Wlüünën ˗nu ˗ka ka zuʋ̈ˈˈ ˈˈpʋ ka ˗mɛn ˗nu ˗dhɛ

ˈMën ˗kë ka dua ˈdhö ˗mü kö ˈka ka zuʋ̈ˈˈ ˈˈpʋ ka ˗mɛn ˗nu ˗dhɛ? (Pr 23:26) Ka dua ˗mü ˈyö ˗tɔ ꞊dhɛ Zoova ˗yö ö ˗kɔ ˗yɛ wo ꞊nën ˗an ˗bha kö ˗wo ˈˈdhiʋ̈sü ka ˈka, ˗wo wo ˗zokë ka ˈˈpiʋ̈. (Ps 127:3, 4) ˈWɔn ˗nu ˈwo ka ˗bha, ˈka˗ ꞊gban ˗bin ˗an ˗gɔ, ka ˗takun ˗sü ˗dho ꞊gbɔɔn ˗an ˗ta. ꞊Ya ˈgo mü ˈzü ˈkii ˈdho ꞊trɔɔn ˈsü ˈwɔn ˗nu ˈwo bɔ ˗an ˈgü wo ˗bha ˗tosɛta ˈgü, ˗an ˈgü. ˈWɔn ˈbha ˗nu ˗to ka zuʋ̈ˈˈ ˈˈpiʋ̈ ˗sü ˗yö ˈya˗ ˗ee? ˗Abin, ˗a ꞊gban ˈyaa ˈya˗. Pë ˈö ˈya˗, ˈyö ˗tɔ ˈˈkpɛnŋ˗ ˗kë ka ˗mɛn ˗nu ˗gɔ ˗sü.​—Pr 3:32.

ˈWɔn ˈö ka ˗bha ka ˗dho ˗a blɛɛˈˈ ka ˗mɛn ˗nu ˗dhɛ ˗kɔ ˗kë ꞊dhɛ? ˗Kaa blɛɛˈˈ ˈˈtʋ̈ŋ ˈö ˗dho kë ˗së mɛn ꞊gban ka ˗bhaa ˈka, ˗a ˈka. ꞊Ya kë ˈˈgbɩɩ˗, ka ꞊mɔɔn˗ ˗bha ˈka˗ ˗ya ˈsëëdhɛ ˗ta ˈka˗ nu ˗an ˗dhɛ. ˈWo˗ ˈˈpiʋ̈ kö ˗wo ˈwɔn ˈbha ˈö˗ ˗wɔn blɛɛˈˈ ˗sü ˗dhɔ ˈyaa ka ˗bha ˗a dɔ, ka ˗dho ˗a kë ꞊dhɛ? ˗Yö ˗së kö ˗yö kë ka ˈˈɲaan ꞊dhɛ ka ˗mɛn ˗nu ˗wa ˈˈpiʋ̈ ˈwo ka ˗takun. ˗Ka ˗an yö ꞊dhɛ ka ˈˈtɔŋdë ˗nu ˈdhö. ˈWaa ka ˈyɔɔ˗ ˗nu ˈka. Ka ˈgü ˈö ˈka dho ˗a dɔ ˈˈgbɩɩ˗ kö ˈka ka zuʋ̈ˈˈ ˈˈpʋ ka ˗mɛn ˗nu ˗dhɛ bhë ˗dho ka ˗takun ka ˗bha ˗tosɛta ˈgü, ˈö ka ˗takun ˗toëpö ˈka.​—Pr 4:10-12.

˗BHÖ VIDEO WLÜÜNËN ˗NU: A ˗DHO ˈWƆN BLƐƐˈˈ N ˗MƐN ˗NU ˗DHƐ ˗KƆ ˗KË ꞊DHƐ? ˗GA. ꞊YA ƝËN ˗BHÖ DHƐƐˈˈ ˗NU ˈWO YÖ ˗AN ˗YƆ BƆ:

• 

  ˗Mën ˈö Ɛstɛɛ waa Patrikö ˈwo˗ dɔ ˈö ˗gban wo ˗de ˗bha?

• 

  ˗Gleŋ ˗mɛɛn ˈka ꞊mɔɔn˗ ˗bha ˈka˗ sü Yesu ˗bha ˈwɔnzuan ˗bha?

• 

  Ka ˗mɛn ˗nu ˗wa ˗zɔn ˗kɔ ˗kë ꞊dhɛ ꞊dhɛ ˗an ˗zo ˗yö ka ˈˈpiʋ̈?

• 

  Biblö ˗bha ˈtɔŋ˗ ˗gɛngbandhɛ ˗mɛɛn ˗nu ˈwo dho ka ˗takun ˈwɔn ˗blɛɛ ka ˗mɛn ˗nu ˗dhɛ ˗sü ˗bha?