KYƐLEE 5
A Noowa Kompaaloŋ na—Nimboboŋ Kyɛlle Woŋ? Nimboboŋ Zagre?
Noba naŋ da bebe Noowa saŋa ne yaga zie zaa da maŋ tona la toŋ faare. Munpiilee 6:5
Adama ne Hawaa dɔge la biiri, ka noba da e yaga a teŋɛ zu. Saŋa kaŋa, malkiri mine te tu la Setaana puoriŋ, baŋ zagre Naaŋmen.
A malkiri leɛ la ba minne nensaaleba ka ba na toɔ̃ bɔ pɔgeba a teŋɛ zuŋ. A pɔgeba da dɔge la biiri naŋ da e gandaare a taa faŋa, ka ba yɛlɛ taa dabeɛŋ yaga.
Neŋfaare da e la yaga a teŋɛ zu zaa. A Baabole yɛlɛɛŋ ka: “Ninsaalaa beulung iye kpong teng-gbaning, ka u sikiri tieha leebu jaa da mang i beu yong a gara.”
Noowa da kyɛlle woŋ la Naaŋmen noɔre kyɛ kpaare a daga. Munpiilee 6:13, 14, 18, 19, 22
Noowa da e la neŋsoŋ. Jehoova da yelko la Noowa ka, o na de la kompaaloŋ kpɛŋ wa sãã a neŋfaare zaa.
Naaŋmen yelko la Noowa ka o maale maŋgbori kpɛŋ kaŋa banaŋ boɔlɔ daga. O da lɛ yelkooŋ ka o de o yideme ane donne zaa boorɔ kpɛ ne a daga poɔ.
Noowa da kpãã la noba a Kompaaloŋ ŋa naŋ da waana yɛlɛ, kyɛ ba da ba kyɛllɛ wono. Ba mine da maŋ laarooŋ; ka ba mine meŋ da ba nɔnɔ o yɛlɛ togitogi.
Noowa naŋ da wa kpaare a daga baare na, o da de la a donne kpɛ neŋ.