KWA ˗BHA ˗KË KLETIƐN ˈKA ˗SÜ
˗Kwa ˗Zlan ˗bha ˈwɔn yö ˗kɔ ˗nu draanˈˈ
Kwa˗ ˈˈpiʋ̈ ˈkwa kë Zoova ˗dhɛ ˗së ˈwɔn ˈˈpɛpɛ ˈkwa dho ˗a ˗kë ˗an ˈgü. (Pr 27:11) ˈKwa˗ pö ˗yö kë ˈˈdhʋ̈, pë ˗nu ˈkwa ˗da ˗an ˗ʒian ˗ta bhë, ˗an dua ˗mü kö ˗wo ˗bɛ ˗Zlan ˗bha ˈwɔn yö ˗kɔ ˗nu ˗bha, ˈkö ˈtɔŋ˗ ˈˈpuu ˈbha ˈö dho ˈˈdhiʋ̈sü kwa ˈka ˈyaa ˈdhö. ˈMën dho kwa ˗takun ˗a kë ˈˈdhʋ̈ ˗sü ˗bha?
˗Kwa Biblö draanˈˈ yi ꞊gban ˈka. ˈKwa Biblö ˗wo pö ˗ni ˈgü, ˗yö ˗kë ꞊dhɛ ˈpë ˈkwa Zoova ˈˈpiʋ̈ ˗a ˈdhö. ˗Kɔ Zoova ˗yö ö ˗dhɔkëmɛn ˗nu kun ˗a ˈka ˈkwa˗ ˈsuan˗ bho, ꞊ya ˈgo mü ˈzü mɛn ˗nu ˈwo ˈwɔn ˗së ɛɛnˈˈ ˈwɔn yaa ˗kë ˗a wëëdhö ˈkwa ˗an ˗bha ˈwɔnzuan ˗ga, kwa ˗dho ꞊mɔɔn˗ ˗bha ˈkwa˗ ˗bha ˈwɔn yö ˗kɔ ˗nu dɔ. ˈKwa˗ pö ˈkwa ˗da ˈwɔn ˈbhaa ˗nu ˗ʒian ˗ta ˗Zlan ˗bha ˗zuu ˈˈslʋ̈ʋ̈slʋ̈ ꞊mɔɔn˗ ˗bha ˈö kwa ˗zobo ˗gleŋ ˗nu waa ˈtɔŋ˗ ˗gɛngbandhɛ ˗nu ˈkwa ˗an ꞊draan ˗Zlan ˗wo ˈgü bhë, ˗an ˈka.—Zn 14:26.
˗Kwa pë ˗nu ˈˈpiʋ̈ ˈpɔn. ˈKwa˗ pö ˈkwa ˗da ˈwɔn ˈbha ˗ʒian ˗ta, ˗kwa kwa ˗de dhɛɛˈˈ ˈkpɔ: ‹Biblö ˈˈɲan ɛɛnˈˈ ˗kwɛzlan ˗mɛɛn ˈö Biblö ˈgü ˈö ꞊mɔɔn˗ ˗bha kö ˗yö n ˗takun kö ˗kɔ ˈö Zoova ˈö ˈwɔn bhë˗ yö˗ ˈka ˈa˗ dɔ?› ˗Kwa bhɛɛˈˈ Zoova ˗dhɛ kö ˗yö kwa ˗takun. ꞊Ya ˈgo mü ˈzü ˗kwa bɔ pë ˗draan ˗a ˈka pë ˗nu ˈwo ˈdhö kwa ˗wo ˈgü ˗an ˗ta kö ˈkwa Biblö ˗bha ˈtɔŋ˗ ˗gɛngbandhɛ ˗nu ˈwo ꞊gban ˈwɔn ˈkwa˗ ˈgü ˗a ˗bha ˗an mɛɛnˈˈ kö ˈkwa ˗an ˗ya ꞊bhlëë ˈgü.—Ps 25:4.
˗BHÖ VIDEO KWA DUA -MÜ KÖ ‘ˈKWA -BIA ˈSÜ KWA -SƆBHƐƐ ˈKA’: -KWA -BHÖPË -SË -BHÖ ˗GA. ꞊YA ƝËN DHƐƐˈˈ ˗NU ˈWO YÖ ˗AN ˗YƆ BƆ:
ˈWɔn ˈˈgbɩɩ˗ ˗mɛɛn ˗nu ˈö kwa ꞊dhegblüdhenën ˈö kun video bhë˗ ˈgü ˈö bɔ ˗a ˈgü?
꞊Ya kë ꞊dhɛ ü bɔ ˗ni ˈgu ˈwɔn ˈˈgbɩɩ˗ suu ˈö ˈˈdhʋ̈ ˗a ˈgu, kwa ˗bha pë ˗draan ˗a ˈka pë ˗nu ˗dho ü ˗takun ˗kɔ ˗kë ꞊dhɛ?
ˈKwa kwa ˗bha ˈˈtʋ̈ŋ ˈsü ˈkwa ˈwɔn ˗nu ˈˈpiʋ̈ ˈpɔn, ˈkwa Biblö draanˈˈ kwa ˗de ˈˈpiʋ̈ kö ˗wo kwa ˗takun ˗da ˈwɔn ˗së ˗ʒian ˗ta ˗sü ˗bha, ˈwɔn ˗së ˗mɛɛn ˈkwa˗ ꞊slɔɔ ˗a ˈgü?—Eb 5:13, 14