De Yelsaamma Tonɔ Neŋ Toma A Naaŋ Moɔloo Poɔŋ

Yezu da maŋ de la yelsaamma tonɔ neŋ toma a naaŋ moɔloo poɔŋ. (Lk 13:1-5) Ho meŋ na baŋ deɛ yelsaamma soŋ noba ka lɛ vɛŋ ka ba boɔrɔ ka ba kyɛlle woŋ a Naaloŋ duoro. Ka hooŋ wa manne lɛ zie naŋ e kpeɛŋaa a seŋ, saammo bɛrɛ yɛlɛ, zɔɔbilii yɛlɛ, tẽẽfaare nyuubu yɛlɛ bee yelzaala kaŋa yɛlɛ baare, ho na baŋ soorɛɛ o soba soorebiri naŋ na vɛŋ ka o teɛre a yɛlɛ gaa tɔɔre. Ho na baŋ soorooŋ ka: “Ho teɛre ka . . . daŋ na baareŋ zaa?” bee “Ho teɛre ka, boŋ na toɔ̃ soŋ ka . . . koŋ lɛ bebe?” A lɛ puoreŋ, ho na toɔ̃ kannɛɛ Baabole sɛgre kaŋa naŋ kyaare a yɛlɛ ko o. Ka o soba poɔŋ pɛle neŋ a yɛlɛ, ho na toɔ̃ iree vidio bee a de gane kaŋa naŋ be te Wulibo Tontoŋ Boma Daga na poɔŋ ko o soba. Saŋa na teŋ mɔɔrɔ ka te moɔle a duoro ka a tɔ noba naŋ be te gbandige na poɔŋ sukyie na, te na “erɛ la ama zaa a ŋmen-yelnoore zuiŋ.”​—1Ko 9:22, 23.

Bo yɛlɛ la maŋ pɛlɛ noba poɔ ho gbandige na poɔŋ?