Yɛlɛ Naŋ Na Baŋ Soŋ Bo Ho Zannoo Poɔŋ
Moɔ̃ Niŋe Zanne Te Puoruu “Yiele” Na Yieloo Soŋ
“Ka N eŋɛŋ wa kyoɔre yaga zaa, Jehoova maŋ eŋ maŋ faŋa a tuuro a yiele naŋ be JW Broadcasting® zuŋ na.”—Lorraine, U.S.A.
Te maŋ yielee te puoruu yiele na meŋ a pugiro Jehoova aŋa Kristabiiri. (Kol. 3:16) Ka teneeŋ moɔ̃ nimiri zanne ana yiele ŋa soŋ, a naŋ baŋ soŋ teŋ saŋa na gba teŋ ba taa te yiele gane bee te fone bee tablɛt a na de kaara kyɛ yiele na. Ho na baŋ de la a yɛlɛ ŋa mine toŋ toma ka a toɔ̃ soŋ bo ka ho zanne a yiele yieloo soŋ.
Kanne a yiele yelbie a baŋ a pare soŋ. Ka hooŋ baŋ bonkaŋa pare soŋ, a na eɛ mɔlɔ ka ho leɛteɛre a yelbalaa. Ka hooŋ gaa jw.org, ho na nyɛ la te yiele na zaa yelbie beŋ, ka te yiele yobo ane te bibiiri yiele na meŋ poɔ. Ka hooŋ gaa Boma Binzie, a gaa Yiele ho na nyaaŋ be.
De ho nu sɛge a yiele yelbie biŋ. Lɛ na maaleŋ soŋ boŋ yaga zaa ka a e mɔlɔ ka ho toɔ̃ teɛraa.—Dut. 17:18.
Kyeɛrɛ a yiele ka a yire. Maŋ kanna bee a yiele a yiele ka a yire gbɛɛ yaga.
Mɔɔ nyɛ ka ho na baŋ teɛreŋ bee. Mɔɔ nyɛ ka ho na baŋ teɛrɛɛ a yelbie ka ho ba kaa a yiele gane poɔ bee, a pãã kaa nyɛ lɛ hoŋ mɔɔ seŋ.