Boŋ Na Vɛŋ Ka Fo Yideme Taa Popeɛloŋ?

LƐ A BAABOLE NAŊ YELI

‘Zunoɔ̃ deme la bana naŋ woŋ a Naaŋmen yelbiri a de taa bee a de tona toma.’​—Luka 11:28, Luka Song Ngmen-Yelnoore.

MAALOO FO NAŊ NA TOƆ̃ NYƐ

Fo na nyɛ la nɔmmo meŋameŋa.​—Eefesus 5:28, 29.

Gyeremɛ na be la a yideme poɔŋ.​—Eefesus 5:33.

A yideme na taa la emmaaroŋ.​—Maaki 10:6-9.

LƐ NA A BAABOLE NAŊ YELI E LA YELMEŊA?

Yelmeŋa la, yɛlɛ ayi ŋa zuiŋ:

• Naaŋmen la Piili a booree. A Baabole yeli ka Jehoova Naaŋmen “seng la ka buurii jaa . . . nye u yuori.” (Eefesus 3:14, 15) Lɛ wuli ka Jehoova la maale booree zaa. Bozuiŋ aŋ seŋ ka te baŋ lɛ?

  Teɛre nyɛ: Ka foŋ dire bondinoɔ̃ mine a boɔra ka fo baŋ boŋ na ba naŋ de maale naa, aŋ seŋ ka fo soore? Nokpeɛne kyebe ka fo na soore la neɛ na naŋ maale a bondiri na.

  Lɛ zuiŋ, ka te naŋ boɔra ka te zemmo poɔ yɛlɛ noma, aseŋ ka te peɛre yi Jehoova zieŋ, O na la Piili a booree yɛlɛ.​—Munpiilee 2:18-24.

• Naaŋmen teɛrɛ la fo yɛlɛ. Yɛŋ bebeŋ ka booree zaa maŋ kyɛllɛ wono Jehoova yɛlɛ naŋ be a Baabole poɔŋ. Ananso la wala? “Bojung u kaariye ye jieng.” (1 Piiter 5:6, 7) Jehoova de la o poɔ zaa nɔnɔ ne te​—ka o wulibo taa tɔnɔ wagre zaa!​—Yeng Yelibie 3:5, 6; Aizeeya 48:17, 18.