ZANNOO 10

Wala Hoŋ Na Toɔ̃ E Baŋ A Yelmeŋɛ Puoruu?

1. Yelmeŋɛ puoruu bonyeni yoŋ la bebe bee?

Yezu la wulo noba — “Yɛ taa yɛ menne velaa ne a zirii daŋyelba yɛlɛ.”—MATIO 7:15.

Puoruu bonyeni yoŋ yɛlɛ ka Yezu da wuli o potuuribo na. Ana puoruu na la a yelmeŋɛ puoruu. A yelmeŋɛ puoruu ŋa waa ŋa sori naŋ gɛrɛ nyɔvore naŋ ba taa baaraa poɔ. Yezu yeleeŋ ka: ‘Noba fẽẽ la tuuro’ a sori ŋa. (Matio 7:14) Noba naŋ de a Baabole poɔ yelmenne tonɔ neŋ toma puoruu la ka Naaŋmen maŋ sagede. Yelmeŋɛ puorebiiri zaa maŋ taaɛ sagediibu bonyeni.—Kanne Gyɔɔn 4:23, 24; 14:6; Efesu 4:4, 5.

Kaa a vidio, Puoruu Zaa Booree Ka Naaŋmen Sage Bee?

2. Bo yɛlɛ ka Yezu yeli kyaare zirii Kristabiiri?

Ŋmenpuore wedeɛrɛ kaŋa la yele yɛlɛ misa kaŋa poɔŋ. A puoriŋ o korɛɛ sogyare mine naŋ gɛrɛ zɔɔre maaloo. — “Ba maŋ yeli ka ba baŋ la Naaŋmen kyɛ ka ba yel-eree wuli ka ba zagra la Naaŋmen.”—TIITU 1:16.

Yezu da kpãã teŋ ka zirii daŋyelba na sãã la Krista puoruu. Yɛlɛ na baŋ maŋ erɛ yeŋeŋ na maŋ vɛŋeŋ aŋ waa ŋa bana la a yelmeŋɛ Kristabiiri. Ba misare na noba maŋ yeliŋ ka ba eɛ Kristabiiri. Kyɛ ba yel-eree maŋ vɛŋeŋ teŋ baŋ lɛ na baŋ sereŋ waa meŋɛmeŋɛ. Sobuoŋ? Yelmeŋɛ puoruu yoŋ la maŋ vɛŋ ka yelmeŋɛ Kristabiiri taa gyogri naŋ e a yoŋ, ka ba yel-eree meŋ e a yoŋ.—Kanne Matio 7:13-23.

3. Wala hoŋ na toɔ̃ e baŋ yelmeŋɛ Kristabiiri?

Yɛ vɛŋ ka te nyɛ yɛlɛ anuu mine naŋ na toɔ̃ soŋ te ka te baŋ yelmeŋɛ Kristabiiri:

Yelmeŋɛ Kristabiiri maŋ taaɛ gyeremɛ naŋ e zuluŋ ko a Baabole naŋ e Naaŋmen Yelbiri na. Ba maŋ moɔrɔŋ ka ba de a Baabole sowuli tonɔ neŋ toma. Azuŋ, yelmeŋɛ puoruu neŋ puoruu naŋ are nensaaleba teɛroŋ zuŋ ba yitaa. (Matio 15:7-9) Yelmeŋɛ puorebiiri maŋ de la yɛlɛ na baŋ wulo noba na meŋ tonɔ neŋ toma. —Kanne Gyɔɔn 17:17; 2 Timoti 3:16, 17.

Kristabie kaŋa la terɛ yelyaga. A puoriŋ, o yi la yeŋe a te moɔlɔ Naaŋmen Naaloŋ na yɛlɛ korɔ noba, o de la sommo te korɔ noba mine naŋ tuoro sããmmo bɛrɛ, o sonnɛɛ neŋnyaane meŋ.

