Pë draansü ˈˈslö ˈbha ˗nu
˗Kwa «˗Zlanwo ˈˈtan ˗nu» draanˈˈ kö ˗wo ˈto ˈkwa ˈˈɲaan
Lorɛnö ˈö Zeta zuni, ˗ya ˗pö: «N zuʋ̈ˈˈ ˈˈdhiʋ̈ ˗yö ˈˈtɛ ˗ni ˈgü ꞊dedewo, Zoova ˗yö ˗bɔ kwa ˗bha ˈˈtan ˗nu ˈwo Tele ˈö JW ˗ta bhë ˗an ˗ta, ˈö n ꞊faanmën.»
Kletiɛn ˗nu ˗wo «˗zlanwo ˈˈtan ˗nu» ˗bho ˈˈtʋ̈ŋ ꞊gban ˈka kö ˈwo ˈˈwɩ ˗Zlan ˈˈpiʋ̈. (Kodh. 3:16) ˈKö ˗kë ꞊dhɛ ˈˈtan ˈsëëdhɛ ˗be ɛɛnˈˈ parɛ ˈyaa kwa ˗gɔ, ˈkwa ˈˈtan ˗nu ˈwo bhë ˗an dɔ ˗së ˈka, kwa ꞊mɔɔn˗ ˗bha ˈkwa ˗an bho. ˈˈSlö ˗nu ˈwo yö ˈkwa ˗an kë, ˗wo ˗dho ˈto kwa ˈˈɲaan.
ˈˈTan ˗nu ˈwo ˗ya ˗sü ˈka bhë, ˗kwa ˗an ˗wo pö kö ˈkwa ˗an ˈgüman. ˈKwa pë ˈbha ˈgüman ˗së ˈka, ˈkwa ˗zo ˗to ˗a ˈˈpiʋ̈. Kwa ˗bha video ˈˈtan ˗nu ˗wo ˗bɛnzë ˗sü ˈka jw.org ˗ta. ˈKwa kë ˈsëëdhɛ ˗lo ˗dhɛ ˈˈpian ˗ta, ˗kwa ˈdho ˈˈTan ˈgü.
˗Kwa kwa ˗bha ˈˈtan ˗nu ˗ya ˈsëëdhɛ ˗ta. ˈYaa za ˈgü ꞊dhɛ ˈkwa˗ kë ˈˈdhʋ̈, ˗yö ˗dho kwa ˗takun ˈö ˈwo to kwa ˈˈɲaan.—Deut. 17:18.
˗Kwa ˗an draanˈˈ kwa ˗wo ˗ta. ˗Kwa ˗an ˗wo pö ɛɛnˈˈ ˗an bho kwa ˗wo ˗ta ˗gɛnɲan ˈka ꞊va.
˗Kwa ˗an bho kwa ˗de ˈˈpiʋ̈ kö ˗ya kë ꞊dhɛ ˗wo ˗to kwa ˈˈɲaan, ˈkwa˗ ˈwɔn dɔ. ˗Kwa kwa ˈˈɲan bho ˗an ˈˈpiʋ̈ kö ˈkwa ˗an bho. ˈKwa kwa bho, ˗kwa ˗an ˗ga.