Boŋ Gane La A Baabole?
Fo na yeli ka . . .
nensaaleba teɛroŋ gane la?
saadayeli gane la?
Naaŋmen Yelbiri la?
LƐ A BAABOLE NAŊ YELI
“A Sɛgre zaa tu la Naaŋmen vooroŋ soŋ kyɛ wa.”—2 Tiimoti 3:16, New World Translation.
TƆNƆ FO NAŊ NA TOƆ̃ NYƐ
A maŋ wuli la te zemmo poɔ yelkpeɛne muni velaa.—Yeng Yelibie 2:1-5.
A maŋ soŋ te la ka te zemmo soma.—Yieme 119:105.
Te maŋ taa la teɛretɔ a ko te nendaare kaŋ.—Rom 15:4.
LƐ NA A BAABOLE NAŊ YELI E LA YELMEŊA?
Yelmeŋa la, yɛlɛ ata ŋa zuiŋ:
Yelzu bon-yeni naŋ e nɔmaa. Noba 40 de la yuomo 1,600 ane dɔgla sɛge ne a Baabole. Ba yaga zie zaa da ba baŋ taa. Kyɛ ba sɛgre na zaa yeli la yelyeni, a taa yelzu bon-yeni!
Teŋkoreŋ yelmenne. Noba mine naŋ maŋ sɛge teŋkoreŋ yɛlɛ a kyaare ba paaloŋ, maŋ sɛge la ba noba yelsonne yoŋ kyɛ ŋmaa ba yelfaare bare. Kyɛ a Baabole segreba de la yelmeŋloŋ a sɛge ba menne ane ba paaloŋ deme yelsonne ane ba yelfaare zaa.—2 Tungkori 36:15, 16; Yieme 51:1-4.
Danyɛlbo naŋ tori. A Baabole da yelbiŋ ka, ba na sãã la teŋkoreŋ Baabiloŋ Yuomo 200 mine sɛre kyɛ ka a saammo da wa. (Aizeeya 13:17-22) Sori ba naŋ na tu kyɛ saa Baabiloŋ yoŋ naaŋ ka o da wuli, kyɛ o da pore la neɛ naŋ na saammo na yuori!—Aizeeya 45:1-3.
Yɛlɛ yaga a Baabole naŋ da yelbiŋ zaaŋ da wa. Lɛ naane ka gane naŋ yi Naaŋmen zie seŋ ka o waa?—2 Piiter 1:21.
LEƐ TEƐRE NYƐ
Wala ka a Baabole na toɔ̃ leɛre fo zemmo ka o soma?
A Baabole iri la a noɔre aŋ be AIZEEYA 48:17, 18 ane 2 TIIMOTI 3:16, 17.