë ˗nu ˗ta ˈyö kwa zuʋ̈ˈˈ ꞊nii ˗yö ˗da?

• 

  ˗Dhɛ ˈö ˈˈSënŋ ˗yö nu ˗bhɔkwëë ˗ta ˗blɛɛsüwo, ˗mën ˗wɔn ˈö ˗kë?