“˗Bhö i dë waa˗ i dhe ˗a ˗nu ꞊bhlëë ˗ya”

˗Dhɛ ˈö Yesu ˗yö nu ˈˈkpɔnŋ ꞊taa ˈtɔŋ˗ ˈö ˗kë: “˗Bhö i dë waa˗ i dhe ˗a ˗nu ꞊bhlëë ˗ya” ˈka bhë, ˗yö ˗gbɔɔn ˗a ˗ta. (Ex 20:12; Mt 15:4) ˗Yö ˗gbɔɔn ˗a ˗ta, ˈyö ˗tɔ ꞊dhɛ ˗dhɛ ˈö yö ꞊dede ˈö kun wlüünën ˈka, ‘˗yö ˗gun [ö mɛn] ˗nu ꞊bhlëë ˗ya sië ꞊dedewo.’ (Dk 2:51) ˗Dhɛ ˈö ˗kë ˈkpii˗ ˗yö ˈwɔn ꞊gban ˗kë kö mɛn ˗nu ˗wo wo ˗zokë ˗a dhe ˈˈpiʋ̈ ö ꞊taabha.—Zn 19:26, 27.

꞊Dɛɛ ˈpö wlüünën ˗nu ˈwo Kletiɛn ˈka, ˗wa ˈwɔn man ˗an ˗mɛn ˗nu ˗ta, ˗wa ˈwɔn blɛɛˈˈ ˗an ˗dhɛ ˗së ˈka, kö ˗wo ˗an ꞊bhlëë ˗ya. Kwa dë waa kwa dhe ꞊bhlëë ˗ya ˗sü ˈˈtʋ̈ŋ ˈyaa ʒiö. ˈKö kë ꞊dhɛ ꞊wa kë zii, kwa dua ˗mü kö ˈkwa ˗an ꞊bhlëë ˗ya ˗kpɛɛwo ˗dhioo ˗man ˗an ˗ta ˗sü ˈka. (Pr 23:22) Kwa ˗an ꞊bhlëë ˗ya ˈzü, ˗zoto ˗an ˈˈpiʋ̈ ˗sü ˈka. (1Ti 5:8) Kwa kë wlüünën ɛɛnˈˈ mɛn ˈkpii˗ ˗nu ˈka oo, ˈkwa ˗wɔn blɛɛˈˈ ˗së ˈka kwa kpɔmɛn ˗nu ˗dhɛ, ˈkwa˗ ˗zɔn ꞊dhɛ ˈkwa ˗an ꞊bhlëë ˗ya.

˗BHÖ LE TABLEAU S’ANIME COMMENT COMMUNIQUER AVEC MES PARENTS ? ˗GA KÖ ˈÜ DHƐƐˈˈ ˗NU ˈWO YÖ ˗AN ˗YƆ BƆ:

• ˈMën ˗kë ˈö ˗wɔn ꞊blɛɛ ü mɛn ˗nu ˗dhɛ ˗sü ˈyö ü ˗gɔ ˈˈgbɩɩ˗?

• ˈÜ ˗wɔn blɛɛˈˈ ˗ni ˈgü ü mɛn ˗nu ˗dhɛ, ü ˗dho ˗an ꞊bhlëë ˗ya ˗kɔ ˗kë ꞊dhɛ?

  

• ˈMën ˗kë ü ˗bha ˈgü dɔ ˈˈgbɩɩ˗ ˗sü kö ˈü ˗wɔn blɛɛˈˈ ˗an ˗dhɛ ˈdhö ˗së? (Pr 15:22)