Wala Ka Jehoova Waa?

Ho teɛroŋ poɔŋ, nembo tɔ la Jehoova Naaŋmen? Ho teɛre ka o eɛ tegroŋ yaga a be tɔɔre zaa ka te ne o koŋ toɔ̃ taa niiloŋ zaa bee? Kyɛbee ho teɛre ka o eɛ faŋa daana kaŋa naŋ ba taa gyog-soŋ zaa bee? Wala ka Jehoova waa meŋɛmeŋɛ? A Baabole wuli teŋ gyogri Naaŋmen naŋ taa, a lɛ wuli ka o taa la ho yɛlɛŋ.

1. Bonso teŋ koŋ toɔ̃ nyɛ Naaŋmen?

“Naaŋmen waa la Vooroŋ.” (Gyɔɔn 4:​24) Jehoova ba taa eŋgane aŋa tenee nensaaleba. O be la sazuŋ te koŋ baŋ de te nimie nyɛ O, te koŋ toɔ̃ nyɛ o kpɛzie na meŋ.

2. Jehoova gyogri na mine la bobo?

Te koŋ toɔ̃ nyɛ Jehoova, kyɛ ka te naŋ wa baŋoo, te maŋ nɔmooŋ bonso o taa la gyog-sonne. A Baabole yelka: “Jehoova nɔŋ la neɛ naŋ tori. O koŋ zagre o limaniyɛ bee yelmeŋɛ deme bare.” (Yieme 37:​28) Agaŋaazaa O taa la “nyonono ane . . . nembaalonzoe,” a ko noba naŋ dire dɔgɛɛ. (Gyimisi 5:​11) “Jehoova peɛlɛɛ bana na sukyie naŋ dɔnnɔ na yaga zaa. O maŋ deɛ la bana na eŋɛ naŋ kyoɔre na.” (Yieme 34:​18) Ka lɛ ho baŋ ka te yel-erre na toɔ̃ vɛŋeŋ ka Jehoova poɔ pɛle bee ka o poɔ sãã bee? Ka neɛ kaŋaŋ wa nɔŋ ka o erɛ yelfaare, a maŋ beɛrɛɛ Jehoova ka o poɔ meŋ sãã. (Yieme 78:​40, 41) Kyɛ ka neɛŋ wa erɛ yelsonne, a maŋ vɛŋeŋ ka Jehoova poɔ pɛle.​—Kanne Yeng Yelibie 27:11.

3. Wala ka Jehoova maŋ e wuli ka o nɔnɔ teŋ?

Jehoova gyogo naŋ e kpoŋ yaga la nɔmmo. A Baabole yelka, “Naaŋmen waa la nɔmmo.” (1 Gyɔɔn 4:8) Jehoova tu la a Baabole ane o bonmaalee eŋɛŋ a wuli te o nɔmmo. (Kanne Toma 14:​17.) Aŋa mannoo poɔŋ, hooŋ leɛ nyɛ lɛ o naŋ maale te. Lɛ na oŋ maale te na vɛŋɛɛŋ teŋ maŋ de te nimie nyɛrɛ kalare naŋ veɛlɛ yaga zaa, te maŋ toɔ̃ deɛ te tobo woŋ yiele naŋ noma, a toɔ̃ di bondirii naŋ noma yaga zaa meŋ. O boɔrɔŋ ka te taa popeɛloŋ yaga.

ZANNE YƐLƐ YAGA POƆ

4. Naaŋmen faŋa la a vooroŋ soŋ

Aŋa lɛ te naŋ maŋ de te nuure tonɔ toma na, lɛ meŋ la ka Jehoova maŋ de a vooroŋ soŋ tonɔ o toma. A Baabole wuleeŋ ka a vooroŋ soŋ ba e neɛ kaŋa naŋ bebe, kyɛ o eɛ faŋa na Naaŋmen naŋ maŋ de tonɔ o toma. Kanne Luka 11:​13 ane Toma 2:​17, a kyɛ gyieli a soorebie ŋa yɛlɛ:

• Naaŋmen na de la o vooroŋ soŋ na “paale” noba naŋ sɔrɔ o vooroŋ soŋ na. Azuŋ, ho teɛre ka a vooroŋ soŋ eɛ neɛ kaŋa naŋ bebe, bee o eɛ Naaŋmen faŋa? Bonso hoŋ iri a noɔre lɛ?

