Yɛlɛ Naŋ Seŋ Ka Noba Naŋ Wa A Lammokpɛŋ Baŋ

SONNEBA A sonneba bebeŋ ka ba soŋ bo. Ka ba naŋ wa wulo bo zie naŋ seŋ ka ho biŋ ho lɔɔre, zie naŋ seŋ ka ho tu, zenziiri yɛlɛ, ane a yɛlɛ ama mine taa, sɔrebo la, kyɛlle woŋ ba yɛlɛ na.

SUOBU DEEBO Ba na barɛɛ zenziiri a nimitɔɔreŋ ko noba naŋ na de suobu na, ka ba naŋ ba e lɛ, ba na terɛɛ sowuli. Noba na zaa naŋ boɔrɔ ka ba de suobu na seŋ ka ba wa zeŋ be beguo saŋa Asibiti Daare, sɛre kyɛ ka a suobu deebo yelyaga piili. Ba kaŋa zaa seŋ ka o taa bɔɔdowaa ane koɔ̃ bonsuurii naŋ seŋ neŋ waneŋ.

LIBIYƐLƐ Ba ŋmeɛ sama yaga kyɛ bɔ a lammozie neŋ a kogri noba naŋ na zeŋ, boma naŋ vɛŋ ka a yelyaga yire, vidio boma, ane yɛlɛ yaga baŋ e a vɛŋ ka a lammokpɛŋ noma, a lɛ soŋ te ka te toɔ̃ tage peɛle Jehoova. Libie na hoŋ maŋ yi ho sukyiriŋ a ire terɛ na maŋ soŋeŋ teŋ yɔɔ a sama ŋa, a lɛ de mine sonnɔ a donɛɛ zaa naaŋ moɔloo toma na meŋ. Te naŋ boɔrɔ ka yɛlɛ e mɔlɔ ko bo zuŋ, te de la libie dagre biŋ a lammo ziiri mine. Kyɛ ka hooŋ boɔrɔ, ho na baŋ gaaɛ donate.jw.org intanɛt zu tomazie na a te iri libie tere. Libiri zaa hoŋ na toɔ̃ iri tere na paalɛɛ te niŋe. A Lantaa Zukaareba boɔrɔŋ ka ba puori bo bareka neŋ lɛ hoŋ maŋ yi ho poɔ zaa ire libie sonnɔ a Naaloŋ toma na.

LAAFEELOŊ ZIE Sɔrebo la, aseŋ ka ho baŋ ka baaloŋ uraa yoŋ baŋ kaara beŋ.

ZIE BA NAŊ KAARA BOMA NAŊ BƆRE Ka hooŋ nyɛ bonkaŋa naŋ bɔre, aseŋ ka ho de o gaaneŋ Zie Ba Naŋ Kaara Boma Naŋ Bɔre Tomazie na. Ka ho bonkaŋaŋ wa bɔre, gaa a zie ŋa a te nyɛ ka a bon be la beŋ bee. Aseŋ ka ho nyɔge bibiiri naŋ bɔre yi ba dɔgreba seŋ gaaneŋ be. Kyɛ sɔrebo la, te naŋ ba boɔrɔ ka te de toɔrɔ dɔgle neɛ kaŋa zuŋ na, mɔɔ kyɛ kaara ho bibiiri zu soŋ a kyɛ vɛŋ ka ba maŋ peɛle bo.

ZENZIIRI Sɔrebo la, maŋ teɛrɛ ho taaba yɛlɛ. Baŋ ka, ho na baŋ deɛ la zenzie biŋ ko ho yideme, bee noba ho ne ba naŋ laŋ kpɛ lɔɔre wa, noba ho ne ba naŋ laŋkpeɛrɛ, kyɛbee ho Baabole zannezanneba yoŋ. Sɔrebo la, ka hooŋ ba iri kogi biŋ ko neɛ kaŋa, lɛ yɛŋ ta wa derɛ boma dɔglɔ a kogri kaŋa zaa zuŋ.

TOMA SOMMO ZIE Ka hooŋ wa boɔrɔ ka ho soŋ toŋ toma naŋ be a lammokpɛŋ zieŋ, de ho yuori te ko a Duoro Ane Toma Sommo Zie deme.

Jehoova Sieree Deme Lantaa Zukaareba La Sɛgre A Lammokpɛŋ Ŋa