Yesu ˗yö ˗Zlan ˗dhɔkëgükɔ ˗kë ˈˈslʋ̈ʋ̈slʋ̈

ˈDhɛ ˈkwa dɔ blɛɛyi ˈka, ˗kwɛ 30 ˈgü, Yesu ˗yö ˗dho Zedhizadhɛmö. ˗A ˈˈtʋ̈ŋ bhë˗ ˈka, kö mɛn ꞊vadhɛ ˗wa nu Pakö ˈwlaan˗ kë mü. ˗Wo ˗nu ˗tuëë ˗nu ˈka kö ˈwo ˈˈsaa˗ bho ˗an ˈka ˗Zlan ˗dhɔkëgükɔ ˈgü. Mɛn ˈbha ˗nu ˗wo nu ˗tuëë ꞊va ꞊dede ˈka, ˈyö˗ mɛn ˈbha ˗nu ˗wo wo ˗bha ˗tuëë ˗nu dhɔ Zedhizadhɛmö.

˗Dhɛ ˈö Yesu ˗yö ˗wo ˗Zlan ˗dhɔkëgükɔ ˈgü, ˗yö ˗kpan mɛn ˗nu ˗bha kö ˗wo ˗tuëë ˗nu ˈˈdhoodɔ ˗ni ˈgü ˗Zlan ˗dhɔkëdhɛ ˈgü. ˈMën Yesu ˗dho ˗a ˗kë? ˗Yö ˗klaaga ˗yökë bhuʋ̈ga ˈka, ˈö ˈˈbhlaa waa ˗tuëë ˗nu ˗kë kö ˗wo ˈgo ˗Zlan ˗dhɔkëdhɛ ˈö bhë ˗a ˈgü. ˗Yö ˈˈdhoodɔmɛn ˗nu ˗bha tablö waa ˗an ˗bha ˈwëëga ˗nu ˗wɛnŋ ˈˈshia˗. ˈYö˗ pö ˗toŋ ˈˈdhoodɔmɛn ˗nu ˗dhɛ: ‹Pë ˗nu ˈwo yö ˗ka ˗an bho ˈyö! ˈKaa ˗dho n Dë ˗bha ˈkɔ kë ˈˈdhoodɔdhɛ ˈka.›

Pë ˗nu ˈö Yesu kun ˗an kë ˗ni ˈgü ˗Zlan ˗dhɔkëgükɔ ˈgü bhë, ˗a ˈwɔn ˗yö mɛn ˗nu ˗kun. ˗A ˗bha gwëëˈˈ ˗nu ˗zo ˗yö ˗bo ˈpë ˗Zlan ˗Wo ˗ya to ˈˈdhiʋ̈ ˈö˗ pö Mesi ˗bha bhë ˗a ˈka. ˗Ya ˗pö: ‹Ü ˗bha ˈkɔ ˗dhɔ ˈö n ˈgü ˗yö ˗dho kë ꞊dhɛ ˈˈshiʋ̈ ˈö n ˈgü ˗a ˈdhö.›

꞊Taabha, ˗kwɛ 33 ˈka, ˈyö Yesu ˗yö ˗Zlan ˗dhɔkëgükɔ ˗kë ˈˈslʋ̈ʋ̈slʋ̈ ˈzü. ˈYaa kun ˗a ˈˈpiʋ̈ kö mɛn ˈbha ˗yö ˗Zlan ˗dhɔkëgükɔ ꞊bhlëë ꞊shiö.