˗Kwa pë draanˈˈ kö ˈkwa mɛn ˈˈwɛɛ ˗nu ˗takun ˈpö

Kwa ˗bha Biblö draansü ˗yö ˈwɔn ˗së ˗kë kwa ˗dhɛ ꞊dedewo. ˈˈKɛɛ kö ˈkwa˗ ˗zɔn mɛn ˈˈwɛɛ ˗nu ˗dhɛ, kwa ˈwɔn ˗së ꞊va ꞊slɔɔ ˗a ˈgü ˈzü. Proverbes 11:25 ˗ya ˗pö: «Mɛn ˈö ˈˈyi nu mɛn ˗nu ˗dhɛ kö ˗wa mü bhë, ˗yö ˗dho ˈˈyi nu ö ˗de ˗dhɛ ˈpö.»

Pë ˈbhaa ˈkwa˗ ꞊draan ˗a ˈˈdoo ˗dɔ mɛn ˗nu ˈˈpiʋ̈ ˗sü ˗yö kwa ˗takun ˈö˗ ˈwɔn ga ga ˗nu ˗wo to kwa ˈˈɲaan, ˈkwa˗ ˈgüman ˗së ˈka. ˈKwa˗ yö ˈzü ꞊dhɛ mɛn ˗nu ˈwo ˈˈdhʋ̈ ˗wo ˈwɔn ˗së ꞊slɔɔ ˗a ˈgü, ˗a ˗blɛɛ ˗an ˗dhɛ ˗sü ˗yö kwa zuʋ̈ˈˈ ˈˈgblü ˗dhi.—Këw. 20:35.

ˈˈSlö do ˈö yö, ˗kwaa kë: ˈˈDhoogɔ ˈö nu ˗ni ˈgü yö, ˗kwaa ˈˈslö mɛɛnˈˈ kö ˈpë ˈkwa˗ ꞊draan bhë ˈkwa˗ ˗ta ˈˈdoo dɔ mɛn ˈbhaa ˈˈpiʋ̈. ˗Yö ꞊mɔɔn˗ ˗bha ˈö ˗kë kwa ˗bha ˈkɔdhigümɛn, ˗zlanwokɔdhigümɛn, kwa yökëyoo, kwa ˈˈtɛɛdo ˈö ꞊klaŋplöö, kwa ˗yayoo ɛɛnˈˈ mɛn ˈbhaa ˈö ˈkwa˗ yö ˗zlanwopödhɛ ˈgü ˗a ˈka. ˗Kwa dhiaŋ zë ˗a ˗dhɛ ˈˈpuu ˈka kwa ˗de ˗bha ˈwɔn blɛɛˈˈ ˗kɔ ˈgü.

˗Zoto ˗a ˈˈpiʋ̈ ˗wɔn: ˈPë ˈkwa˗ ꞊draan bhë, ˗kwaa ˈsü kö ˈkwa mɛn ˗nu ꞊faanmën ˗a ˈka. ˈˈKɛɛ ˈkwa ˗dho ˗a kë kö ˗an ˈˈɲan ˗yö bɔ kwa ˗ta.—1 Ko. 8:1.