Yezu yelmeŋɛ potuuribo maŋ de la Naaŋmen yuori Jehoova na tegroŋ yaga zaa. Yezu da taaɛ gyeremɛ naŋ e zuluŋ ko Naaŋmen yuori na, azuŋ o da maŋ vɛŋeŋ ka noba baŋ a yuori. O da maŋ soŋɛɛ noba baŋ baŋ Naaŋmen, a lɛ wuli ba meŋ ka ba maŋ puoro sɔrɔ ka Naaŋmen yuori na pɛgeyi. (Matio 6:9) A yi zie na hoŋ be na poɔŋ, puoruu buo soba la maŋ vɛŋ ka noba baŋ Naaŋmen yuori na?—Kanne Gyɔɔn 17:26; Urom 10:13, 14.
Yelmeŋɛ Kristabiiri maŋ moɔlɛɛ Naaŋmen Naaloŋ duorisoŋ na yɛlɛ korɔ noba. Naaŋmen toŋɛɛ Yezu ka o wa moɔle a duorisoŋ naŋ kyaare Naaŋmen Naaloŋ na. Naaŋmen Naaloŋ na yoŋ la na baŋ iri nensaaleba yelwonii zaa bare. Yezu da moɔlɛɛ a duorisoŋ ŋa yɛlɛ lɛɛŋ a te ta bebiri na oŋ kpi na. (Luka 4:43; 8:1; 23:42, 43) O da yeleeŋ ka o potuuribo na meŋ na moɔlɛɛ a duorisoŋ ŋa. Ka neɛ kaŋaŋ wa ho zie a wa manna Naaŋmen Naaloŋ na yɛlɛ korɔ bo, puoruu buo soba la hoŋ teɛre ka o soba be la o poɔŋ?—Kanne Matio 24:14.
Yezu potuuribo ba derɛ ba menne eŋnɛ a donfaa ŋa yeltaree poɔŋ. Ho na toɔ̃ baŋɛɛ a noba ŋa bonso ba ba derɛ ba menne eŋnɛ a donɛɛ nadi yɛlɛ ane ba zɔɔre yɛlɛ poɔŋ. (Gyɔɔn 17:16; 18:36) Ane meŋ, ba ba tɔglɔ gyog-faare ane yelfaare na noba naŋ be a donɛɛ naŋ maŋ erɛ na.—Kanne Gyimisi 4:4.
Yelmeŋɛ Kristabiiri maŋ taaɛ nɔmmo naŋ e zuluŋ ko taa. Naaŋmen Yelbiri na maŋ wulo teŋ ka te taa gyeremɛ ko nemboorɔ zaa. Zirii puoruu noba maŋ de la ba nuuri eŋ zɔɔre naŋ be paalonne kpakyagaŋ, kyɛ yelmeŋɛ puorebiiri yɛŋ maŋ zagreŋ ka ba e lɛ. (Maika 4:1-3) Yelmeŋɛ Kristabiiri maŋ de la ba wagre ane ba bontaree sonnɔ neŋ taa, a lɛ eŋnɛ taa faŋa meŋ.—Kanne Gyɔɔn 13:34, 35; 1 Gyɔɔn 4:20.

4. Ho na toɔ̃ baŋɛɛ a yelmeŋɛ puoruu bee?

Puoruu buo soba la maŋ de ba wuluu zaa are neŋ Naaŋmen Yelbiri na eŋɛŋ, a de Naaŋmen yuori na tegroŋ, a lɛ moɔlɔ ka Naaŋmen Naaloŋ na yoŋ la na baŋ iri nensaaleba yelwonii zaa bare? Puoruu buo soba noba la maŋ wulo taa nɔmmo, a lɛ tage ba menne yi zɔɔre yɛlɛ zaa poɔŋ meŋ? Wala hoŋ teɛre?—Kanne 1 Gyɔɔn 3:10-12.

Ka hooŋ boɔrɔ ka ho zanne yɛlɛ yaga poɔ kanne a gane ŋa, What Does the Bible Really Teach? o zuri 15. (O be la Nansaalee ane Twi kɔkɔɛ poɔŋ.)