Zɔbö ˗to kpɛnŋdhö ˈwɔn ˈˈgbɩɩ˗ ˈgü

ˈˈTʋ̈ŋ ˈö Izraɛdhömɛn ˗nu ˈwo gun˗ ˈka ˈˈgan ˈgü Ezitö ˈˈsɛ ˈgü bhë, Zɔbö ˗gun Utsö. ˈYaa gun Izraɛdhö mi ˈka, ˈˈkɛɛ ˗yö ˗gun Zoova ˗dhɔkëmɛn kpɛnŋdhö do ˈka. ˗A ˗bha ˈkɔɔmɛn ˗nu ˗gun ꞊va. Nɔɔn ꞊va ˗gun ˗a ˗gɔ. ˈYö mɛn ˗nu ˗wa ꞊bhlëë ˗ya ö ˗gɔ ˈˈsɛ ˈgü. Zɔbö ˗gun ˗dhioodɔmɛntamɛn ˈkpii˗ do waa ˗zakanmɛn ˗tiaandhö ˈka. ꞊Ya ˈgo mü ˈzü, ˗a ˈˈgblü ˗gun ˗së ˈˈflɛɛmɛn ˗nu waa ˗wëëmɛn ˗nu ˈka. Zɔbö ˗gun mɛn kpɛnŋdhö ꞊dede ˈka.

Zɔbö ˗ya ˗zɔn ˈˈpuu ˈka ꞊dhɛ Zoova ˈnën ˗tɔ mɛn ˈö˗ ˗wɔn ˈdhö ˈˈgbɩɩ˗ ö ˗bha ˗tosɛta ˈgü

1:8-11, 22; 2:2-5

• Sɔtraan ˗ya ˈwɔn ˗dɔ ꞊dhɛ Zɔbö ˗yö kpɛnŋdhö. ˈYii˗ pö ꞊dhɛ ˈyaa ˈwɔn man ˗Zlan ˗ta. Pë ˈö˗ pö ˈyö ˗tɔ Zɔbö ˗yö ˗Zlan ˗dhɔkë ꞊trɔɔn ˗bha.

• Sɔtraan ˗ya pö Zɔbö ˗yö Zoova ˗dhɔkë ˈdhuëë˗ ˈö Zoova ˗ya ˈkpɔ ˗bha bhë, ˈnën ˗wɔn ˈgü.

• Zoova ˗yö ˈö ꞊kwaa˗ Sɔtraan ˗zü kö ˗yö Zɔbö ˈgüdan, kë ˈˈdhʋ̈ kö pë ˈö Sɔtraan ˗ya pö bhë, ˗ya ˗yɔ bɔ. Sɔtraan ˗yö Zɔbö ˗bha ˗tosɛta ˈshiö˗.

• ˗Dhɛ ˈö Zɔbö to kpɛnŋdhö, Sɔtraan ˗ya ˗pö mɛnbhɩɩdhe ꞊gban ˈˈpɛpɛ ˗Zlan ˗dhɔkë ꞊trɔɔn ˗bha.

• Zɔbö ˈyii ˈˈdhaŋ bho ˗Zlan ˗bha, ɛɛnˈˈ ˈyii ˈwɔn yaa ˗ya ˗a ˗bha.