Ho Maŋ Boɔrɛɛ Sieree Naŋ Wuli Ka Naaŋmen Iree Ho Puoro Noɔre Bee?

Ka hooŋ kaa a Baabole poɔŋ, ho na nyɛɛ lɛ noba mine naŋ da puore, ka Jehoova iri ba puoro na nɔɛ ko ba. Saŋa na Naaŋmen puorebiiri naŋ da maŋ nyɛ lɛ Jehoova naŋ maŋ kyɛlle woŋ ba kaŋa zaa yelfɛree yɛlɛ, a kyɛ lɛ soŋ ba na, a maŋ vɛmeŋ ka ba sagediibu maaleŋ e kpeɛŋaa yaga zaa. Azuŋ, ka teneeŋ wa puoro aseŋ ka te maŋ yel yɛlɛ na meŋɛ te naŋ boɔrɔ a ko Jehoova, a kyɛ pãã kaara boɔrɔ sori oŋ na tu kyɛ iri a puoro noɔre ko te. Kyɛ, aseŋ ka te baŋ ka saŋa kaŋa o koŋ iri a puoro noɔre aŋa lɛ te na sɔroo ka o e na, kyɛbee o na baŋ iree a puoro noɔre ko te a gaŋ lɛ na teŋ sɔre na gba. (2Ko 12:7-9; Ef 3:20) Sobobo ka Jehoova na baŋ tu kyɛ iri te puoro na nɔɛ ko te?

• O na baŋ ko teŋ eŋgannoŋ faŋa, sukyirimaaroŋ, ane sagediibu naŋ na toɔ̃ soŋ te ka te are te yelkpeɛne noɔreŋ.​—Fi 4:13

• O na baŋ ko teŋ yɛŋ ka te de gbɛ-sonne.​—Gyi 1:5

• O na baŋ ko teŋ a boɔbo neŋ a faŋa ka te e yelkaŋa.​—Fi 2:13

• Ka yɛlɛŋ wa dɔnnɔ te, o na baŋ ko teŋ sukyirimaaroŋ.​—Fi 4:6, 7

• O na baŋ vɛmeŋ ka noba mine soŋ te, bee a eŋ te faŋa.​—1Gyn 3:17, 18

• O na baŋ soŋɛɛ noba na teŋ puoro korɔ na.—Tm 12:5, 11

KAA A VIDIO ŊA, JEHOOVA EƐ NEƐ NAŊ “WONO PUORO,” KYƐ PÃÃ IRI A SOOREBIE ŊA NƆƐ:

• Sobuo ka te Yɔɔdɔɔ Shimizu yɛlɛ ŋa na toɔ̃ eŋ te faŋa saŋa na teŋ ba lɛ toɔ̃nɔ erɛ yɛlɛ aŋa lɛ te naŋ boɔrɔ na?

• Wala teŋ meŋ na toɔ̃ e a tɔglɔ te Yɔɔdɔɔ Shimizu ewuli soŋ na?