Jehoova maŋ de la o vooroŋ soŋ na toŋ toma yaga zaa. Kanne Yieme 33:6 ane 2 Piita 1:​20, 21, a kyɛ gyieli a soorebiri ŋa yɛlɛ:

• Sobobo ka Jehoova maŋ tu kyɛ de o vooroŋ soŋ na tonɔ neŋ toma?

5. Jehoova taa la gyog-sonne yaga

Moosis da eɛ Naaŋmen yelmeŋɛ puorebie na kaŋa, kyɛ o da boɔrɔŋ ka o baŋ o Maala na soŋ. Azuŋ, Moosis da yelko la Naaŋmen ka: “Wuli ma ho soe ka N baŋ bo.” (Yiibu 33:​13) Lɛ la, ka Jehoova da wuli Moosis o gyog-sonne na mine. Kanne Yiibu 34:​4-6, a kyɛ gyieli a soorebie ŋa yɛlɛ:

• Bo gyogri la ka Jehoova da iri wuli Moosis?

• Jehoova gyogri bobo ka ho poɔ pɛle yaga?

6. Jehoova taa la noba yɛlɛŋ

A Hiburu noba naŋ e Naaŋmen noba na, da eɛ gbaŋgbaare Igyipiti paaloŋ poɔŋ. Wala aŋ da erɛ Jehoova saŋa na oŋ da nyɛ o noba naŋ dire dɔgɛɛ na? Ŋmɛ a ODIO a kyɛ tuuro a kannoo, bee kanne Yiibu 3:​1-​10. Kyɛ pãã gyiele a soorebie naŋ tu na yɛlɛ.

ODIO: Saŋa Na Baŋ Da Dire Dɔgɛɛ Na A Da Fɛrɛɛ Jehoova (2:45)

• Bo ka a yɛlɛ ŋa wulo te a kyaare lɛ aŋ maŋ beɛrɛ Jehoova saŋa na oŋ wa nyɛ nensaaleba naŋ dire dɔgɛɛ na?​—Nyɛ o wɛlbo 7 ane 8.

• Wala hoŋ teɛre, ka lɛ Naaŋmen sereŋ boɔrɔŋ ka o soŋ nensaaleba bee, o taaɛ a faŋa meŋ ka o e lɛ? Bonso hoŋ teɛrɛ lɛ?

7. Te na toɔ̃ zannɛɛ Jehoova yɛlɛ a yi boma o naŋ maale poɔŋ

Jehoova tu la boma o naŋ maale eŋɛŋ kyɛ vɛŋ teŋ baŋoo. Ŋmɛ a VIDIO. Pãã kanne Urom 1:​20, a kyɛ gyieli a soorebiri naŋ tu na.

VIDIO: Bomma Naaŋmen Naŋ Maale Maŋ Wullee Jehoova Nɔmmo​—A Nensaalaa Eŋgan (1:57)

• Jehoova gyogri bobo hoŋ maŋ nyɛ o bonmaalee eŋɛŋ?

A ZANNOO YELNIMIZEERE

Te koŋ baŋ de te nimie nyɛ Jehoova, kyɛ o e la neɛ naŋ bebe a taa gyog-sonne yaga, kyɛ nɔmmo la o gyogo naŋ e kpoŋ o gyogri zaa poɔŋ.

Bo Hoŋ Zanne

• Bonso teŋ koŋ toɔ̃ nyɛ Jehoova?

• Boŋ la a vooroŋ soŋ?

• Jehoova gyogri na mine la boŋ?

YƐLƐ MINE NAŊ LƐ BEBE

Zanne Jehoova gyog-nimizeere anaare na yɛlɛ a toɔ̃ baŋoo soŋ.

“Wala Ka Naaŋmen Waa?” (A Watchtower No. 1 2019)

Nyɛ sieree naŋ wuli ka Naaŋmen ba be zie la zie zaa aŋa lɛ na saseɛ naŋ be zie zaa na.

“Naaŋmen Be La Zie Zaa Bee?” (Intanɛt zu gane)

Nyɛ bon na zuŋ a Baabole naŋ yelka a vooroŋ soŋ eɛ Naaŋmen nuure na.

“Boŋ La A Vooroŋ Soŋ?” (Intanɛt zu gane)

A da eɛ tuo ko dɔɔ zɔŋa kaŋa ka o sagedi ka Naaŋmen taa la nɔmmo ko o. Nyɛ bon naŋ vɛŋ ka o teɛroŋ leɛre.

“Pampana Yɛŋ N Nyɛɛŋ Ka N Meŋ Na Toɔ̃ Soŋ La Noba” (A Watchtower, October 1, 2015)